တၢ်ကတိၤဒိ. 26:20 - Sgaw Karen Common Bible

²⁰ သ့ၣ်မုၣ်တအိၣ်ဘၣ်ဒီးမ့ၣ်အူလီၤပံာ်ဝဲလီၤ. တၢ်ကတိၤသီၣ်ဝံသဲကလၤတအိၣ်ဘၣ်န့ၣ်, တၢ်အ့ၣ်လိာ်ဆိးက့လိာ်ဆိကတီၢ်အသးလီၤ.

တၢ်ကတိၤဒိ. 26:20 Iomraidhean Croise

တၢ်ကတိၤဒိ. 16:28

တၢ်ကတိၤသီၣ်ဝံသဲကလၤဘၣ်တၢ်ရၤလီၤအီၤလၢပှၤတတီတလိၤ တဖၣ်လီၤ. အဝဲသ့ၣ်ထိၣ်ဂဲၤထီၣ်တၢ်ကီတၢ်ခဲဒီးမၤလီၤဖး တၢ်ဒီတံၤဒီသကိးတဖၣ်လီၤ.

တၢ်ကတိၤဒိ. 22:10

ဟီထီၣ်ကွံာ်ပှၤပာ်ထီၣ်ထီအသးတဂၤတက့ၢ်. အန့ၣ်ဒီး, တၢ်ကတိၤဂ့ၢ်လိာ်ဘှီလိာ်တဖၣ်မ့ၢ်ဂ့ၤ, တၢ်အ့ၣ်လိာ်ဆိးက့လိာ်မ့ၢ်ဂ့ၤ, ဒီးတၢ်ကတိၤဒုၣ်ဒွဲၣ်တအိၣ်လၢၤဘၣ်.

တၢ်ကတိၤဒိ. 26:22

တၢ်သီၣ်ဝံသဲကလၤမ့ၢ်တၢ်ဝံၣ်သိဝံၣ်ဘဲးဒိၣ်မးတုၤပသးအိၣ် ယူၢ်လီၤကွံာ်အီၤမးလဲၣ်.

လံာ်တၢ်ဘူၣ်ထီၣ်ဘါထီၣ် 19:16

သုတရၤလီၤတၢ်ကတိၤကဘျံးကဘျၣ်ဘၣ်ဃးပှၤတဂၤလၢ်လၢ်အဂ့ၢ်တဂ့ၤ. ဖဲပှၤတဂၤဂၤဘၣ်ကွၢ်ဆၢၣ်မဲာ်ဒီးကွီၢ်လၢအ သးသမူကပူၤဖျဲးအဂီၢ်န့ၣ်သုတၢ်အုၣ်သးကဘၣ်မ့ၢ်တၢ်မၤစၢၤလၢအဂီၢ်န့ၣ်လီၤ. ယဲဒၣ်အံၤယမ့ၢ်ယွၤလီၤ.

ယၤကိာ် 3:5

ပျ့ၤမ့ၢ်တၢ်ဒ်န့ၣ်အသိးစ့ၢ်ကီးလီၤ. မ့ၢ်တၢ်ဆံးကိာ်ဖိသနာ်က့ ကတိၤဒိၣ်ကတိၤသွါလီၤက့ၤအသးဘၣ်ဃးအတၢ်မၤဖးဒိၣ် တဖၣ်အဂ့ၢ်သ့ဝဲလီၤ. ကွၢ်ဆိကမိၣ်မ့ၣ်အူလၣ်ဆံးကိာ်ဖိလၢအအီၣ်ကဲၤကပျီၤ ထီၣ်သ့ၣ်ပှၢ်ဖးဒိၣ်သ့ဝဲအဂ့ၢ်န့ၣ်တက့ၢ်.

ယၤကိာ် 3:6

ဒီးပျ့ၤမ့ၢ်တၢ်လၢအလီၤဂာ်ဒီးမ့ၣ်အူလီၤ. မၤအသးဒ်ဟီၣ်ခိၣ်လၢအတတီတလိၤတဘ့ၣ်လၢအအိၣ်လၢ ပနီၢ်ခိအက့ၢ်အဂီၤတဖၣ်အကျါ, ဒီးမၤဘၣ်အၢဘၣ်သီပနီၢ် ဒီဂၤညါန့ၣ်လီၤ. ပတၢ်အိၣ်မူအကျဲဒီဘိညါန့ၣ်, ဆိၣ်ကဲၤထီၣ်ဝဲလၢမ့ၣ်အူလၢအဟဲလၢလရာ်ဒၣ်ဝဲအပူၤ န့ၣ်လီၤ.