တၢ်ကတိၤဒိ. 23:23 - Sgaw Karen Common Bible

²³ တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

တၢ်ကတိၤဒိ. 23:23 Iomraidhean Croise

စံးထီၣ်ပတြၢၤ 119:127

မၤသးဒ်န့ၣ်ဒီးယအဲၣ်နတၢ်မၤလိာ်တဖၣ် အါန့ၢ်ထူဧိၤလွဲဧိၤ, ဒီးထူစီတက့ၢ်လီၤ.

စံးထီၣ်ပတြၢၤ 119:72

နတၢ်သိၣ်တၢ်သီလၢနထးခိၣ်အံၤ ဂ့ၤဝဲလၢယဂီၢ်ဒိၣ်န့ၢ်ဒံးထူဧိၤလွဲဧိၤ ဒီး ကျိၣ်ဧိၤစ့ဧိၤအကထိတဖၣ်တက့ၢ်န့ၣ်လီၤ.

တၢ်ကတိၤဒိ. 10:1

အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လီၤ. ဖိခွါလၢအကူၣ်သ့တဂၤန့ၣ်, အပၢ်ဒိးဘၣ်တၢ်လၤကပီၤလၢအဃိလီၤ. မ့မ့ၢ်, ပှၤဟးဂီၤဖိတဂၤန့ၣ်, ဟဲစိာ်တၢ်သးအုးလၢအမိၢ်အဂီၢ်လီၤ.

တၢ်ကတိၤဒိ. 16:16

တၢ်န့ၢ်ဘၣ်တၢ်ကူၣ်သ့န့ၣ်ဂ့ၤန့ၢ်ထူတက့ၢ်လီၤ. ဒီးတၢ်န့ၢ်ဘၣ်တၢ်ကူၣ်တၢ်ဆးန့ၣ်ဂ့ၤလၢပှၤဃုထၢအီၤအါန့ၢ်စ့ တက့ၢ်လီၤ.

တၢ်ကတိၤဒိ. 17:16

ပှၤဟးဂီၤဖိမၤလၢာ်စ့လၢတၢ်မၤလိမၤဒိးအဂီၢ်န့ၣ်တမၤဂ့ၤ ဘၣ်အီၤဘၣ်. အဂ့ၢ်ဒ်အံၤ, အတၢ်ဆိကမိၣ်ကွၢ်ထံကွၢ်ဆးတအိၣ်ဘၣ်အဃိလီၤ.

တၢ်ကတိၤဒိ. 18:15

ပှၤလၢအအိၣ်ဒီးတၢ်သူၣ်ဆးသးဆးတဖၣ်န့ၣ်, အသးဆူၣ်ဒီးအိၣ်ကတဲာ်ကတီၤအသးထီဘိလၢကမၤလိန့ၢ်တၢ်လီၤ.

တၢ်ကတိၤဒိ. 9:8

သိၣ်က့ၤသီက့ၤပှၤပာ်ထီၣ်ထီအသးတဂၤနီတစုတဂ့ၤ. ကသးဟ့နၤလၢတၢ်န့ၣ်အဃိလီၤ. မ့မ့ၢ်သိၣ်က့ၤသီက့ၤပှၤလၢအအိၣ်ဒီးတၢ်ကူၣ်သ့တဂၤတက့ၢ်. ဒီးအဝဲကပာ်ကဲနၤလီၤ.

လံာ်ယၡါယၤ 55:1

ယွၤစံးဝဲ, “ဟဲ, ကယဲၢ်ပှၤလၢတၢ်သူအသးလၢထံသ့ၣ်ဧၢ, ထံအိၣ်ဖဲအံၤလီၤ. ဟဲ, သုဝဲလၢအကျိၣ်အစ့တအိၣ်တဖၣ်ဧၢ, ပှ့ၤဘုခ့ဒီးအီၣ်အီတက့ၢ်. ဟဲ, ပှ့ၤစပံးထံဒီးတၢ်နုၢ်ထံတက့ၢ်. လၢသုဂီၢ်န့ၣ်, တၢ်အပှ့ၤတအိၣ်ဝဲနီတမံၤဘၣ်.

