တၢ်ကတိၤဒိ. 23:24 - Sgaw Karen Common Bible

²⁴ ပှၤအတီအလိၤတဂၤအပၢ်အိၣ်ဒီးတၢ်အဂ့ၢ်အခၢးအဂ့ၤလၢကသးခုဝဲ အဂီၢ်လီၤ. နပာ်ကဖၢလၢနသးလၢဖိခွါလၢအကူၣ်တၢ်သ့တဂၤအဃိသ့လီၤ.

တၢ်ကတိၤဒိ. 23:24 Iomraidhean Croise

လံာ်စီၤပၤအခီၣ်ထံးတဘ့ၣ် 1:48

ဒီးဃ့ဘါထုကဖၣ်ဝဲ, မ်ပကစံးထီၣ်ပတြၢၤယွၤ, ကီၢ်အံၣ်စရ့လးအကစၢ်ယွၤလၢမုၢ်မဆါတနံၤအံၤ, ဒုးကဲထီၣ်ယစၢၤယသွဲၣ်အကျါတဂၤလၢကထီၣ်ယလီၢ်ဒ်စီၤပၤတဂၤ အသိးဒီးပျဲယအိၣ်မူလၢယကထံၣ်ဘၣ်တၢ်အံၤ, အဃိန့ၣ်တက့ၢ်, န့ၣ်လီၤ.”

လံာ်စီၤပၤအခီၣ်ထံးတဘ့ၣ် 2:9

ဘၣ်ဆၣ်ပျဲပူၤကွံာ်အီၤလၢတၢ်စံၣ်ညီၣ်တဂ့ၤ. နသ့ၣ်ညါတၢ်လၢနကဘၣ်မၤအီၤလီၤ. ဒီးနကဘၣ်ကူၣ်ကျဲၤဒ်သိးအဝဲကဘၣ်တၢ်မၤသံအီၤအဂီၢ်န့ၣ်လီၤ.

တၢ်ကတိၤဒိ. 10:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လီၤ. ဖိခွါလၢအကူၣ်သ့တဂၤန့ၣ်, အပၢ်ဒိးဘၣ်တၢ်လၤကပီၤလၢအဃိလီၤ. မ့မ့ၢ်, ပှၤဟးဂီၤဖိတဂၤန့ၣ်, ဟဲစိာ်တၢ်သးအုးလၢအမိၢ်အဂီၢ်လီၤ.

တၢ်ကတိၤဒိ. 15:20

ဖိခွါလၢအကူၣ်သ့န့ၣ်ဒုးသးခုအပၢ်အသးလီၤ. မ့မ့ၢ်ထဲဒၣ်ပှၤဟးဂီၤဖိတဂၤန့ၣ်တပာ်ကဲဘၣ်အမိၢ်ဘၣ်.

တၢ်ကတိၤဒိ. 27:11

ယဖိခွါဧၢ, ကူၣ်တၢ်သ့တက့ၢ်ဒီးယကသူၣ်ခုသးခုယဲလီၤ. ဒီးယကအိၣ်ဒီးတၢ်စံးဆၢလၢပှၤတဂၤလၢ်လၢ်လၢအဒုၣ်ဒွဲၣ် ယၤန့ၣ်လီၤ.

တၢ်ကတိၤဒိ. 29:3

နမ့ၢ်ပာ်လုၢ်ပာ်ပှ့ၤတၢ်ကူၣ်သ့ဒီး, နပၢ်ကပာ်ကဖၢလၢအသးလၢ နဃိလီၤ. တၢ်မၤလၢာ်စ့လၢပှၤဃဲသဲမုၣ်တဖၣ်အဂီၢ်န့ၣ်, မ့ၢ်တၢ်လၢာ်ကလီကလီလၢတၢ်မၢးအပူၤလီၤ.

လံာ်ပှၤစံၣ်တဲၤတဲလီၤတၢ် 2:19

ဒီးအဝဲကမ့ၢ်ပှၤကူၣ်တၢ်သ့မ့တမ့ၢ်ပှၤဟးဂီၤဖိဧါ, မတၤသ့ၣ်ညါကသ့တဂၤလဲၣ်. အန့ၣ်ဒၣ်လဲာ်, တၢ်လၢယမၤတ့ၢ်ခဲလၢာ်, ဒီးတၢ်ခဲလၢာ်လၢယတၢ်ကူၣ်သ့ မၤန့ၢ်တၢ်လၢယဂီၢ်လၢဟီၣ်ခိၣ်အံၤန့ၣ်ကကဲထီၣ်အဝဲအတၢ်ခဲလၢာ် လီၤ. တၢ်ခဲလၢာ်န့ၣ်အဘျုးတအိၣ်ဘၣ်.

ဖံၤလ့မိၣ် 1:20

မ့ၢ်လီၤ, ဒီပုၢ်ဝဲၢ်ဧၢ, ဝံသးစူၤမၤန့ၢ်ယၤလၢ တၢ်ဘျုးတမံၤအံၤလၢကစၢ်အဃိတက့ၢ်. ဒ်ဒီပုၢ်ဝဲၢ်လၢခရံာ်အပူၤတဂၤအသိး, မၤမုာ်ထီၣ်ယသးတက့ၢ်.

ဖံၤလ့မိၣ် 1:9

ဘၣ်ဆၣ်ဒီးလၢတၢ်အဲၣ်တၢ်ကွံအပူၤန့ၣ်, ယၤ, စီၤပီလူး, ယမ့မ့ၢ်ခၢၣ်စးလၢအလီၤဘၣ်ဃိာ်လၢယ့ၣ်ၡူးခရံာ် အဃိနာ်သက့, ယဃ့ကညးနၤလီၤ.