တၢ်ကတိၤဒိ. 24:7 - Sgaw Karen Common Bible

⁷ တၢ်ကူၣ်သ့အတၢ်ကတိၤတဖၣ်ယိာ်ကဲၣ်ဆိးလၢပှၤဟးဂီၤဖိ တဂၤကနၢ်ပၢၢ်ဝဲအဂီၢ်လီၤ. ဖဲတၢ်ဂ့ၢ်အကါဒိၣ်တဖၣ်ဘၣ်တၢ်ကတိၤ သကိးအီၤန့ၣ်, အဝဲစံးကတိၤတၢ်တသ့နီတမံၤဘၣ်.

တၢ်ကတိၤဒိ. 24:7 Iomraidhean Croise

လံာ်စီၤယိၤဘး 31:21

ယသ့ၣ်ညါလၢယကမၤနၢၤတၢ်လၢကွီၢ်ဘျီၣ်ပူၤသတးဒီး ယမ့ၢ်လီန့ၢ်ပှၤဖိၣ်ဃဲတဂၤ, တစုစုဒီး,

လံာ်စီၤယိၤဘး 5:4

အဖိခွါတဖၣ်ထံၣ်န့ၢ်တၢ်ပူၤဖျဲးအလီၢ်တသ့နီတပူၤဘၣ်. လၢကွီၢ်ဘျီၣ်အပူၤန့ၣ်ပှၤကဆၢထၢၣ်အိၣ်ပှိၤအီၤတအိၣ် ဘၣ်နီတဂၤဘၣ်.

စံးထီၣ်ပတြၢၤ 10:5

အကျဲတဖၣ်ဘီၣ်ထီၣ်ညီထီၣ်ကိးဆၢကိးကတီၢ်ဒဲးလီၤ. ကစၢ်ယွၤအတၢ်စံၣ်ညီၣ်တဖၣ်န့ၣ် နၢ်ပၢၢ်ဝဲတသ့ဘၣ်, ဒီးကတိၤဒုၣ်ဒွဲၣ်အဒုၣ်အဒါခဲလၢာ်န့ၣ်လီၤ.

စံးထီၣ်ပတြၢၤ 127:5

ပှၤလၢအအိၣ်ဒီးပျၢ်ဒ်သိးန့ၣ်တဖၣ်လၢ အပီၤပူၤန့ၣ်ဘၣ်ဆိၣ်ဂ့ၤဝဲလီၤ. တုၤအကတိၤတၢ်ဒီးအဒုၣ်အဒါလၢပဲတြီအပူၤန့ၣ် ဒီးတဘၣ်တၢ်မၤမဲာ်ဆှးအီၤဘၣ်န့ၣ်လီၤ.

တၢ်ကတိၤဒိ. 14:6

ပှၤလၢအပာ်ဒိၣ်ပာ်ဂ့ၤအသးတဖၣ်ကဲထီၣ်ပှၤကူၣ်သ့တန့ၢ်ဘၣ်နီ တဘျီဘၣ်. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးတဖၣ်မၤလိန့ၢ်တၢ်ညီကဒၣ်လီၤ.

တၢ်ကတိၤဒိ. 15:24

ပှၤကူၣ်သ့တဖၣ်ပိာ်ကျဲတဘိလၢအဆှၢထီၣ်တၢ်ဆူထးဆူတၢ်မူလီၤ. တမ့ၢ်ဘၣ်ကျဲလၢအဆှၢလီၤတၢ်ဆူလာ်ဆူတၢ်သံန့ၣ်ဘၣ်.

တၢ်ကတိၤဒိ. 17:16

ပှၤဟးဂီၤဖိမၤလၢာ်စ့လၢတၢ်မၤလိမၤဒိးအဂီၢ်န့ၣ်တမၤဂ့ၤ ဘၣ်အီၤဘၣ်. အဂ့ၢ်ဒ်အံၤ, အတၢ်ဆိကမိၣ်ကွၢ်ထံကွၢ်ဆးတအိၣ်ဘၣ်အဃိလီၤ.

တၢ်ကတိၤဒိ. 17:24

ပှၤလၢအသူၣ်ဆးသးဆးတဂၤန့ၣ်ကွၢ်စိဃီၤဆူတၢ်ကူၣ်သ့ အတၢ်မၤလီၤ. မ့မ့ၢ်ပှၤဟးဂီၤဖိတဂၤန့ၣ်စးထီၣ်လဲၤတၢ်လၢ တၢ်ပညိၣ်အါမံၤအပူၤလီၤ.

