တၢ်ကတိၤဒိ. 23:17 - Sgaw Karen Common Bible

¹⁷ သူၣ်က့ၣ်သးကါပှၤတၢ်ဒဲးဘးဖိတဖၣ်တဂ့ၤ. တၢ်ယူးယီၣ်ယွၤန့ၣ်မ်အကမ့ၢ်တၢ်လၢနသးစၢၢ်ဆၢ, လၢနတၢ်အိၣ်မူအပူၤန့ၣ်တက့ၢ်.

တၢ်ကတိၤဒိ. 23:17 Iomraidhean Croise

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

တၢ်ကတိၤဒိ. 15:16

ဂ့ၤတက့ၢ်လၢပဖှီၣ်ဒီးပျံၤယွၤဒိၣ်န့ၢ်ပထူးပတီၤဒီးအိၣ်လၢ တၢ်ကီတၢ်ခဲအပူၤန့ၣ်လီၤ.

တၢ်ကတိၤဒိ. 24:1

သူၣ်က့ၣ်သးကါပှၤအၢပှၤသီတဖၣ်တဂ့ၤ. ဒီးကျဲးစၢးဒီတံၤဒီသကိးဒီးအဝဲသ့ၣ်တဂ့ၤ.

တၢ်ကတိၤဒိ. 24:19

ပျဲပှၤအအၢအသီတဖၣ်မၤကိၢ်မၤဂီၤနၤတဂ့ၤ. သူၣ်က့ၣ်သးကါအဝဲသ့ၣ်တဂ့ၤ.

တၢ်ကတိၤဒိ. 24:21

ယဖိခွါဧၢ, ယူးယီၣ်ယွၤတက့ၢ်. ဒီးပာ်ကဲစီၤပၤတက့ၢ်. မၤဃါဃုာ်နသးဒီးပှၤလၢအပူထီၣ်ထီဒါအဝဲသ့ၣ်တဂ့ၤ.

တၢ်ကတိၤဒိ. 28:14

စူၢ်ယွၤထီဘိတက့ၢ်. ဒီးနကသူၣ်ဖှံသးညီလီၤ. နခိၣ်မ့ၢ်ကိၤဒီး, နကဘၣ်တၢ်မၤဟးဂီၤနၤလီၤ.

တၢ်ကတိၤဒိ. 3:31

သူၣ်က့ၣ်သးကါပှၤမၤအၢမၤသီတၢ်တဖၣ်မ့ၢ်ဂ့ၤဆၢမၤတၢ်ဒ်အဝဲသ့ၣ် မၤဝဲအသိးမ့ၢ်ဂ့ၤန့ၣ်တဂ့ၤ.

လံာ်ပှၤစံၣ်တဲၤတဲလီၤတၢ် 5:6

ပျဲနတၢ်ကတိၤဒၣ်နဲတဖၣ်ဆှၢနၤဆူတၢ်ဒဲးဘးအပူၤတုၤနကဘၣ်တဲ ဘၣ်က့ၤကစၢ်ယွၤအပှၤလုၢ်တၢ်အခိၣ်လၢ, “ယအၢၣ်လီၤတၢ်ကမၣ်လံ” န့ၣ်တဂ့ၤ. ဘၣ်မနုၤအဃိနမၤသးဒိၣ်ကစၢ်ယွၤန့ၣ်လဲၣ်. ဘၣ်မနုၤအဃိနပျဲအမၤဟးဂီၤတၢ်လၢနမၤတ့ၢ်လံအီၤန့ၣ်လဲၣ်.

လံာ်ပှၤစံၣ်တဲၤတဲလီၤတၢ် 5:7

တၢ်မံမီၢ်အါဒီးတၢ်ကတိၤတၢ်အါန့ၣ်အခီပညီတအိၣ်ဘၣ်. မၤသးဒ်န့ၣ်ဒီးဆၢထၢၣ်လၢကစၢ်ယွၤအမဲာ်ညါလၢတၢ်ပျံၤဒီးတၢ် ယူးယီၣ်အပူၤန့ၣ်တက့ၢ်.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

၁ ပ့းတရူး 1:17

ဖဲသုဘါထုကဖၣ်ကစၢ်ယွၤဒီး, သုကိးအီၤလၢပၢ်လၢအစံၣ်ညီၣ်ပှၤခဲလၢာ်လၢနီၣ်ထိၣ်တမံၤ ဃီဒ်ပှၤတဂၤဒီးတဂၤမၤတၢ်အသိးန့ၣ်လီၤ. လၢတၢ်န့ၣ်အဃိ, မၤလၢာ်ကွံာ်သုတၢ်အိၣ်မူလၢအအိၣ်လီၤတဲာ်လၢဟီၣ်ခိၣ် ချၢအံၤလၢတၢ်ယူးယီၣ်ပာ်ကဲကစၢ်ယွၤအပူၤန့ၣ်တက့ၢ်.