တၢ်ကတိၤဒိ. 24:16 - Sgaw Karen Common Bible

¹⁶ အဂ့ၢ်ဒ်အံၤ, ပှၤတီပှၤလိၤတဂၤလီၤဃံၤဝဲအဘျီတဖၣ်အဘျီ သနာ်က့, တမ့ၢ်တၢ်အကါဒိၣ်ဘၣ်. ထီဘိအဝဲဂဲၤဆၢထၢၣ်ကဒါက့ၤဝဲ လီၤ. မ့မ့ၢ်တၢ်တတၢးတနါမၤဟးဂီၤကွံာ်ပှၤတတီတလိၤလီၤ.

တၢ်ကတိၤဒိ. 24:16 Iomraidhean Croise

လံာ်တၢ်ကဲထီၣ်အခီၣ်ထံး 19:35

ဒီးလၢမုၢ်နၤတနၤန့ၣ်အဝဲသ့ၣ်ဒုးအီမူၤအီၤလၢစပံးထံဒီး အဖိမုၣ်အဆံးတဂၤမံဂုာ်ဂဲၤဃုာ်ဒီးအပၢ်န့ၣ်လီၤ. မၤကဒီးတစု, အဝဲမူၤဝဲတုၤဒၣ်လဲာ်တသ့ၣ်ညါတၢ်န့ၣ်ဘၣ်.

လံာ်နီၢ်အ့ၤစတၢ် 7:10

မၤသးဒ်န့ၣ်ဒီး, စီၤဟၤမၣ်ဘၣ်တၢ်ဘျးထီၣ်အီၤလၢသ့ၣ်လၢပှၤပျၤထီသံတၢ်တကျီၣ် အလိၤလၢအဝဲမၤတ့ၢ်လၢစီၤမၢ်ဒကဲၤအဂီၢ်န့ၣ်လီၤ. တုၤနုၤတစုစီၤပၤအတၢ်သးဒိၣ်စၢ်လီၤဝဲဒၣ်န့ၣ်လီၤ.

လံာ်စီၤယိၤဘး 5:19

တဘျီဘၣ်တဘျီ, အဝဲကမၤပူၤဖျဲးနၤလၢတၢ်မၤဆါန့ၣ်လီၤ.

စံးထီၣ်ပတြၢၤ 34:19

ပှၤတီပှၤလိၤတူၢ်ဘၣ်တၢ်ကိၢ်တၢ်ဂီၤအါမံၤ, ဘၣ်ဆၣ်ယွၤမၤပူၤဖျဲးအီၤလၢ တၢ်အံၤခဲလၢာ်အပူၤန့ၣ်လီၤ.

စံးထီၣ်ပတြၢၤ 34:21

တၢ်အၢကမၤသံကွံာ်ပှၤတတီတလိၤလီၤ. ဒီးပှၤလၢအသးဟ့ပှၤတီပှၤလိၤန့ၣ်, ကဘၣ်တၢ်စံၣ်ညီၣ်အီၤလီၤ.

စံးထီၣ်ပတြၢၤ 37:24

အဝဲသ့ၣ်မ့ၢ်လီၤဃံၤဒၣ်လဲာ်, တဟးဂီၤတုၤအလၢာ်ဘၣ်. အဂ့ၢ်ဒ်အံၤ, ယွၤကဟံးအစုဒီးမၤစၢၤအီၤလီၤ.

စံးထီၣ်ပတြၢၤ 52:5

မ့မ့ၢ်ကစၢ်ယွၤကမၤဟးဂီၤနၤလီၤထူလီၤယိာ်လီၤ. အဝဲကဖီၣ်န့ၢ်နၤဒီးထုးထီၣ်ကွံာ်နၤလၢနဒဲပူၤ, ဒီးကထဲးထီၣ်ကွံာ်နၤလၢတၢ်မူအကီၢ်န့ၣ်လီၤ. စ့လၤ

စံးထီၣ်ပတြၢၤ 7:16

အတၢ်မၤကီမၤခဲတၢ်ကဘၣ်က့ၤဒၣ်အီၤ ဒီးအတၢ်စုဆူၣ်ခီၣ်တကး ကမၤဘၣ်ဒိက့ၤဒၣ်အီၤန့ၣ်လီၤ.

စံးထီၣ်ပတြၢၤ 79:12

ယွၤဧၢ, ပှၤလၢပဃၢၤ, ပှၤကတိၤဒုၣ်ဒွဲၣ်တၢ်သ့ၣ်တဖၣ်န့ၣ်ဟ့ၣ်ကၣ်အီၤနွံစးလၢ အသးနါပှၢ်အပူၤ, လၢအကတိၤဒုၣ်ဒွဲၣ်နၤအဃိန့ၣ်တက့ၢ်.

