တၢ်ကတိၤဒိ. 22:7 - Sgaw Karen Common Bible

⁷ ပှၤဖှီၣ်ဖိယာ်ဖိတဖၣ်န့ၣ်မ့ၢ်ပှၤထူးပှၤတီၤအကုၢ်အပှၤလီၤ. ဟံးန့ၢ်လိၢ်န့ၢ်စ့တက့ၢ်. ဒီးနကဲထီၣ်ပှၤဟ့ၣ်လိၢ်တၢ်အကုၢ်လီၤ.

တၢ်ကတိၤဒိ. 22:7 Iomraidhean Croise

လံာ်စီၤပၤခံဘ့ၣ်တဘ့ၣ် 4:1

ကရၢဖိတဂၤလၢဝံတဖၣ်အကရူၢ်တကရူၢ်အကျါ, အမါမုၣ်ကမဲတဂၤလဲၤဝဲဆူစီၤအလံၤၡါအအိၣ်ဒီးစံးဝဲဒၣ်, “တၢ်ဒိၣ်ဧၢ, ယဝၤသံလံဝဲလံ. ဒ်နသ့ၣ်ညါနဲအသိးအဝဲမ့ၢ်ပှၤ တဂၤလၢအပျံၤကစၢ်ယွၤန့ၣ်လီၤ. ဘၣ်ဆၣ်ခဲကနံၣ်အံၤပှၤတဂၤလၢအလဲၤဟံးန့ၢ်လိၢ်ဝဲအစ့န့ၣ်, ဟဲဝဲဒ်သိးကဟံးထီၣ်ကွံာ်ယဖိခွါခံဂၤ, ဒ်ကုၢ်တဖၣ်အသိးလၢတၢ် လိးက့ၤယဝၤအဒ့ၣ်ကမၢ်အဂီၢ်န့ၣ်လီၤ.”

တၢ်ကတိၤဒိ. 14:31

နမ့ၢ်မၤအၢမၤနးပှၤဖှီၣ်ဖိယာ်ဖိန့ၣ်, နဒုၣ်ဒွဲၣ်ယွၤလၢအတ့ လီၤအီၤန့ၣ်လီၤ. မ့မ့ၢ်တၢ်ဒုးနဲၣ်တၢ်သးကညီၤဆူပှၤဖှီၣ်ဖိယာ်ဖိန့ၣ်, မ့ၢ်တၢ်ဘူၣ်ထီၣ်ဘါထီၣ်ယွၤအက့ၢ်အဂီၤတမံၤလီၤ.

တၢ်ကတိၤဒိ. 18:23

ဖဲပှၤအဖှီၣ်တဂၤကတိၤတၢ်န့ၣ်, အဝဲဘၣ်ဃ့သကွံၢ်ဘါကညးတၢ်လီၤ. မ့မ့ၢ်ဖဲပှၤအထူးအတီၤတဂၤစံးဆၢတၢ်န့ၣ်, မၤဝဲရၢၢ်ရၢၢ်စၢၢ်စၢၢ်န့ၣ်လီၤ.

တၢ်ကတိၤဒိ. 22:16

နမ့ၢ်ဟ့ၣ်တၢ်ဟ့ၣ်တဖၣ်ဆူပှၤထူးပှၤတီၤတဖၣ်မ့ၢ်ဂ့ၤ, နမ့ၢ်မၤနးမၤဖှီၣ်ပှၤဖှီၣ်ဖိယာ်ဖိလၢနကထူးထီၣ်တီၤထီၣ်ဒၣ် နဲအဂီၢ်မ့ၢ်ဂ့ၤဒီး, နကစၢ်ဒၣ်နဲနကဖှီၣ်လီၤယာ်လီၤန့ၣ်လီၤ.

တၢ်ကတိၤဒိ. 22:22

မ့ၢ်လၢနမၤသ့အဃိဒီး, ဃုမၤဘျုးနသးလၢပှၤဖှီၣ်ဖိယာ်ဖိ တဖၣ်အဖီခိၣ်တဂ့ၤ. ပှၤလၢအဆၢထၢၣ်လၢကွီၢ်ဘျီၣ်ဒီးမၤစၢၤလီၤ က့ၤအသးတသ့တဖၣ်န့ၣ်, ဃုမၤဘျုးနသးလၢအဖီခိၣ်တဂ့ၤ.

