တၢ်ကတိၤဒိ. 23:7 - Sgaw Karen Common Bible

⁷ အဝဲစံးဝဲ, “ဟဲဒီးအီၣ်အါထီၣ်တက့ၢ်,” ဘၣ်ဆၣ်လၢအသးအကံၢ်အလဲန့ၣ်, တမ့ၢ်ဒ်န့ၣ်ဘၣ်. အနီၢ်ကစၢ်ဒၣ်ဝဲမ့ၢ်ဒ်တၢ်လၢအဆိကမိၣ်ဝဲအသိးန့ၣ်လီၤ.

တၢ်ကတိၤဒိ. 23:7 Iomraidhean Croise

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 55:21

အတၢ်စံးတၢ်ကတိၤဘျ့န့ၢ်တၢ်နုၢ်ထံအသိတက့ၢ်လီၤ. မ့မ့ၢ်တၢ်ဒုးသုးအသးန့ၣ်အိၣ်လၢအပူၤလီၤ. အတၢ်ကတိၤတဖၣ်စၢ်န့ၢ်သိတက့ၢ်လီၤ, ဘၣ်ဆၣ်မ့ၢ်နးလၢအဘီၣ်ထီၣ်အသးတဖၣ်လီၤ.

တၢ်ကတိၤဒိ. 19:22

တၢ်လၢအလိၣ်ဝဲလၢပှၤကညီတဂၤအပူၤန့ၣ်မ့ၢ်တၢ်သးတီလီၤ. ဒီးပှၤအဖှီၣ်အယာ်တဂၤန့ၣ်ဂ့ၤဒိၣ်န့ၢ်ဒံးပှၤလီတၢ်တဂၤတက့ၢ် န့ၣ်လီၤ.

တၢ်ကတိၤဒိ. 26:23

တၢ်ကတိၤပာ်မၤအသးလၢအပာ်ခူသူၣ်နတၢ်ဆိကမိၣ်နီၢ်နီၢ်န့ၣ်, လီၤဂာ်ဒီးစ့အအ့ၣ်အိၣ်လၢသပၢၤဟီၣ်ခိၣ်လၢအလုၢ်အပှ့ၤတအိၣ်ဘၣ် တဖျၢၣ်အဖီခိၣ်အသိးန့ၣ်လီၤ.

တၢ်ကတိၤဒိ. 26:24

ပှၤပာ်မၤအသးတဂၤန့ၣ်ပာ်ခူသူၣ်အတၢ်သးဟ့လၢအတၢ်ကတိၤလွဲန့ၢ် တၢ်တဖၣ်အပူၤလီၤ.

တၢ်ကတိၤဒိ. 26:25

သီၣ်ကမုာ်ဒိၣ်မးလီၤ. ဘၣ်ဆၣ်နာ်အီၤတဂ့ၤ. အဂ့ၢ်ဒ်အံၤ, အသးပူၤပှဲၤဆၢၣ်ကလာ်ဒီးတၢ်သးဟ့န့ၣ်လီၤ.

လံာ်ဒၤနံးယ့လး 11:27

ဒီးစီၤပၤခံဂၤန့ၣ်ကဆ့ၣ်နီၤလၢစီၢ်နီၤခိၣ်တဖျၢၣ်ဃီဒီးအီၣ်သကိးတၢ်လီၤ. မ့မ့ၢ်အတၢ်တိာ်သူၣ်ပာ်သးတဖၣ်ကမ့ၢ်တၢ်အၢတၢ်သီ, ဒီးကလီလိာ်အသးတဂၤဒီးတဂၤန့ၣ်လီၤ. ဘၣ်ဆၣ်ဒီးတဒိးန့ၢ်ဘၣ်ဝဲတၢ် လၢအသးလီတဖၣ်န့ၣ်ဘၣ်. အဂ့ၢ်ဒ်အံၤ, တၢ်ဆၢကတီၢ် လၢအဝဲန့ၣ်အဂီၢ်တဟဲတုၤဒံးဘၣ်ဝဲဘၣ်.

လံာ်လူၤကၣ် 7:39

ဖဲပှၤဖၤရံၤၡဲလၢအကွဲယ့ၣ်ၡူးတဂၤထံၣ်တၢ်တမံၤအံၤန့ၣ်, အဝဲဒၣ်ဆိကမိၣ်ဝဲလၢအသးပူၤ, “ပှၤတဂၤအံၤမ့မ့ၢ်စဲဃဲၤဝံတဂၤန့ၣ်, အဝဲဒၣ်ကသ့ၣ်ညါပိာ်မုၣ်လၢအထိးအီၤတဂၤအံၤမ့ၢ်မတၤလဲၣ်န့ၣ်လီၤ. ပိာ်မုၣ်တဂၤအံၤအိၣ်မူတ့ၢ်တၢ်ဒဲးဘးအတၢ်အိၣ်မူဒ်လဲၣ် တကလုာ်န့ၣ်အဝဲဒၣ်ကသ့ၣ်ညါဝဲလီၤ.”

လံာ်ပှၤစံၣ်ညီၣ်ကွီၢ် 16:15

မၤသးဒ်န့ၣ်ဒီး, နီၢ်ဒလံလၤစံးဘၣ်အီၤ, “နတအဲၣ်ယၤနီၢ်နီၢ်ဘၣ် ဒီးနစံးလၢနအဲၣ်ယၤကသ့ဒ်လဲၣ်. နမၤပျုၢ်တ့ၢ်ယၤသၢဘျီ ဒီးနတတဲဘၣ်ဒံးယၤလၢတၢ်မနုၤမၤဆူၣ်ထီၣ် နဂံၢ်နဘါဒိၣ်ဒိၣ်ကလဲာ်အဂ့ၢ်န့ၣ်ဘၣ်.”