တၢ်ကတိၤဒိ. 24:11 - Sgaw Karen Common Bible

¹¹ ယုာ်နသးလၢနကမၤပူၤဖျဲးပှၤတဂၤလၢကဘၣ်တၢ်မၤသံအီၤလၢတၢ် စံၣ်ညီၣ်တတီဘၣ်အပူၤန့ၣ်တဂ့ၤ.

တၢ်ကတိၤဒိ. 24:11 Iomraidhean Croise

လံာ်စီၤယိၤဘး 29:17

ယမၤဟးဂီၤကွံာ်ပှၤအၢပှၤသီတဖၣ်အစိကမီၤဒီးအုၣ်က့ၤခီၣ် က့ၤပှၤလၢအဝဲသ့ၣ်မၤအၢမၤနးဝဲဒၣ်တဖၣ်န့ၣ်လီၤ.

စံးထီၣ်ပတြၢၤ 82:4

မၤပူၤဖျဲးပှၤဂံၢ်စၢ်ဘါစၢ်ဒီး ပှၤလိၣ်ဘၣ်တၢ်မၤစၢၤ, မၤထူၣ်ဖျဲးအဝဲသ့ၣ်လၢ ပှၤတတီတလိၤအစုပူၤန့ၣ်တက့ၢ်.”

စံးထီၣ်ပတြၢၤ 88:15

လၢယဖိၣ်သၣ်ခွါထီၣ်လံၤလံၤဒၣ်လဲာ်, ယဘၣ်တ့ၢ်လံ တၢ်နးတၢ်ဖှီၣ်ဒီးဘူးလၢယကသံန့ၣ်လီၤ. ယလီၤဘှံးတ့ၢ်လံယဲလၢနတၢ်သိၣ်ဃီၣ်တဖၣ် အတၢ်ဝံတၢ်ယိးအဃိန့ၣ်လီၤ.

မၤတၢ် 16:28

ဘၣ်ဆၣ်ဒီးစီၤပီလူးကိးထီၣ်လၢအကလုၢ်ဖးဒိၣ်ဒီးစံးဝဲ, “မၤဆါလီၤနသးတဂ့ၤ. ပအိၣ်ပဝဲဖဲအံၤကိးဂၤဒဲးလီၤ.”

မၤတၢ် 18:17

ဒီးအဝဲသ့ၣ်ကိးဂၤဒဲးစှီၤဃာ်ဘူၣ်ဘျီၣ်အခိၣ်စီၤစိၤစသ့ၣ်, ဒီးတီၢ်အီၤလၢစံၣ်ညီၣ်ကွီၢ်အမဲာ်ညါလီၤ. ဘၣ်ဆၣ်ဒီးစီၤကးလံၤအိၣ်တကနၣ်ဃုာ်ဝဲနီတစဲးဘၣ်.

မၤတၢ် 23:10

တၢ်ကတိၤဂ့ၢ်လိာ်ဘှီလိာ်ယံာ်ထီၣ်ဆူၣ်ထီၣ်တုၤဒၣ်လဲာ်ပှၤ သုးဖိတကထိအခိၣ်ဘၣ်ယိၣ်လၢစီၤပီလူးကဘၣ်တၢ်မၤလီၤကလဲကွံာ်အီၤ လၢပှၤသ့ၣ်တဖၣ်န့ၣ်အဃိ, ဟ့ၣ်လီၤအကလုၢ်ဆူပှၤသုးဖိတဖၣ်အအိၣ်ဒ်သိးအကလဲၤ လီၤဆူပှၤဂီၢ်မုၢ်သ့ၣ်တဖၣ်န့ၣ်အကျါ, ဂုာ်ထုးထီၣ်က့ၤဒီးဆှၢစီၤပီလူးဆူသုးဖိအိၣ်တၢ်အလီၢ်တိာ် ပူၤန့ၣ်လီၤ.