တၢ်ကတိၤဒိ. 26:12 - Sgaw Karen Common Bible

¹² ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

တၢ်ကတိၤဒိ. 26:12 Iomraidhean Croise

တၢ်ကတိၤဒိ. 12:15

ပှၤလၢအသူၣ်တထံအသးတဆးတဖၣ်ဆိကမိၣ်ဝဲထီဘိလၢအကျဲန့ၣ်ဘၣ် ဝဲလီၤ. ပှၤကူၣ်သ့တဖၣ်န့ၣ်, ဒိကနၣ်တၢ်ဟ့ၣ်ကူၣ်ဟ့ၣ်ဖးလီၤ.

တၢ်ကတိၤဒိ. 22:29

ဒုးနဲၣ်ယၤပှၤတဂၤလၢအမၤတၢ်မၤအဂ့ၤတမံၤန့ၣ်တက့ၢ်. ဒီးယကဒုးနဲၣ်နၤပှၤတဂၤလၢအဂ့ၤန့ၢ်ဒံးပှၤအါတက့ၢ်ဒီးကြၢး ဒီးစီၤပၤတဖၣ်အတၢ်ရ့လိာ်မုာ်လိာ်န့ၣ်လီၤ.

တၢ်ကတိၤဒိ. 26:16

ပှၤအကၢၣ်တဂၤကဆိကမိၣ်ဝဲလၢအဝဲကူၣ်တၢ်သ့ဒိၣ်န့ၢ်ဒံး ပှၤနွံဂၤလၢအသ့ဟ့ၣ်ထီၣ်အတၢ်ဆိကမိၣ်တဖၣ်လၢတၢ်ဘၣ်ဘျီးဘၣ်ဒါ အဂီၢ်န့ၣ်လီၤ.

တၢ်ကတိၤဒိ. 26:5

ဟ့ၣ်တၢ်စံးဆၢတဂိာ်တသီၣ်တမံၤဆူတၢ်သံကွၢ်တဂိာ်တသီၣ် တထံၣ်န့ၣ်တက့ၢ်. အန့ၣ်ဒီးပှၤလၢအသံကွၢ်တၢ်တဂၤန့ၣ်, ကသ့ၣ်ညါလီၤအသးလၢအဝဲတမ့ၢ်ပှၤအသ့ထဲသိးဒီးအဆိ ကမိၣ်လီၤအသးဘၣ်န့ၣ်လီၤ.

တၢ်ကတိၤဒိ. 28:11

ပှၤထူးပှၤတီၤတဖၣ်ဆိကမိၣ်ဝဲထီဘိလၢအကူၣ်တၢ်သ့န့ၣ်လီၤ. မ့မ့ၢ် ပှၤအဖှီၣ်ဖိတဂၤလၢအအိၣ်ဒီးသးအတၢ်ထံၣ်ဖျိဆူသကဲးပဝာ် န့ၣ်, သ့ၣ်ညါတၢ်ဂ့ၤဒိၣ်တက့ၢ်လီၤ.

တၢ်ကတိၤဒိ. 28:26

တၢ်ပိာ်ထွဲနသးအတၢ်ဆိကမိၣ်ဒၣ်နဲန့ၣ်မ့ၢ်တၢ်မၢးလီၤ. ပိာ်ထွဲပှၤကူၣ်တၢ်သ့တဖၣ်အတၢ်သိၣ်လိတက့ၢ်. အန့ၣ်ဒီး, နကပူၤဖျဲးလီၤ.

တၢ်ကတိၤဒိ. 29:20

ပှၤဟးဂီၤဖိလၢအမၢးတဂၤန့ၣ်တၢ်မုၢ်လၢ်အိၣ်လၢအဂီၢ်အါန့ၢ် ဒိၣ်န့ၢ်ဒံးပှၤတဂၤဂၤလၢအကတိၤတၢ်တအိၣ်ဒီးတၢ်ဆိကမိၣ်ဆိကမး န့ၣ်တက့ၢ်လီၤ.

