တၢ်ကတိၤဒိ. 25:12 - Sgaw Karen Common Bible

¹² ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

တၢ်ကတိၤဒိ. 25:12 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 1:24

ကီၢ်အံၣ်စရ့လးအပှၤပိာ်မုၣ်သ့ၣ်ဧၢ, ဟီၣ်တၢ်ယၢၤတၢ်လၢ စီၤစီလူးအဃိတက့ၢ်. အဝဲဒုးကူဒုးသိးထီၣ်သုလၢတၢ်ကူတၢ်သိးဂီၤဆှူၣ် တဖၣ်, ဒီးကယၢကယဲသုလၢတၢ်မျၢ်လုၢ်ဒိၣ်ပှ့ၤဒိၣ်တဖၣ်ဒီးထူန့ၣ်လီၤ.

လံာ်စီၤယိၤဘး 28:17

အလုၢ်အပှ့ၤဒိၣ်န့ၢ်ထူဧိၤလွဲဧိၤ, ဖီကိထူမ့ၢ်ဂ့ၤလီခီ အဂ့ၤကတၢၢ်မ့ၢ်ဂ့ၤန့ၣ်လီၤ.

လံာ်စီၤယိၤဘး 42:11

စီၤယိၤဘးအဒီပုၢ်ဝဲၢ်ခွါဒီးဒီပုၢ်ဝဲၢ်မုၢ်ခဲလၢာ်, ဒီးအတံၤသကိးလၢထံးလၢမကိာ်ခဲလၢာ်န့ၣ်ဟဲဆူအအိၣ်ဒီးအီၣ် တၢ်လၢအဟံၣ်ပူၤလီၤ. အဝဲသ့ၣ်ပာ်ဖျါထီၣ်အတၢ်သးတမုာ် ဒီးမၤမုာ်အီၤလၢကယဲၢ်တၢ်ကိၢ်တၢ်ဂီၤလၢယွၤဟဲစိာ်န့ၢ်လၢ အဖီခိၣ်န့ၣ်လီၤ. အဝဲသ့ၣ်ကိးဂၤဒဲးဟ့ၣ်အီၤလၢစ့တနီၤဒီး ပသံးထူတဘိစုာ်စုာ်န့ၣ်လီၤ.

စံးထီၣ်ပတြၢၤ 141:5

မ်ပှၤအတီအလိၤတီၢ်ယၤ မ့တမ့ၢ်သိၣ်ဃီၣ်ယၤလၢ တၢ်သးကညီၤအပူၤန့ၣ်တက့ၢ်. မ်ပှၤအအၢအသီအသိအသုတဘၣ်တၢ်ဖှူအီၤလၢ ယခိၣ်နီတဘျီတဂ့ၤ. အဂ့ၢ်ဒ်အံၤ, ယထုကဖၣ်တၢ်ထီဒါ အတၢ်အၢတၢ်သီတဘိယူၢ်ဃီန့ၣ်လီၤ.

လံာ်တၢ်ဟးထီၣ်ကွံာ် 32:2

စီၤအၤဟရိၣ်စံးဘၣ်အဝဲသ့ၣ်, “ဘ့ၣ်လီၤကွံာ်ထူအကွီၤတဖၣ်လၢသုမါတဖၣ်, သုဖိခွါတဖၣ်ဒီးသုဖိမုၣ်တဖၣ်သိးဝဲဒီးဟဲစိာ်ဆူယအိၣ်တက့ၢ်.”

လံာ်တၢ်ဟးထီၣ်ကွံာ် 35:22

ပှၤကိးဂၤဒဲးလၢအသးအိၣ်တၢ်, ပိာ်မုၣ်မ့ၢ်ဂ့ၤပိာ်ခွါမ့ၢ်ဂ့ၤ ခဲလၢာ်ဟဲစိာ်တၢ်ကယၢကယဲ, ထးကမိာ်ခံတဖၣ်, နၢ်ဒံးတဖၣ်, ပသံးတဖၣ်, ဖဲတဖၣ်ဒီးကယဲၢ်ထူ, တၢ်မျၢ်လုၢ်ဒိၣ်ပှ့ၤဒိၣ်တဖၣ်ဒီးပာ်စီဆှံထီၣ်အီၤဆူ ယွၤအအိၣ်လီၤ.

တၢ်ကတိၤဒိ. 15:5

တၢ်တပာ်ကဲတၢ်လၢနပၢ်သိၣ်လိသီလိနၤန့ၣ်မ့ၢ်တၢ်ဟးဂီၤလီၤ. တၢ်တူၢ်လိာ်အတၢ်သိၣ်က့ၤသီက့ၤန့ၣ်မ့ၢ်တၢ်ကူၣ်သ့လီၤ.

တၢ်ကတိၤဒိ. 20:12

ယွၤဟ့ၣ်တ့ၢ်လံပှၤမဲာ်ချံတဖၣ်လၢကထံၣ်တၢ်အဂီၢ်ဒီးနၢ်တဖၣ်လၢ ကဒိကနၣ်တၢ်အဂီၢ်လီၤ.

တၢ်ကတိၤဒိ. 9:8

သိၣ်က့ၤသီက့ၤပှၤပာ်ထီၣ်ထီအသးတဂၤနီတစုတဂ့ၤ. ကသးဟ့နၤလၢတၢ်န့ၣ်အဃိလီၤ. မ့မ့ၢ်သိၣ်က့ၤသီက့ၤပှၤလၢအအိၣ်ဒီးတၢ်ကူၣ်သ့တဂၤတက့ၢ်. ဒီးအဝဲကပာ်ကဲနၤလီၤ.

လံာ်ပှၤစံၣ်တဲၤတဲလီၤတၢ် 7:5

တၢ်ပျဲပှၤကူၣ်တၢ်သ့တဖၣ်သိၣ်က့ၤသီက့ၤနၤဆါဆါန့ၣ်, ဂ့ၤဒိၣ်န့ၢ်ဒံးတၢ်ပျဲပှၤအသးတထံတဖၣ်သးဝံၣ်စံးထီၣ်ပတြၢၤ နၤတက့ၢ်လီၤ.

လံာ်ယဃ့းစက့လး 16:12

ယဟ့ၣ်လီၤနၤလၢနါဒ့ကွီၤတကွီၤဒီးနၢ်ဒံးတဖၣ်, ဒီးခိၣ်သလုးအဃံအလၤတဖျၢၣ်လၢနကကုာ်ထီၣ်အီၤအဂီၢ်န့ၣ်လီၤ.

လံာ်မးသဲ 12:35

ပှၤအဂ့ၤန့ၣ်ဟံးထီၣ်ဟ့ၣ်ထီၣ်တၢ်အဂ့ၤလၢအဝဲအတၢ်ဂ့ၤအတၢ်ပာ် ဖှိၣ်လီၢ်အပူၤန့ၣ်လီၤ. ဒီးပှၤအအၢန့ၣ်လၢအဝဲအတၢ်အၢအတၢ်ပာ်ဖှိၣ်လီၢ်အပူၤန့ၣ်ဟံး ထီၣ်ဟ့ၣ်ထီၣ်တၢ်အၢလီၤ.