တၢ်ကတိၤဒိ. 25:2 - Sgaw Karen Common Bible

² တၢ်ပာ်တဒၢတၢ်တမံၤန့ၣ်မ့ၢ်ကစၢ်ယွၤအလၤကပီၤလီၤ. တၢ်ဃုထံၣ်မၤဖျါထီၣ်တၢ်တမံၤန့ၣ်မ့ၢ်စီၤပၤတဖၣ် အလၤကပီၤလီၤ.

တၢ်ကတိၤဒိ. 25:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:5

စီၤဒၤဝံးသံကွၢ်အီၤ, “စီၤစီလူးဒီးစီၤယိနၤသၣ်သံဝဲ န့ၣ်နသ့ၣ်ညါဒ်လဲၣ်.”

လံာ်စီၤၡမူၤအ့လးခံဘ့ၣ်တဘ့ၣ် 14:19

စီၤပၤသံကွၢ်အီၤ, “မ့ၢ်စီၤယိၤအာ်မၢနမၤတၢ်အံၤန့ၣ်ဧါ.” ပိာ်မုၣ်န့ၣ်စံးဆၢအီၤ, “နဲဒၣ်, တၢ်ဒိၣ်ကစၢ်စီၤပၤဧၢ, ယဆိၣ်တၢ်လၢတၢ်စီဆှံခဲလၢာ်အပူၤလၢ, ကျဲတအိၣ်ဘၣ်နီတဘိလၢ ယကပဒ့ၣ်ဟးဆှဲးစံးဆၢနတၢ်သံကွၢ်ဘၣ်န့ၣ်လီၤ. သပှၢ်ကတၢၢ်နသုးခိၣ်စီၤယိၤအာ်, မ့ၢ်ပှၤလၢအတဲဘၣ်ယၤလၢယကဘၣ်မၤ တၢ်မနုၤဒီးယကဘၣ်စံးတၢ်မနုၤလဲၣ်န့ၣ်လီၤ.

လံာ်စီၤဧ့စြၤ 4:15

နကဟ့ၣ်လီၤနကလုၢ်လၢပှၤကဃုထံၣ်န့ၢ်က့ၤတၢ်ကွဲးနီၣ်တဖၣ်လၢ နမိၢ်ပၢ်ဖံဖုလၢပျၢၤတဖၣ်ပာ်ကီၤတ့ၢ်အီၤန့ၣ်လီၤ. နမ့ၢ်မၤဒီးနကထံၣ်ဘၣ်လၢဝ့ၢ်အံၤထီဘိပူထီၣ်လီထီၣ်တၢ်ဒီး စးထီၣ်လၢပျၢၤလၢသီလံၤလံၤန့ၣ်, ဟ့ၣ်တ့ၢ်လံတၢ်ကီတၢ်ခဲဆူ စီၤပၤတဖၣ်ဒီးကီၢ်အပှၤပၢတၢ်တဖၣ်န့ၣ်လီၤ. ဝ့ၢ်အံၤအပှၤဂီၢ်မုၢ်မ့ၢ်ပှၤတဖၣ်လၢထီဘိတၢ်ပၢအီၤကီဒိၣ်မး လီၤ. လၢတၢ်န့ၣ်အဃိ, ဝ့ၢ်အံၤဘၣ်တၢ်မၤဟးဂီၤကွံာ်တ့ၢ်အီၤန့ၣ် လီၤ.

လံာ်စီၤဧ့စြၤ 4:19

ယဟ့ၣ်လီၤယကလုၢ်လၢတၢ်ကဃုသ့ၣ်ညါတၢ်အဂီၢ်, ဒီးတၢ်ထံၣ်န့ၢ်ဝဲနီၢ်နီၢ်လၢစးထီၣ်လၢပျၢၤလံၤလံၤန့ၣ်, ဝ့ၢ်ယရူၤၡလ့ၣ်ပူထီၣ်ထီဒါတ့ၢ်စီၤပၤအစိကမီၤ, ဒီးဝ့ၢ်န့ၣ်ပှဲၤဝဲဒီးပှၤပူထီၣ်လီထီၣ်တၢ်တဖၣ်ဒီးပှၤဒုး အိၣ်ထီၣ်တၢ်ကီတၢ်ခဲတဖၣ်န့ၣ်လီၤ.

လံာ်စီၤဧ့စြၤ 5:17

ဒီးခဲကနံၣ်အံၤ, မ့ၢ်ဘၣ်ကစၢ်စီၤပၤဖးဒိၣ်အသးဒီး, မ်ပှၤကွၢ်တၢ်တမံၤလၢစီၤပၤအတၢ်ကွဲးနီၣ်တဖၣ်လၢကီၢ်ဘၤဘူၤ လိၣ်အပူၤဒ်သိးတၢ်ကထံၣ်န့ၢ်မ့ၢ်စီၤပၤဖးဒိၣ်ကိရ့ၣ်ဟ့ၣ်လီၤ တ့ၢ်အကလုၢ်ဧါ, တဟ့ၣ်လီၤတ့ၢ်ဘၣ်လဲၣ်လၢတၢ်ကသူၣ်ထီၣ်ကဒါက့ၤဝ့ၢ်ယရူၤရှလ့ၣ် အတၢ်လုၢ်ဟံၣ်, ဝံၤဒီးဘိးဘၣ်သ့ၣ်ညါက့ၤပှၤလၢနတၢ်ဘၣ်နသးလၢတၢ်ဂ့ၢ်အံၤ အဂီၢ်မ့ၢ်ဒ်လဲၣ်န့ၣ်တက့ၢ်.”

