တၢ်ကတိၤဒိ. 25:25 - Sgaw Karen Common Bible

²⁵ တၢ်နၢ်ဟူဘၣ်တၢ်ကစီၣ်အမုာ်ဟဲလၢထံယံၤကီၢ်ယံၤန့ၣ်လီၤဂာ်ဒီး တၢ်အီဘၣ်ထံခုၣ်ဖဲပသးဃ့ထီဒီးတၢ်သူပသးလၢထံအဆၢကတီၢ် န့ၣ်လီၤ.

တၢ်ကတိၤဒိ. 25:25 Iomraidhean Croise

လံာ်တၢ်ကဲထီၣ်အခီၣ်ထံး 45:27

ဘၣ်ဆၣ်တုၤအဝဲသ့ၣ်တဲဘၣ်အီၤတၢ်ခဲလၢာ်လၢစီၤယိၤသးစံးဘၣ် အဝဲသ့ၣ်, ဒီးဖဲအဝဲထံၣ်ဘၣ်လ့ၣ်ကဟၣ်တဖၣ်လၢစီၤယိၤသးဆှၢလီၤဒ်သိးတၢ် ကလဲၤကိးအီၤဆူကီၢ်အဲၤကူပတူးန့ၣ်, အဝဲသ့ၣ်နီၣ်ထီၣ်က့ၤအသးလၢတၢ်သးလီၤကတုၤန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 23:15

စီၤဒၤဝံးသးသယုၢ်ဘၣ်အအိၣ်အဆိးအလီၢ်ဒီးစံးဝဲ, “ယဆၢမးလၢပှၤတဂၤဂၤကဟဲဒၢၣ်ဒုးအီယၤထံလၢထံပူၤတပူၤ လၢအအိၣ်ဖဲဝ့ၢ်ဘ့ၤသလ့ဃ့ၣ်အကျဲစၢၤတြဲၤခီၣ်ထံးန့ၣ်လီၤ.”

စံးထီၣ်ပတြၢၤ 63:1

ကစၢ်ယွၤဧၢ, နမ့ၢ်ယကစၢ်ယွၤ ဒီးယသးသယုၢ်ဘၣ်နၤလီၤ. ယနီၢ်ဒီတဂၤညါဆၢန့ၢ်ဘၣ်နၤ ဒ်ကီၢ်လၢအဃ့စိၢ်ဃ့ထီဒီး ထံတအိၣ်ဘၣ်အသိးန့ၣ်လီၤ. ယသးအံၤသူအသးလၢနၤလီၤ.

လံာ်တၢ်ဟးထီၣ်ကွံာ် 17:6

ယကဆၢထၢၣ်လၢသုမဲာ်ညါလၢလ့တဖျၢၣ်အဖီခိၣ်ဖဲကစၢၢ်စံၤနါန့ၣ် လီၤ. တီၢ်လ့န့ၣ်ဒီးထံကဟဲထီၣ်လၢအပူၤလၢပှၤဂီၢ်မုၢ်ကအီအီၤအဂီၢ် လီၤ.” ဒီးစီၤမိၤၡ့မၤဝဲဒ်န့ၣ်လၢကီၢ်အံၣ်စရ့လးအခိၣ်အနၢ်တဖၣ်အမဲာ်ညါန့ၣ်လီၤ.

တၢ်ကတိၤဒိ. 15:30

မဲာ်နံၤကမှံတဖၣ်မၤသးခုနသးလီၤ. ဒီးတၢ်ကစီၣ်လၢအဂ့ၤတဖၣ် မၤမုာ်နသးအါထီၣ်လီၤ.

တၢ်ကတိၤဒိ. 25:26

ပှၤအဂ့ၤတဂၤလၢအဟ့ၣ်လီၤကွံာ်အသးဆူပှၤအၢသီတဂၤဂၤအစုပူၤ န့ၣ်ဒုးသ့ၣ်နီၣ်ထီၣ်က့ၤနၤလၢထံမူတပူၤလၢအဘၣ်တၢ်မၤဘၣ်အၢ အီၤ, မ့တမ့ၢ်, ထံပူၤလၢအအိၣ်ဒီးစုၣ်လၢအပူၤန့ၣ်လီၤ.

လံာ်ယၡါယၤ 52:7

တၢ်ထံၣ်ဘၣ်ပှၤစိာ်တၢ်ကစီၣ်တဂၤဟဲခီဂာ်ကစၢၢ်ကလိတဖၣ်, ဟဲစိာ်ဃုာ်ဝဲတၢ်သးခုဒီးတၢ်ဃူတၢ်ဖိးအကစီၣ်န့ၣ်, မ့ၢ်မးတၢ်လီၤလးဆံးဒိၣ်လဲၣ်. အဝဲဘိးဘၣ်သ့ၣ်ညါတၢ်မၤနၢၤဒီးစံးဘၣ်ဝ့ၢ်စံယိၣ်, နကစၢ်ယွၤမ့ၢ်စီၤပၤလီၤ.

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်ယံးရမံယၤ 18:14

မ့ၢ်ကီၢ်လဘၤနိၣ်အလၢၢ်ခိၣ်လ့ခိၣ်လၢအထီတဖၣ်တအိၣ်ဘၣ်ဒီး မူခိၣ်ဖီတဘျီဘျီန့ၣ်ဧါ. မ့ၢ်အကစၢၢ်ခိၣ်အထံဖိကျိလၢအခုၣ်တဖၣ်လီၤသံးကွံာ်တဘျီဘျီန့ၣ်ဧါ.