တၢ်ကတိၤဒိ. 3:7

ပျဲနတၢ်ဆိကမိၣ်ဆှၢနၤလၢနကူၣ်တၢ်သ့န့ၢ်ဒံးနမ့ၢ်တၢ်န့ၣ်တဂ့ၤ. စူၢ်ဒၣ်ထဲယွၤဒီးဂ့ၢ်လိာ်တၢ်မၤကမၣ်တၢ်တက့ၢ်.

လံာ်ယၡါယၤ 5:21

သုဘၣ်တၢ်စံၣ်ညီၣ်ဃါမနၤလီၤ. သုဆိကမိၣ်လၢသုကူၣ်တၢ်သ့, ဒီးသုသ့သုဘၣ်ဒိၣ်မးလီၤ.

လံာ်မးသဲ 21:31

ဖိခွါခံဂၤအံၤ, မ့ၢ်ပှၤမၤတၢ်ဘၣ်အပၢ်အသးလၢလဲၣ်တဂၤလဲၣ်.” ဒီးအဝဲသ့ၣ်စံးဆၢအီၤ, “မ့ၢ်ဖိခွါလၢအဒိၣ်တဂၤလီၤ.” တုၤနုၤတစုယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်ကလဲၤနုာ်ဆိဆူ ကစၢ်ယွၤအဘီအမုၢ်အပူၤလၢသုမဲာ်ညါလီၤ.

လံာ်လူၤကၣ် 18:11

ပှၤဖၤရံၤၡဲအိၣ်ဆၢထၢၣ်ဝဲတပူၤဒၣ်ဒီးဃ့ဘါထုကဖၣ်တၢ်ဒီးစံး, ‘ယစံးဘျုးနၤလီၤကစၢ်ယွၤဧၢ, လၢယတမ့ၢ်ပှၤဂုာ်ဆူၣ်ပျိဆူၣ်တၢ်, ပှၤမၤတၢ်အၢတၢ်သီ, ပှၤအဲၣ်ဘၢတၢ်ဒ်ပှၤဂၤအသိးဘၣ်အဃိန့ၣ်လီၤ. ယစံးဘျုးနၤလၢယတလီၤဂာ်ဒီးပှၤဃ့သွဲတဂၤန့ၣ်အဃိလီၤ.

လံာ်လူၤကၣ် 7:44

တုၤနုၤတစုယ့ၣ်ၡူးဃၣ်ဃီၤအသးဆူပိာ်မုၣ်အအိၣ်ဒီးစံးဘၣ်စီၤၡံမိၣ်, “နထံၣ်ပိာ်မုၣ်တဂၤအံၤကစီဒီဧါ. ယဟဲနုာ်ဆူနဟံၣ်ပူၤဒီး နတဟ့ၣ်ယၤထံလၢယခီၣ်အဂီၢ်နီတစဲးဘၣ်. မ့မ့ၢ်အဝဲဒၣ်သ့ကွံာ်ယခီၣ်လၢအမဲာ်ထံ, ဒီးတြူာ်သူထီၣ်က့ၤဝဲလၢအခိၣ်သူလီၤ.

လံာ်ယိၤဟၣ် 9:41

ယ့ၣ်ၡူးစံးဆၢတၢ်ဒီးစံး, “သုမဲာ်မ့ၢ်ဘျီၣ်တ့ၢ်ဒီးသုတၢ်ကမၣ်တမ့ၢ် အကအိၣ်ဘၣ်. ဘၣ်ဆၣ်သုစံးလၢသုထံၣ်တၢ်အဃိ, သုတၢ်ကမၣ်အိၣ်ဒံးဒၣ်တၢ်န့ၣ်လီၤ.”

ရိမ့ၤ 12:16

သူၣ်အိၣ်သးအိၣ်ပှၤကိးဂၤဒဲးဒ်သိးသိးတက့ၢ်. တဘၣ်ပာ်ထီၣ်ထီသုသးတဂ့ၤ, မ့မ့ၢ်ရ့တံၤရ့သကိးဒီးပှၤဖှီၣ်ဖိယာ်ဖိတဖၣ်တက့ၢ်. တဘၣ်ဆိကမိၣ်လီၤသုသးလၢသုကူၣ်ဘၣ်ကူၣ်သ့တဂ့ၤ.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.