တၢ်ကတိၤဒိ. 17:7

ပှၤလၢတၢ်လီၤယူးယီၣ်ပာ်ကဲအီၤတဖၣ်တကတိၤတၢ်လီတၢ်ဝ့ၤတဖၣ် ဘၣ်. ဒီးပှၤဟးဂီၤဖိတဖၣ်တအိၣ်ဒီးတၢ်ကတိၤလၢအလုၢ်အပှ့ၤအိၣ် နီတမံၤဘၣ်.

တၢ်ကတိၤဒိ. 22:22

မ့ၢ်လၢနမၤသ့အဃိဒီး, ဃုမၤဘျုးနသးလၢပှၤဖှီၣ်ဖိယာ်ဖိ တဖၣ်အဖီခိၣ်တဂ့ၤ. ပှၤလၢအဆၢထၢၣ်လၢကွီၢ်ဘျီၣ်ဒီးမၤစၢၤလီၤ က့ၤအသးတသ့တဖၣ်န့ၣ်, ဃုမၤဘျုးနသးလၢအဖီခိၣ်တဂ့ၤ.

တၢ်ကတိၤဒိ. 28:5

ပှၤအၢပှၤသီတဖၣ်တသ့ၣ်ညါတၢ်စံၣ်ညီၣ်တီဘၣ်. မ့မ့ၢ်ပှၤလၢအဘူၣ်ထီၣ်ဘါထီၣ်ယွၤန့ၣ်, သ့ၣ်ညါဝဲဂ့ၤဂ့ၤလီၤ.

တၢ်ကတိၤဒိ. 31:23

အဝၤဘၣ်တၢ်သ့ၣ်ညါအီၤဂ့ၤမးမ့ၢ်လၢအမ့ၢ်ပှၤခိၣ်ပှၤနၢ်လၢ ထံဖိကီၢ်ဖိအဖျိးစိအကျါတဂၤအဃိန့ၣ်လီၤ.

လံာ်ယၡါယၤ 29:21

ပှၤတဖၣ်လၢအကတိၤခဲၣ်သူခဲၣ်ဂီၤပှၤဂၤ, ပှၤတဖၣ်လၢအတြီတၢ်စံၣ်ညီၣ်ပှၤမၤ တၢ်ထီဒါပဒိၣ်သဲစးဒီးပှၤတဖၣ်လၢအလီတၢ် ဝ့ၤတၢ်ဒ်သိးပှၤသူၣ်လိၤသးဘျၢတဖၣ်ကဒိး န့ၢ်တၢ်စံၣ်ညီၣ်တီန့ၣ်ကစၢ်ယွၤကမၤဟးဂီၤအီၤလီၤ.

လံာ်ယၡါယၤ 32:6

ပှၤအမၢးတဂၤကတိၤတၢ်လၢတၢ်သးတထံတဆးအပူၤ ဒီးဆိကမိၣ်ထီၣ်တၢ်အၢတၢ်သီတဖၣ်လၢကမၤဝဲလီၤ. တၢ်လၢအဝဲမၤဝဲဒီးတၢ်လၢအဝဲစံးဝဲတဖၣ်မ့ၢ်တၢ်ဒုၣ်ဒွဲၣ်ယွၤ, ဒီးအဝဲတလုၢ်အီၣ်ဘၣ်ပှၤလၢတၢ်သၣ်ဝံၤအသးမ့ၢ်ဂ့ၤ, တဟ့ၣ်အီဘၣ်ပှၤလၢတၢ်သူအသးတဖၣ်လၢတၢ်တမံၤမံၤလၢကအီ ဝဲအဂီၢ်မ့ၢ်ဂ့ၤန့ၣ်ဘၣ်.

လံာ်ဧၤမိၣ် 5:10

သုဝဲသ့ၣ်အံၤ, သုသးဟ့ကယဲၢ်ပှၤလၢအတၤတၢ်တတီတလိၤဒီးကတိၤ တၢ်မ့ၢ်တၢ်တီလၢကွီၢ်ဘျီၣ်ပူၤန့ၣ်လီၤ.

လံာ်ဧၤမိၣ် 5:12

ယသ့ၣ်ညါသုတၢ်ဒဲးဘးတဖၣ်အၢဝဲသီ ဝဲဆံးဒိၣ်လဲၣ်ဒီးသုမၤတ့ၢ်တၢ်သရူးကမၣ်တဖၣ်ဆံးအါလဲၣ်န့ၣ် လီၤ. သုမၤအၢမၤနးပှၤတီပှၤလိၤ, ဟံးန့ၢ်ခိၣ်ဖးလာ်ဆှိးတဖၣ်ဒီး တြီပှၤဖှီၣ်ဖိယာ်ဖိလၢအကဒိးန့ၢ်တၢ်စံၣ်ညီၣ်တီလၢကွီၢ် ဘျီၣ်တဖၣ်အပူၤန့ၣ်လီၤ.

လံာ်ဧၤမိၣ် 5:15

သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.