တၢ်ကတိၤဒိ. 25:16 - Sgaw Karen Common Bible

¹⁶ အီၣ်ကနဲစီအါန့ၢ်နကြၢးအီၣ်န့ၣ်တဂ့ၤ. မ့ၢ်အါကဲၢ်ဆိးဒီး ကဒုးဘှိးထီၣ်နၤလီၤ.

တၢ်ကတိၤဒိ. 25:16 Iomraidhean Croise

တၢ်ကတိၤဒိ. 23:8

နကဘှိးထီၣ်ကွံာ်တၢ်လၢနအီၣ်တ့ၢ်အီၤ, ဒီးနတၢ်ကတိၤပတြၢၤအီၤန့ၣ်ကကဲထီၣ်တၢ်ကလီကလီလီၤ.

တၢ်ကတိၤဒိ. 25:17

လဲၤအိၣ်သကိးပှၤလၢနဃၢၤခဲခဲအံၤတဂ့ၤ. အသးကလီၤဘှံးလၢနဃိ, ဒီးကသးဟ့ဘၣ်ဖုးနၤလီၤ.

တၢ်ကတိၤဒိ. 25:27

ကနဲစီအါကဲၣ်ဆိးန့ၣ်အၢလၢနဂီၢ်လီၤ. ဒ်န့ၣ်အသိး, တၢ်ကျဲးစၢးမၤန့ၢ်တၢ်စံးထီၣ်ပတြၢၤအါကဲၣ်ဆိးန့ၣ်မ့ၢ်တၢ် တမံၤဃီလီၤ.

လံာ်ပှၤစံၣ်တဲၤတဲလီၤတၢ် 7:16

မၤသးဒ်န့ၣ်ဒီး, ဂ့ၤကဲၣ်ဆိးတဂ့ၤ, ကူၣ်သ့ကဲာ်ဆိးတဂ့ၤ. ဘၣ်မနုၤအဃိနကမၤသံလီၤနသးန့ၣ်လဲၣ်.

လံာ်ယၡါယၤ 7:15

တုၤအဝဲအသးပှၢ်ထီၣ်တုၤထီၣ်ထီၣ်ဘးလၢအကစၢ်ဒၣ်ဝဲ ကစံၣ်ညီၣ်နီၤဖးပဲာ်ဖးတၢ်အကတီၢ်န့ၣ်, ပှၤဂီၢ်မုၢ်ကအီတၢ်နုၢ် ထံဒီးကအီၣ်ကနဲစီန့ၣ်လီၤ.

လံာ်ယၡါယၤ 7:22

အဝဲသ့ၣ်ကဟ့ၣ်ထီၣ်အနုၢ်ထံအါအါဂီၢ်ဂီၢ်တုၤဒၣ်လဲာ်အဝဲက အိၣ်ဒီးတၢ်လၢအလိၣ်ဘၣ်ဝဲခဲလၢာ်လီၤ. သပှၢ်တၢၢ်န့ၣ်, ပှၤလၢအအိၣ်လီၤတဲာ်စှၤဂၤလၢထံကီၢ်အပူၤန့ၣ်, ကအိၣ်ဒီးတၢ်နုၢ်ထံဒီး ကနဲစီလၢကအီၣ်ဝဲအီဝဲအဂီၢ်လီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.