တၢ်ကတိၤဒိ. 13:17

ပှၤစိာ်တၢ်ကစီၣ်လၢတၢ်နာ်န့ၢ်အီၤတသ့တဖၣ်ဒုးအိၣ်ထီၣ်တၢ်ကီတၢ် ခဲလီၤ. မ့မ့ၢ်ပှၤလၢတၢ်နာ်န့ၢ်အီၤသ့တဖၣ်ဟဲစိာ်တၢ်ဃူတၢ်ဖိးလီၤ.

တၢ်ကတိၤဒိ. 13:21

တၢ်ကီတၢ်ခဲလူၤပိာ်ထွဲပှၤတၢ်ဒဲးဘးဖိတဖၣ်အခံသကုၤဆးဒးလီၤ. မ့မ့ၢ်ပှၤတီပှၤလိၤတဖၣ်ကဘၣ်တၢ်ဟ့ၣ်ဘျုးက့ၤအီၤလၢတၢ်ဂ့ၤ တဖၣ်လီၤ.

တၢ်ကတိၤဒိ. 14:32

ပှၤအၢပှၤသီဟဲစိာ်အတၢ်လီၤပှီၢ်ဒၣ်ဝဲခီဖျိအတၢ်မၤအအၢအသီ တဖၣ်လီၤ. မ့မ့ၢ်ပှၤအဂ့ၤအဝါတဖၣ်န့ၣ်ဘၣ်တၢ်ဒီဒၣ်အီၤလၢအတၢ်လၢတၢ်ပှဲၤ အဃိလီၤ.

တၢ်ကတိၤဒိ. 24:22

ပှၤဒ်န့ၣ်သိးတဖၣ်ကဟးဂီၤဝဲလၢတစိၢ်ဖိအတီၢ်ပူၤလီၤ. တၢ်တတၢးတနါလၢကစၢ်ယွၤ, မ့တမ့ၢ်, စီၤပၤဒုးအိၣ်ထီၣ်ဝဲသ့န့ၣ်, မ့ၢ်နသ့ၣ်ညါနၢ်ပၢၢ်စ့ၢ်ကီးဧါ.

တၢ်ကတိၤဒိ. 6:15

လၢတၢ်အံၤအဃိ, တၢ်နးတၢ်ဖှီၣ်ဖးဒိၣ်ကလီၤဘၣ်အဝဲသ့ၣ်သတူၢ် ကလာ်ဒီးလၢတစိၢ်ဖိအတီၢ်ပူၤကဘၣ်တၢ်မၤကၢ်မၤဘျဲးအီၤဒီးတၢ် မၤဘျါက့ၤလၢအဂီၢ်တအိၣ်ဘၣ်န့ၣ်လီၤ.

လံာ်ယံးရမံယၤ 18:17

ယကမၤပြံမၤပြါယပှၤဂီၢ်မုၢ်လၢအဝဲသ့ၣ်အဒုၣ်အဒါတဖၣ်အမဲာ်ညါ, လီၤဂာ်ဒ်ဟီၣ်ခိၣ်ကမူၣ်လၢမုၢ်ထီၣ်ကလံၤအူဒံကွံာ်အီၤအသိးန့ၣ်လီၤ. ယကဒီအဝဲသ့ၣ်လၢယချၢဃံလီၤ. ဒီးဖဲတၢ်တတၢးတနါဟဲဝဲန့ၣ်, ယတမၤစၢၤအဝဲသ့ၣ်ဘၣ်.”

လံာ်ယံးရမံယၤ 8:4

ယွၤတဲဘၣ်ယၤလၢယကစံးဘၣ်အပှၤဂီၢ်မုၢ်, “ဖဲပှၤတဂၤဂၤလီၤ ဃံၤဝဲဒီး, အဝဲတဆၢထၢၣ်ကဒါက့ၤဝဲဘၣ်ဧါ. ဖဲပှၤတဂၤဂၤ ဟးဖျိးကျဲဒီး, တဃၣ်ကဒါက့ၤအသးဘၣ်ဧါ.

လံာ်ယဃ့းစက့လး 7:5

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲလၢ, တၢ်တတၢးတနါတမံၤဝံၤတမံၤကဟဲဘၣ်နၤန့ၣ်လီၤ.

လံာ်ဧၤမိၣ် 5:2

ကီၢ်အံၣ်စရ့လးအပှၤမုၣ်လိၤဘိလီၤဃံၤလံ. တဂဲၤဆၢထၢၣ်လၢၤနီတစုဘၣ်. ဘၣ်တၢ်ညိကွံာ်တ့ၢ်အီၤလၢအကီၢ်ဒၣ်ဝဲအပူၤ ဒီးပှၤဝံၣ်ဆၢထၢၣ်အီၤတအိၣ်ဘၣ်နီတဂၤဘၣ်.