လံာ်စီၤဧ့စြၤ 6:1

လၢတၢ်န့ၣ်အဃိစီၤပၤဖးဒိၣ်ဒၤရယါဝ့ၣ်ဟ့ၣ်လီၤအကလုၢ်လၢတၢ် ကဃုထံၣ်န့ၢ်တၢ်လၢစီၤပၤအတၢ်ကွဲးနီၣ်တဖၣ်အပူၤလၢအဘၣ် တၢ်ပာ်အီၤလၢကီၢ်ဘၤဘူၤလိၣ်န့ၣ်လီၤ.

လံာ်စီၤယိၤဘး 29:16

ယမၤယသးဒ်ပၢ်တဂၤလၢပှၤဖှီၣ်ဖိယာ်ဖိအဂီၢ်အသိး, ဒီးယအိၣ်ပှိၤပှၤတခီဘီမုၢ်ဖိလၢအဘၣ်ကီဘၣ်ခဲတဖၣ်န့ၣ်လီၤ.

လံာ်စီၤယိၤဘး 38:4

ဖဲယတ့လီၤဟီၣ်ခိၣ်န့ၣ်မ့ၢ်နအိၣ်ဖဲလဲၣ်. နမ့ၢ်သ့ၣ်ညါတၢ်အါမးဒီးတဲဘၣ်ယၤတက့ၢ်.

လံာ်စီၤယိၤဘး 42:3

နစံးလၢ, ဖဲယတၢ်သ့ၣ်ညါနၢ်ပၢၢ်တအိၣ်ဘၣ်နီတစဲးန့ၣ်ယသံ ကွၢ်နတၢ်ကူၣ်ဘၣ်ကူၣ်သ့ဘူၣ်ဒ်လဲၣ်. ယကတိၤတ့ၢ်တၢ်လၢ ယတနၢ်ပၢၢ်တဖၣ်အဂ့ၢ်, တၢ်လၢအလီၤလးကဲၣ်ဆိးလၢယဂီၢ် ဒ်သိးယကသ့ၣ်ညါအီၤတဖၣ်အဂ့ၢ်လီၤ.

တၢ်ကတိၤဒိ. 25:27

ကနဲစီအါကဲၣ်ဆိးန့ၣ်အၢလၢနဂီၢ်လီၤ. ဒ်န့ၣ်အသိး, တၢ်ကျဲးစၢးမၤန့ၢ်တၢ်စံးထီၣ်ပတြၢၤအါကဲၣ်ဆိးန့ၣ်မ့ၢ်တၢ် တမံၤဃီလီၤ.

တၢ်ကတိၤဒိ. 25:3

စီၤပၤဆိကမိၣ်တၢ်မနုၤမနုၤန့ၣ်နတသ့ၣ်ညါနီတစုဘၣ်. အတၢ်ဆိကမိၣ်တဖၣ်ပျံကွံာ်ပှၤဒ်မူခိၣ်အိၣ်ထီၣ်ထီဝဲမ့ၢ်ဂ့ၤ, ပီၣ်လဲၣ်ယိာ်ဝဲအသိးမ့ၢ်ဂ့ၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 1:13

ယပာ်လီၤယသးလၢယကသမံသမိးဒီးမၤလိတၢ်ခဲလၢာ်လၢအဘၣ်တၢ်မၤ တ့ၢ်အီၤလၢဟီၣ်ခိၣ်ချၢအံၤန့ၣ်လီၤ.

လံာ်သိၣ်လီၤသီလီၤတၢ် 29:28

ယွၤအတၢ်သးဒိၣ်ကဲၤထီၣ်တ့ၢ်ဝဲဒီးလၢအဝဲအတၢ်သးဒိၣ်ဖးဒိၣ် အပူၤန့ၣ်, အဝဲထဲးထီၣ်ကွံာ်တ့ၢ်အဝဲသ့ၣ်လၢအဝဲသ့ၣ်အထံအကီၢ်အပူၤ, ဒီးကွံာ်လီၤကွံာ်အဝဲသ့ၣ်ဆူထံကီၢ်အဂၤတဘ့ၣ်အပူၤ, ဒီးတနံၤအံၤအဝဲသ့ၣ်အိၣ်ဝဲဖဲန့ၣ်လီၤ.

လံာ်သိၣ်လီၤသီလီၤတၢ် 29:29

တၢ်အိၣ်ဒံးဝဲအဂၤတနီၤလၢယွၤ, ပကစၢ်ယွၤပၢၤဃာ်ခူသူၣ်တ့ၢ်အီၤ, ဘၣ်ဆၣ်အဝဲလီၣ်ဖျါတ့ၢ်အဝဲအတၢ်သိၣ်တၢ်သီ, လၢပှၤယူဒၤဖိအဂီၢ်ဒီးပဝဲဒီးပစၢၤပသွဲၣ်တဖၣ်ပကဘၣ်စူၢ်အီၤ လီၤစိၤလီၤထီန့ၣ်လီၤ.