လံာ်မးသဲ 13:44

မူခိၣ်အဘီအမုၢ်န့ၣ်လီၤဂာ်ဒီးတၢ်လုၢ်ဒိၣ်ပှ့ၤဒိၣ်လၢ အဘၣ်တၢ်ပာ်ခူသူၣ်အီၤလၢစံာ်ပျီတဘ့ၣ်အပူၤလီၤ. ပှၤလၢအထံၣ်န့ၢ်ဝဲတဂၤန့ၣ်, မၤဘံၣ်မၤဘၢအီၤဝံၤဒီး လၢတၢ်သးခုအပူၤ, လဲၤဒီးဆါကွံာ်တၢ်လၢအအိၣ်ဒီးအီၤခဲ လၢာ်, ဒီးဟဲက့ၤပှ့ၤစံာ်ပျီအဝဲန့ၣ်လီၤ.

လံာ်မးသဲ 13:46

ဒီးတုၤအထံၣ်န့ၢ်တၢ်မျၢ်ပလဲလၢအလုၢ်ဒိၣ်ပှ့ၤဒိၣ်မးတဖျၢၣ် ဒီးအဝဲလဲၤဆါလီၤကွံာ်တၢ်ခဲလၢာ်လၢအအိၣ်ဒီးအီၤဒီးဟဲက့ၤ ပှ့ၤန့ၢ်တၢ်မျၢ်ပလဲအဝဲန့ၣ်လီၤ.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

မၤတၢ် 20:23

ထဲတမံၤ, ယသ့ၣ်ညါလၢဝ့ၢ်ကိးဖျၢၣ်ဒဲးအပူၤန့ၣ် သးစီဆှံဟ့ၣ် ပလီၢ်တ့ၢ်ယၤလၢတၢ်စၢဃာ်ဒီးတၢ်မၤနးမၤဖှီၣ်အိၣ်ခိးပာ်စၢၤ ယခိၣ်န့ၣ်လီၤ.

ဧ့ၤဘြံၤ 11:26

အဝဲဆိကမိၣ်ဒီးပာ်လုၢ်ပာ်ပှ့ၤတၢ်တူၢ်တၢ်ဒုၣ်ဒွဲၣ်လၢခရံာ် အဂီၢ်အါန့ၢ်ဒိၣ်န့ၢ်အဲၤကူပတူးအတၢ်ထူးတၢ်တီၤတဖၣ် တက့ၢ်, အဂ့ၢ်မ့ၢ်လၢအဝဲကွၢ်ဒၣ်တၢ်ဆူခိၣ်ဖးလၢအအိၣ်လၢ အမဲာ်ညါအဃိန့ၣ်လီၤ.

လံာ်လီၣ်ဖျါ 12:11

ပဒီပုၢ်ဝဲၢ်တဖၣ်ဒိးန့ၢ်တၢ်မၤနၢၤလၢအဝဲဒၣ်အဖီခိၣ်, ခီဖျိသိဖိအသွံၣ်ဒီးခီဖျိတၢ်မ့ၢ်တၢ်တီလၢအဘိးဘၣ်သ့ၣ်ညါ ဝဲ, ဒီးအဝဲသ့ၣ်အသးအိၣ်ဟ့ၣ်လီၤကွံာ်အသးသမူဒီးတူၢ်သံ အသးဒၣ်လဲာ်န့ၣ်လီၤ.

လံာ်လီၣ်ဖျါ 3:18

လၢတၢ်န့ၣ်အဃိယဟ့ၣ်ကူၣ်နၤလၢနကပှ့ၤန့ၢ်ထူလၢယအိၣ်, ထူလၢအဘၣ်တၢ်ပှံၢ်စီအီၤ, ဒ်သိးနကထူးကတီၤအဂီၢ်လီၤ. ပှ့ၤစ့ၢ်ကီးတၢ်ကူတၢ်ကၤအဝါလၢနကကူသိးအဂီၢ်ဒ်သိးနကမၤ ဘၢနတၢ်အိၣ်ဘ့ၣ်ဆ့လၢအလီၤမဲာ်ဆှးန့ၣ်တက့ၢ်. ပှ့ၤစ့ၢ်ကီးနဲမဲာ်ချံအကသံၣ်ဒ်သိးနကဒၢနုာ်လၢနမဲာ်ချံ အပူၤလၢနကထံၣ်တၢ်အဂီၢ်န့ၣ်တက့ၢ်.