လံာ်ဧၤမိၣ် 8:14

ပှၤလၢအမၤတၢ်ဆိၣ်လၢကီၢ်ၡၤမရံအတၢ်ဂီၤတၢ်ဖီၣ်တဖၣ်အမဲာ်ညါဒီးစံး, “ပှၤဒၣ်ဖိအကစၢ်မူဝဲ,” ဒီး “ဝ့ၢ်ဘ့ၢ်ၡဘၤအကစၢ်မူဝဲ,” တဖၣ်န့ၣ်ကလီၤဃံၤဝဲဒီးတဂဲၤဆၢထၢၣ်ကဒါက့ၤလၢၤဘၣ်.

လံာ်တၢ်ဂံၢ် 32:23

ဘၣ်ဆၣ်ဒီးသုမ့ၢ်တတိၢ်န့ၢ်ဖံးဃာ်သုတၢ်အၢၣ်လီၤအီလီၤန့ၣ်, ယဟ့ၣ်ပလီၢ်သုသးလၢသုကမၤဘၣ်တၢ်ဒဲးဘးထီဒါကစၢ်ယွၤန့ၣ် လီၤ. ဘၣ်ဃးဒီးတၢ်အံၤန့ၣ်မၤကမၣ်တၢ်နီတမံၤတဂ့ၤ. သုကဘၣ်တၢ်စံၣ်ညီၣ်လၢသုတၢ်ဒဲးဘးအဃိလီၤ.

မၤတၢ် 12:23

သတူၢ်ကလာ်, ကစၢ်အကလူးတဂၤတီၢ်စီၤဟ့ၤရိာ်, အဂ့ၢ်မ့ၢ်လၢအဝဲတဟ့ၣ်တၢ်လၤကပီၤဆူကစၢ်ယွၤအအိၣ်အဃိန့ၣ်လီၤ. ဒီးထိးကလဲာ်လၢအပူၤအီၣ်ကွံာ်အီၤဒီးအဝဲဒၣ်သံဝဲန့ၣ်လီၤ.

၁ သ့းစၤလနံ 5:3

ဖဲပှၤစံးဝဲ, “တၢ်ခဲလၢာ်မုာ်ဝဲခုၣ်ဝဲဒီးတၢ်ဘၣ်ယိၣ်အလီၢ် တအိၣ်ဘၣ်” အဆၢကတီၢ်န့ၣ်, သတူၢ်ကလာ်တၢ်ဟးဂူာ်ဟးဂီၤကတုၤအိၣ်အဝဲသ့ၣ် န့ၣ်လီၤ. တၢ်တမံၤအံၤကမၤအသးသတူၢ်ကလာ်ဒ်ပိာ်မုၣ် တဂၤအဟုးဆါထီၣ်အသိး, ဒီးပှၤတပူၤဖျဲးနီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 26:10

စီၤဒၤဝံးစံးကဒီးဝဲဆူညါ, “ခီဖျီယွၤလၢအမူဝဲတဂၤ န့ၣ်, ယသ့ၣ်ညါလၢယွၤအနီၢ်ကစၢ်ဒၣ်ဝဲကမၤသံစီၤစီလူးဖဲအမုၢ်နံၤ တုၤဃီၤဝဲလၢကဘၣ်သံဒ်ပှၤဟီၣ်ခိၣ်ဖိအန့ဆၢၣ်မ့ၢ်ဂ့ၤ, ကဘၣ်သံဝဲလၢတၢ်ဒုးတၢ်ယၤအဃိမ့ၢ်ဂ့ၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 31:4

အဝဲစံးဘၣ်ပှၤသးစၢ်တဂၤလၢအစိာ်အစုကဝဲၤတဖၣ်န့ၣ်, “ထုးထီၣ်နနးဒီးမၤသံယၤဒ်သိးပှၤတစူၢ်တနာ်ယွၤ, ပှၤဖလ့ၡသးဖိတဖၣ်အံၤအသုတကတိၤဒိၣ်လီၤအကိာ်လၢယဖီခိၣ်ဒီး မၤသံယၤတဂ့ၤန့ၣ်တက့ၢ်.” ဘၣ်ဆၣ်ဒီးပှၤသးစၢ်တဂၤန့ၣ်ပျံၤတၢ်နးနးကလဲာ်လၢကမၤတၢ်အံၤ န့ၣ်လီၤ. မၤသးဒ်န့ၣ်ဒီး, စီၤစီလူးထုးထီၣ်အနးဒၣ်ဝဲဒီးဆဲးလီၤက့ၤ အသးလီၤ.