လံာ်နၤဃူၣ် 1:15

ကွၢ်ကွၢ်, ပှၤစိာ်တၢ်ကစီၣ်ဟဲလၢကစၢၢ်ကလိအဒီခိၣ်အိၣ်ဒီးတၢ် ကစီၣ်အမုာ်န့ၣ်လီၤ. အဝဲဟဲဝဲလံဒ်သိးကဘိးဘၣ်သ့ၣ်ညါတၢ်မၤနၢၤအကစီၣ်န့ၣ်လီၤ. ကီၢ်ယူဒၤအပှၤဂီၢ်မုၢ်ဧၢ, မၤသုဘူၣ်တဖၣ်အမူးဖးဒိၣ်ဒီးဟ့ၣ်ကစၢ်ယွၤလၢတၢ်လၢသု အၢၣ်လီၤတ့ၢ်သညူးသပှၢ်ဒီးအီၤန့ၣ်တက့ၢ်. ပှၤအၢပှၤသီတနုာ်လီၤဒုးကဒီးသုထံသုကီၢ်နီတဘျီလၢၤဘၣ်. အဝဲသ့ၣ်ဘၣ်တၢ်မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”

ရိမ့ၤ 10:15

ဒီးပှၤစိာ်တၢ်ကစီၣ်တဖၣ်မ့ၢ်တဘၣ်တၢ်မၢလီၤအီၤဘၣ်ဒီး, တၢ်ကစီၣ်ဘၣ်တၢ်စံၣ်တဲၤတဲလီၤအီၤကသ့ဒ်လဲၣ်. ဒ်တၢ်ကွဲးအသးစီဆှံစံးဝဲအသိး, “ပှၤလၢအစံၣ်တဲၤတဲလီၤတၢ်သးခုအကစီၣ်တဖၣ် အတၢ်ဟဲမ့ၢ်တၢ်လၢအဂ့ၤဆံးဒိၣ်လဲၣ်” (ၡါ ၅၂:၇)

၁ တံၤမသ့း 1:15

အအံၤမ့ၢ်တၢ်ကတိၤအမ့ၢ်အတီလၢပှၤဂ့ၤတူၢ်လိာ်ဒီးနာ် အီၤလၢာ်လၢာ်ဆ့ဆ့, လၢယ့ၣ်ၡူးခရံာ်ဟဲလီၤဆူဟီၣ်ခိၣ်ချၢဒ်သိးအကအုၣ်က့ၤ ခီၣ်က့ၤပှၤတၢ်ဒဲးဘးဖိတဖၣ်လၢယမ့ၢ်အဒိၣ်ကတၢၢ်တဂၤ န့ၣ်လီၤ.

လံာ်စီၤယိၤၡူ 22:33

ပှၤအံၣ်စရ့လးဖိတဖၣ်အသးမံဝဲဒၣ်ဒီးစံးထီၣ်ပတြၢၤကစၢ်ယွၤ လီၤ. လၢအဝဲသ့ၣ်ကလဲၤဒီးဒုးဟးဂီၤကီၢ်လၢပှၤရူၤဘ့ၣ်ဖိဒီးပှၤကးဖိ အိၣ်ဆိးဝဲအဂ့ၢ်န့ၣ်, အဝဲသ့ၣ်တစံးကတိၤဝဲလၢၤဘၣ်န့ၣ်လီၤ.

လံာ်လီၣ်ဖျါ 21:6

ဒီးအဝဲဒၣ်စံးဝဲ, “တၢ်မၤအသးဝံၤလံ. ယမ့ၢ် က, ဒီး ဧ, တၢ်အခီၣ်ထံးဒီးတၢ်အကတၢၢ်လီၤ. ဆူပှၤတဂၤလၢ်လၢ်လၢတၢ်သူအသးလၢထံန့ၣ်, ယကဟ့ၣ်အီၤအခွဲးအယာ်လၢအကအီထံဖဲတၢ်မူ အထံထီၣ်ပၢၢ်တအိၣ်ဒီးတၢ်ဟ့ၣ်ဘၣ်အပှ့ၤအကလံၤ န့ၣ်ဘၣ်လီၤ.

လံာ်လီၣ်ဖျါ 22:17

ယွၤအသးဒီးတလးမူးပိာ်မုၣ်န့ၣ်စံးဝဲ, “ဟဲတက့ၢ်.” ပှၤတဂၤလၢ်လၢ်လၢအနၢ်ဟူတၢ်အဝဲအံၤန့ၣ်, ကဘၣ်စံးစ့ၢ်ကီးဝဲ, “ဟဲတက့ၢ်” န့ၣ်လီၤ. ဟဲတက့ၢ်, ပှၤလၢတၢ်သူအသးလၢထံတဂၤလၢ်လၢ်ဧၢ, တူၢ်လိာ်ထံမူဒ်တၢ်ဟ့ၣ်တက့ၢ်, ပှၤလၢအဆၢဒိးန့ၢ်ဘၣ်အီၤ တဂၤလၢ်လၢ်ဧၢ.