တၢ်ကတိၤဒိ. 25:6 - Sgaw Karen Common Bible

⁶ ဖဲနဆၢထၢၣ်လၢစီၤပၤအမဲာ်ညါန့ၣ်မၤဒိၣ်မၤသွါနသးဒီးပာ်မၤ နသးဒ်ပှၤလၢအကါဒိၣ်တဂၤအသိးတဂ့ၤ.

တၢ်ကတိၤဒိ. 25:6 Iomraidhean Croise

စံးထီၣ်ပတြၢၤ 131:1

ယွၤဧၢ, ယညိကွံာ်ယတၢ်ပာ်ထီၣ်ထီသးဒီး ဃၣ်ကွံာ်ယသးလၢ တၢ်ပာ်ကဖၢလၢယသးန့ၣ်လံ. ယတသးအိၣ်တၢ်ဂ့ၢ်အဒိၣ်အမုၢ်တဖၣ် မ့တမ့ၢ် တၢ်ဂ့ၢ်တၢ်ကျိၤတဖၣ်လၢ အကီ ကဲာ်ဆိးလၢယဂီၢ်န့ၣ်ဘၣ်.

လံာ်တၢ်ဟးထီၣ်ကွံာ် 3:11

ဒီးစီၤမိၤၡ့စံးဘၣ်ကစၢ်ယွၤ, “ယဲဒၣ်အံၤယတမ့ၢ်တၢ်နီတမံၤ ဘၣ်. ယကလဲၤဆူစီၤပၤအအိၣ်ဒီးထုးထီၣ်ကွံာ်ပှၤအံၣ်စရ့လးဖိတဖၣ် လၢကီၢ်အဲၤကူပတူးအပူၤကသ့ဒ်လဲၣ်.”

တၢ်ကတိၤဒိ. 16:19

တၢ်ဆီၣ်လီၤသးဒီးတၢ်အိၣ်ဖှီၣ်အိၣ်ယာ်န့ၣ်ဂ့ၤဒိၣ်န့ၢ်ဒံးတၢ် ကဲထီၣ်ပှၤပာ်ကဖိအသးတဖၣ်အကျါတဂၤဒီးမၤန့ၢ်တၢ်ဟ့ၣ်နီၤလၢ အဝဲသ့ၣ်အတၢ်ဂုာ်န့ၢ်အကျါန့ၣ်လီၤ.

တၢ်ကတိၤဒိ. 25:27

ကနဲစီအါကဲၣ်ဆိးန့ၣ်အၢလၢနဂီၢ်လီၤ. ဒ်န့ၣ်အသိး, တၢ်ကျဲးစၢးမၤန့ၢ်တၢ်စံးထီၣ်ပတြၢၤအါကဲၣ်ဆိးန့ၣ်မ့ၢ်တၢ် တမံၤဃီလီၤ.

တၢ်ကတိၤဒိ. 25:5

ပာ်ပှၤဟ့ၣ်ကူၣ်တၢ်အအၢအသီတဖၣ်ယံၤဒီးစီၤပၤတက့ၢ်. အန့ၣ်ဒီးအတၢ်ပၢတၢ်ပြးကဘၣ်တၢ်သ့ၣ်ညါအီၤလၢ အတၢ်စံၣ်ညီၣ်တီအဃိလီၤ.

တၢ်ကတိၤဒိ. 25:7

အဂ့ၢ်ဒ်အံၤ, တၢ်ကွဲန့ၢ်ကိးန့ၢ်နၤဒ်သိးနကဟံးန့ၢ်တၢ်လီၢ်လၢ အထီထီၣ်တတီၤန့ၣ်ဂ့ၤဒိၣ်န့ၢ်ဒံးတၢ်စံးဘၣ်နၤလၢနကဟ့ၣ်လီၤ ကွံာ်နလီၢ်ဆူပှၤလၢအကါဒိၣ်န့ၢ်နၤတက့ၢ်န့ၣ်လီၤ.

တၢ်ကတိၤဒိ. 27:2

ပျဲပှၤဂၤစံးထီၣ်ပတြၢၤနၤတက့ၢ်, ပျဲပှၤသမှံၤဒၣ်လဲာ်စံး ထီၣ်ပတြၢၤနၤတက့ၢ်. စံးထီၣ်ပတြၢၤလီၤနသးဒၣ်နဲနီတစုတဂ့ၤ.

လံာ်လူၤကၣ် 14:10

မ့မ့ၢ်ဖဲတၢ်ကွဲနၤန့ၣ်, လဲၤဒီးဆ့ၣ်နီၤလၢတၢ်လီၢ်လၢအဖုၣ်ကတၢၢ်, ဒ်သိးဟံၣ်ကစၢ်လၢအကွဲနၤတဂၤန့ၣ်ကဟဲဆူနအိၣ်ဒီးစံးဝဲ, ‘တံၤသကိးဧၢ, ဟဲထီၣ်ဆ့ၣ်နီၤလၢတၢ်လီၢ်အဂ့ၤတက့ၢ်.’ တုၤနုၤတစုနကဒိးန့ၢ်တၢ်လၤတၢ်ကပီၤလၢပှၤသမှံၤအဂၤခဲလၢာ် အမဲာ်ညါလီၤ.

လံာ်လူၤကၣ် 14:8

“ဖဲနဘၣ်တၢ်ကွဲနၤလၢပှၤတဂၤဂၤဆူတၢ်ဖျီအမူးတမူးန့ၣ်, တဘၣ်ဆ့ၣ်နီၤနဲလၢတၢ်လီၢ်အဂ့ၤကတၢၢ်တဂ့ၤ. တၢ်ကမၤဘၣ်ဖုးအသးလၢပှၤအကါဒိၣ်န့ၢ်နၤတဂၤဘၣ် တၢ်ကွဲတ့ၢ်အီၤစ့ၢ်ကီး,

လံာ်စီၤၡမူၤအ့လးအခီၣ်ထံးတဘ့ၣ် 15:17

စီၤၡမူအ့လးစံးဆၢဝဲ, “နမ့ၢ်ဆိကမိၣ်လီၤနသးလၢနတမ့ၢ်တၢ် အကါဒိးနီတမံၤဒၣ်လဲာ်န့ၣ်, နမ့ၢ်ပှၤအံၣ်စရ့လးဖိအဒူၣ်တဖၣ်အခိၣ်လီၤ. ယွၤဖှူနၤဒ်ကီၢ်အံၣ်စရ့လးအစီၤပၤတဂၤအသိးလီၤ.