တၢ်ကတိၤဒိ. 24:19 - Sgaw Karen Common Bible

¹⁹ ပျဲပှၤအအၢအသီတဖၣ်မၤကိၢ်မၤဂီၤနၤတဂ့ၤ. သူၣ်က့ၣ်သးကါအဝဲသ့ၣ်တဂ့ၤ.

တၢ်ကတိၤဒိ. 24:19 Iomraidhean Croise

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 119:115

ပှၤမၤတၢ်အၢသ့ၣ်တဖၣ်ဧၢ, ဟးဖးဒီးယၤ, ဒ်သိးယကတိၢ်န့ၢ်ဟံးဃာ် ယကစၢ်အတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 37:1

တဘၣ်ကိၢ်တၢ်လၢပှၤအအၢအသီအဃိန့ၣ်တဂ့ၤ. တဘၣ်သူၣ်က့ၣ်သးက့ၣ် ပှၤလၢအမၤကမၣ်တၢ်တဂ့ၤ.

စံးထီၣ်ပတြၢၤ 73:3

အဂ့ၢ်ဒ်အံၤ, ယထံၣ်တ့ၢ်လၢ ပှၤတတီတလိၤတဖၣ်ဘီၣ်ထီၣ်ညီထီၣ်, ဒီးယသးက့ၣ်ထီၣ်လၢအဝဲသ့ၣ်လၢ အတၢ်ပာ်ထီၣ်ထီအသးအဃိန့ၣ်လီၤ.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

တၢ်ကတိၤဒိ. 23:17

သူၣ်က့ၣ်သးကါပှၤတၢ်ဒဲးဘးဖိတဖၣ်တဂ့ၤ. တၢ်ယူးယီၣ်ယွၤန့ၣ်မ်အကမ့ၢ်တၢ်လၢနသးစၢၢ်ဆၢ, လၢနတၢ်အိၣ်မူအပူၤန့ၣ်တက့ၢ်.

တၢ်ကတိၤဒိ. 24:1

သူၣ်က့ၣ်သးကါပှၤအၢပှၤသီတဖၣ်တဂ့ၤ. ဒီးကျဲးစၢးဒီတံၤဒီသကိးဒီးအဝဲသ့ၣ်တဂ့ၤ.

တၢ်ကတိၤဒိ. 24:18

ယွၤကသ့ၣ်ညါလၢနသးခုခူသူၣ်, ဒီးတမ့ၢ်အဝဲကဘၣ်အသးဘၣ်. အန့ၣ်ဒီး, ဘၣ်သ့ၣ်သ့ၣ်အဝဲတစံၣ်ညီၣ်လၢၤအီၤဘၣ်န့ၣ်လီၤ.

လံာ်တၢ်ဂံၢ် 16:26

အဝဲဒၣ်စံးဘၣ်ပှၤဂီၢ်မုၢ်, “ဆၢထၢၣ်ယံၤဒီးပှၤတတီတလိၤတဖၣ် အံၤအဒဲတဖၣ်ဒီးထိးဘူးတၢ်ဘၣ်ဃးဒီးအဝဲသ့ၣ်န့ၣ်နီတမံၤတ ဂ့ၤ. မ့တမ့ၢ်ဘၣ်ဒီး, သုကဘၣ်တၢ်တြူာ်ကွံာ်သုဃုာ်ဒီးအဝဲသ့ၣ်အတၢ် ဒဲးဘးတဖၣ်န့ၣ်လီၤ.”

၂ ကရံၣ်သူး 6:17

ဒီးလၢတၢ်န့ၣ်အဃိကစၢ်စံးဝဲ, “သုကဘၣ်ပာ်တီၢ်ကွံာ်အဝဲသ့ၣ် ဒီးမၤလီၤဖးကွံာ်သုသးလၢအီၤလီၤ. တဘၣ်မၤဘၣ်ဃးသုသးဒီး တၢ်လၢအတကဆှီန့ၣ်နီတမံၤတဂ့ၤ. ဒီးယကတူၢ်လိာ်သုလီၤ.

အ့းဖ့းစူး 5:11

တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.

လံာ်လီၣ်ဖျါ 18:4

တုၤနုၤတစုယနၢ်ဟူတၢ်ကလုၢ်အဂၤတထံၣ်လၢမူခိၣ်န့ၣ်စံးဝဲ, “ဟးထီၣ်ကွံာ်တက့ၢ်, ယပှၤဂီၢ်မုၢ်သ့ၣ်ဧၢ, ဟးထီၣ်ကွံာ်လၢအဝဲဒၣ်အပူၤတက့ၢ်. သုတဘၣ်မၤဘၣ်ထွဲဃုာ်သုသးလၢ အဝဲအတၢ်ဒဲးဘးတဖၣ်ဘၣ်. သုတဘၣ်တူၢ်သကိးအဝဲအတၢ်စံၣ်ညီၣ်ဘၣ်.