တၢ်ကတိၤဒိ. 24:17 - Sgaw Karen Common Bible

¹⁷ သးခုဖဲနဒုၣ်နဒါကွၢ်ဆၢၣ်မဲာ်တၢ်တတၢးတနါ, ဒီးသူၣ်ဖှံသးညီဖဲအဝဲအခီၣ်ဘၣ်တိၢ်အခါန့ၣ်တဂ့ၤ.

တၢ်ကတိၤဒိ. 24:17 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 3:32

စီၤအဘံန့ၢ်ဘၣ်တၢ်ခူၣ်လီၤအီၤဖဲဝ့ၢ်ဃ့ဘြိၣ်ဒီးစီၤပၤဟီၣ် လၢအကလုၢ်ဖးဒိၣ်ဖဲတၢ်သွၣ်ခိၣ်ဒီးပှၤကိးဂၤဒဲးစ့ၢ်ကီးဟီၣ် ဝဲဒ်န့ၣ်လီၤ.

လံာ်စီၤယိၤဘး 31:29

ယတသူၣ်ခုသးခုဘၣ်ဖဲယဒုၣ်ယဒါသ့ၣ်တဖၣ်တူၢ်ဘၣ်ခီၣ်ဘၣ်တၢ် မ့ၢ်ဂ့ၤ, ယတသူၣ်မံသးမံဘၣ်ဖဲအဝဲသ့ၣ်ဘၣ်ကွၢ်ဆၢၣ်မဲာ်ဒီးတၢ် ဟးဂူာ်ဟးဂီၤမ့ၢ်ဂ့ၤနီတဘျီန့ၣ်ဘၣ်.

စံးထီၣ်ပတြၢၤ 35:15

မ့မ့ၢ်ဖဲယအိၣ်လၢတၢ်ကိၢ်တၢ်ဂီၤအပူၤန့ၣ်ဒီး အဝဲသ့ၣ်ခဲလၢာ်သးခုဝဲ, ပာ်ဖှိၣ်ထီၣ်အသးလၢကနံၤဘၣ်ဖၣ်လဲယၤအဂီၢ်, ဒီးပှၤလၢယတသ့ၣ်ညါအီၤတဖၣ်န့ၣ် ဖှီတဲာ်ယၤတကတၢၢ်နီတဘျီဘၣ်န့ၣ်လီၤ.

စံးထီၣ်ပတြၢၤ 35:19

တဘၣ်ပျဲယဒုၣ်ယဒါလၢအလီတၢ်သ့ၣ်တဖၣ် သူၣ်ခုသးခုလၢ ယဘၣ်တၢ်မၤနၢၤယၤအဃိန့ၣ်တဂ့ၤ. တဘၣ်ပျဲပှၤလၢအသးဟ့ယၤကွၢ်တကျ့ယၤလၢ တၢ်ဂ့ၢ်တအိၣ်ဘၣ်နီတမံၤအပူၤန့ၣ်တဂ့ၤ.

စံးထီၣ်ပတြၢၤ 42:10

ယဘၣ်တၢ်ဆီၣ်တံၢ်ဆီၣ်သနံးယၤလၢအဝဲသ့ၣ် အတၢ်ကတိၤဒုၣ်ဒွဲၣ် ခီဖျိအတၢ်သံကွၢ်ယၤတထံၣ်ဃီ “နကစၢ်ယွၤအိၣ်ဖဲလဲၣ်” အဃိန့ၣ်လီၤ.

တၢ်ကတိၤဒိ. 17:5

နမ့ၢ်နံၤဘၣ်ဖၣ်လဲပှၤဖှီၣ်ဖိယာ်ဖိဒီးနဒုၣ်ဒွဲၣ်ကစၢ်ယွၤလၢ အတ့လီၤအဝဲသ့ၣ်လီၤ. နမ့ၢ်သးခုလၢပှၤအဂၤတဂၤအတၢ်ဟဲဝံတဂ့ၤတဘၣ်ဒီး, နကဘၣ်တၢ်စံၣ်ညီၣ်လီၤ.

တၢ်ကတိၤဒိ. 24:18

ယွၤကသ့ၣ်ညါလၢနသးခုခူသူၣ်, ဒီးတမ့ၢ်အဝဲကဘၣ်အသးဘၣ်. အန့ၣ်ဒီး, ဘၣ်သ့ၣ်သ့ၣ်အဝဲတစံၣ်ညီၣ်လၢၤအီၤဘၣ်န့ၣ်လီၤ.

လံာ်ဧိၤဘါဒယၤ 1:12

လၢနဒီပုၢ်ဝဲၢ်တဖၣ်လၢကီၢ်ယူဒၤဘၣ်ကီဘၣ်ခဲအမုၢ်နံၤန့ၣ်, နတကြၢးကွၢ်ကီအီၤဒီးဆၢကျၢၤသးအီၤဘၣ်. လၢပှၤယူဒၤဖိဘၣ်တၢ်မၤဟးဂီၤအီၤအမုၢ်နံၤန့ၣ်နတကြၢးသး ခုလၢအဖီခိၣ်ဘၣ်, လၢအဝဲသ့ၣ်ဘၣ်တၢ်ကိၢ်တၢ်ဂီၤအမုၢ်နံၤန့ၣ်နတ ကြၢးကတိၤတၢ်အိၣ်ဒီးတၢ်ပာ်နသးကဖၢလၢဘၣ်.

လံာ်မံကၤ 7:8

တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

လံာ်ပှၤစံၣ်ညီၣ်ကွီၢ် 16:25

ဖဲအဝဲသ့ၣ်ဟဲစိာ်ထီၣ်စီၤၡံၣ်ၡိၣ်လၢဃိာ်ပူၤန့ၣ်အဝဲသ့ၣ်မၢ အမၤသးဖှံအီၤဒီးမၢအဆၢထၢၣ်လၢတၢ်အထူၣ်တဖၣ်အကဆူးန့ၣ်လီၤ. ဖဲပှၤဂီၢ်မုၢ်ထံၣ်အီၤန့ၣ်အဝဲသ့ၣ်သးဝံၣ်စံးထီၣ်ပတြၢၤအကစၢ်, “ပကစၢ်ဟ့ၣ်လံပှၤလၢတၢ်မၤနၢၤပဒုၣ်ပဒါလၢ အမၤဟးဂူာ်ဟးဂီၤပကီၢ်ဒီးမၤသံတ့ၢ်ပှၤအါဂၤန့ၣ်လံ.”