တၢ်ကတိၤဒိ. 24:14 - Sgaw Karen Common Bible

¹⁴ နမၤလီၤတံၢ်သ့ဝဲလၢတၢ်ကူၣ်သ့န့ၣ်ဂ့ၤဝဲလၢသးသမူအဂီၢ် လီၤ. မၤန့ၢ်တၢ်ကူၣ်သ့တက့ၢ်. ဒီးနအိၣ်ဒီးတၢ်မုၢ်လၢ်လၢခါဆူညါအဂီၢ်န့ၣ်လီၤ.

တၢ်ကတိၤဒိ. 24:14 Iomraidhean Croise

စံးထီၣ်ပတြၢၤ 119:103

လၢယလ့ၣ်ကွၢ်တၢ်န့ၣ် နကလုၢ်နကထါဆၢဆံးဒိၣ်လဲၣ်. ဆၢန့ၢ်ကနဲစီလၢယကိာ်ပူၤန့ၣ်တက့ၢ်လီၤ.

စံးထီၣ်ပတြၢၤ 119:111

နတၢ်အုၣ်နသးတဖၣ် မ့ၢ်ယတၢ်န့ၢ်သါလီၤထူလီၤယိာ်လီၤ. အဂ့ၢ်ဒ်အံၤ, အဝဲန့ၣ် မ့ၢ်ယသးအတၢ်သူၣ်ဖှံသးညီန့ၣ်လီၤ.

တၢ်ကတိၤဒိ. 16:24

တၢ်ကတိၤအမုာ်တဖၣ်လီၤဂာ်ဒီးကနဲအခိၣ်ထံလီၤ. ဆၢဝဲလၢထးခိၣ်အဂီၢ်ဒီးဂ့ၤလၢနတၢ်အိၣ်ဆူၣ်အိၣ်ချ့အဂီၢ် လီၤ.

တၢ်ကတိၤဒိ. 2:10

နကကဲထီၣ်ပှၤကူၣ်တၢ်သ့ဒီးနတၢ်သ့ၣ်ညါကဟ့ၣ်နၤတၢ်သူၣ်မုာ်သး မုာ်လီၤ.

တၢ်ကတိၤဒိ. 22:18

ဒီးနသ့ၣ်နီၣ်ထီၣ်အီၤဒီးယၢၤထီၣ်က့ၤအီၤမ့ၢ်သ့ဒီး, နကသးခုနဲလီၤ.

တၢ်ကတိၤဒိ. 23:18

မ့မ့ၢ်ဒ်န့ၣ်ဒီး, နအိၣ်ဒီးခါဆူညါအတၢ်အိၣ်မူလၢအကပီၤက ပြုၢ်ဝဲန့ၣ်လီၤ.

လံာ်ယံးရမံယၤ 15:16

နကတိၤတ့ၢ်တၢ်ဒီးယၤ, ဒီးယဒိကနၣ်နတၢ်ကတိၤကိးထံၣ်ဒဲး န့ၣ်လီၤ. ယွၤ, သ့တၢ်လၢာ်ကစၢ်ယွၤဧၢ, ယဘၣ်ဃးဒီးနၤသတးဒီးနတၢ် ကတိၤတဖၣ်မၤပှဲၤယသးဒီးတၢ်သးခုဒီးတၢ်သူၣ်ဖှံသးညီန့ၣ်လီၤ.

လံာ်မးသဲ 19:21

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

ယၤကိာ် 1:25

ဘၣ်ဆၣ်ဒီးပှၤတဂၤဂ့ၤတဂၤဂ့ၤလၢအကွၢ်ထံတၢ်သိၣ်တၢ်သီ အလၢအပှဲၤလၢအမၤထူၣ်ဖျဲးပှၤကညီ, လၢအကွၢ်ထံမၤလိဝဲ တထံၣ်ဃီ, ဒီးတမ့ၢ်ထဲအဒိကနၣ်ဝဲဒီးသးပ့ၤနီၣ်ကွံာ်အီၤန့ၣ်ဘၣ်, မ့မ့ၢ်အိၣ်မူမၤထွဲဝဲန့ၣ်, ကစၢ်ယွၤကဆိၣ်ဂ့ၤအီၤလၢအတၢ်ဖံး တၢ်မၤအပူၤန့ၣ်လီၤ.