တၢ်ကတိၤဒိ. 25:18 - Sgaw Karen Common Bible

¹⁸ တၢ်အုၣ်အသးကဘျံးကဘျၣ်တမံၤန့ၣ်မၤသံတၢ်သ့ထဲသိးဒီးနးတဘ့ၣ်, တၢ်ဒုးအနီၣ်တီၢ်တဘိ, မ့တမ့ၢ်, ပျၢ်တဘိလၢအခိၣ်စူန့ၣ်လီၤ.

တၢ်ကတိၤဒိ. 25:18 Iomraidhean Croise

စံးထီၣ်ပတြၢၤ 140:3

အပျ့ၤသ့ၣ်တဖၣ်လီၤဂာ်ဒ်ဂုၢ်လၢအဖျးသံတၢ်, ဒီးအတၢ်ကတိၤတဖၣ်လီၤဂာ်ဒ် ဂုၢ်သီအစုၣ်အသိးန့ၣ်လီၤ. စ့လၤ

စံးထီၣ်ပတြၢၤ 52:2

နကူၣ်ထီၣ်တၢ်မၤဟးဂီၤပှၤဂၤ, နပျ့ၤလီၤဂာ်ဒီးဒီလူၤတၢ်လၢအကနၣ်အ့ၣ်ဝဲ, ဒီးနမ့ၢ်ပှၤမၤတၢ်လၢတၢ်သူၣ်တဘျၢ သးတဘျၢအပူၤလီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

စံးထီၣ်ပတြၢၤ 57:4

ယဘၣ်တၢ်ကဝီၤဃာ်ယၤလၢယဒုၣ်ယဒါသ့ၣ်တဖၣ် လၢအလီၤဂာ်ဒီးခ့ယုၢ်လၢအအီၣ်ပှၤကညီန့ၣ်လီၤ. အမဲလီၤဂာ်ဒီးဘီဒီးပျၢ် ဒီးအပျ့ၤလီၤဂာ်ဒီးနးလၢအကနၣ်အ့ၣ်န့ၣ်လီၤ.

လံာ်တၢ်ဟးထီၣ်ကွံာ် 20:16

ဆှိးကဘျံးကဘျၣ်ပှၤနီတဂၤတဂ့ၤ.

တၢ်ကတိၤဒိ. 12:18

တၢ်ကတိၤတၢ်လၢတအိၣ်ဒီးတၢ်ဆိကမိၣ်ဆိကမးဘၣ်န့ၣ်မၤဆါတၢ်ယိာ် ဝဲထဲသိးသိးနးတဘ့ၣ်လၢ်လၢ်ဆဲးတၢ်န့ၣ်လီၤ. မ့မ့ၢ်တၢ်ကတိၤတၢ်လၢတၢ်ကူၣ်သ့ကူၣ်ဘၣ်အပူၤန့ၣ်, မၤဘျါက့ၤတၢ်သ့လီၤ.

တၢ်ကတိၤဒိ. 24:28

တၢ်အဂ့ၢ်အခၢးလၢအဂ့ၤအဘၣ်မ့ၢ်တအိၣ်ဘၣ်ဒီး, အုၣ်နသးထီဒါပှၤအဂၤတဂၤ, ဒီးကတိၤတၢ်လၢအကဆှၢ ကမၣ်တၢ်ဘၣ်ဃးဒီးအီၤတဂ့ၤ.

တၢ်ကတိၤဒိ. 25:17

လဲၤအိၣ်သကိးပှၤလၢနဃၢၤခဲခဲအံၤတဂ့ၤ. အသးကလီၤဘှံးလၢနဃိ, ဒီးကသးဟ့ဘၣ်ဖုးနၤလီၤ.

လံာ်ယံးရမံယၤ 9:3

အဝဲသ့ၣ်အိၣ်ကတဲာ်ကတီၤအသးထီဘိလၢကတဲလီတၢ်လီၤ. လၢတၢ်မ့ၢ်တၢ်တီအလီၢ်န့ၣ်, တၢ်တတီတလိၤပၢထံဧိၤကီၢ်ဧိၤန့ၣ်လီၤ. ယွၤစံးဝဲဒၣ်, “ယပှၤဂီၢ်မုၢ်မၤတၢ်အၢတၢ်သီတမံၤဝံၤတမံၤ, ဒီးတသ့ၣ်ညါအၢၣ်လီၤယၤဒ်အဝဲသ့ၣ်အကစၢ်ယွၤအသိးဘၣ်.”

လံာ်ယံးရမံယၤ 9:8

အဝဲသ့ၣ်အပျ့ၤတဖၣ်လီၤဂာ်ဒ်ပျၢ်ခးသံတၢ် တဖၣ်အသိးန့ၣ်လီၤ. အဝဲသ့ၣ်တဲလီတၢ်ဝ့ၤတၢ်ထီဘိတထံၣ်ဃီလီၤ. ပှၤကိးဂၤဒဲးကတိၤတၢ်ဃူတၢ်ဖိးအတၢ်ကတိၤ တဖၣ်ဒီးပှၤလၢအဃၢၤ, ဘၣ်ဆၣ်လၢအသးပူၤတခီအဝဲပာ် လီၤထုတခါလၢအဂီၢ်န့ၣ်လီၤ.

ယၤကိာ် 3:6

ဒီးပျ့ၤမ့ၢ်တၢ်လၢအလီၤဂာ်ဒီးမ့ၣ်အူလီၤ. မၤအသးဒ်ဟီၣ်ခိၣ်လၢအတတီတလိၤတဘ့ၣ်လၢအအိၣ်လၢ ပနီၢ်ခိအက့ၢ်အဂီၤတဖၣ်အကျါ, ဒီးမၤဘၣ်အၢဘၣ်သီပနီၢ် ဒီဂၤညါန့ၣ်လီၤ. ပတၢ်အိၣ်မူအကျဲဒီဘိညါန့ၣ်, ဆိၣ်ကဲၤထီၣ်ဝဲလၢမ့ၣ်အူလၢအဟဲလၢလရာ်ဒၣ်ဝဲအပူၤ န့ၣ်လီၤ.