လံာ်ယၡါယၤ 24:2

ပှၤကိးဂၤဒဲးကဘၣ်တၢ်ဟဲဝံဟဲစိာ်တမံၤဃီ, ပှၤလုၢ်တၢ်အခိၣ် တဖၣ်ဒီးပှၤဂီၢ်မုၢ်, ကုၢ်တဖၣ်ဒီးကစၢ်တဖၣ်, ပှၤပှ့ၤတၢ်တဖၣ်ဒီးပှၤ ဆါတၢ်တဖၣ်, ပှၤဟ့ၣ်လိၢ်လီၤတၢ်တဖၣ်ဒီးပှၤဃ့လိၢ်တၢ်တဖၣ်, ပှၤထူးပှၤတီၤဒီးပှၤဖှီၣ်ဖိယာ်ဖိလီၤ.

လံာ်ဧၤမိၣ် 2:6

ဒီးယွၤစံးဝဲဒၣ်, “ပှၤကီၢ်အံၣ်စရ့လးဖိတဖၣ်မၤတ့ၢ်လံတၢ်ဒဲးဘးတဘျီဝံၤ တဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်ဆါလီၤကွံာ်ပှၤတီပှၤလိၤလၢအလိးက့ၤအကမၣ်တန့ၢ်တဖၣ် ဆူကုၢ်အလီၢ်, ဒီးပှၤဖှီၣ်ဖိယာ်ဖိလၢအလိးက့ၤအကမၣ်တန့ၢ်တ ဖၣ်န့ၣ်လၢခီၣ်ဖံးတဆိအပှ့ၤဒၣ်လဲာ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်ဧၤမိၣ် 8:4

ကနၣ်တၢ်အံၤတက့ၢ်, သုဝဲပှၤလၢအယီၢ်တံၢ်ပှၤလိၣ်ဘၣ်တၢ်မၤ စၢၤဒီးကျဲးစၢးမၤဟးဂီၤကွံာ်ပှၤဖှီၣ်ဖိယာ်ဖိလၢကီၢ်ပူၤသ့ၣ်ဧၢ,

လံာ်ဧၤမိၣ် 8:6

ဒီးပဆါဘုကၠူၣ်လၢတဂီာ်တသီၣ်ဘၣ်လၢအပှ့ၤအါအါကသ့ဝဲ, ပကဃုထံၣ်ပှၤဖှီၣ်ဖိယာ်ဖိလၢအလိးက့ၤအကမၢ်ထဲကဟ့ၣ်ဝဲ အခီၣ်ဖံးတစူၣ်အပှ့ၤဒၣ်လဲာ်တန့ၢ်ဘၣ်, ဒီးပကပှ့ၤအီၤဒ်ကုၢ်တဂၤအသိးန့ၣ်လီၤ.

လံာ်မးသဲ 18:25

မ့ၢ်လၢအခ့အပှၤအံၤလိးက့ၤစ့အံၤတန့ၢ်ဘၣ်အဃိ, အကစၢ်ဟ့ၣ်လီၤအကလုၢ်လၢအကဘၣ်တၢ်ဆါလီၤကွံာ်အီၤ, အမါဒီးအဖိတဖၣ်, ဒီးတၢ်လၢအအိၣ်ဒီးအီၤခဲလၢာ်, ဒီးလိးက့ၤအကမၢ်န့ၣ်လီၤ.

ယၤကိာ် 2:6

ဘၣ်ဆၣ်ဒီး, သုတယူးယီၣ်ပှၤဖှီၣ်ဖိတဖၣ်ဘၣ်. မ့ၢ်မတၤတဖၣ်ဆီၣ်ဘံးဆီၣ်ဘၢသုဒီးတွံၢ်သုဆူစံၣ်ညီၣ် ကွီၢ်တဖၣ်အမဲာ်ညါန့ၣ်လဲၣ်. မ့ၢ်ဒၣ်ပှၤထူးပှၤတီၤတဖၣ်လီၤ.

ယၤကိာ် 5:1

ဒီးခဲအံၤသုဝဲလၢအထူးအတီၤသ့ၣ်ဧၢ, ကနၣ်တၢ်လၢယကတဲ ဘၣ်သုတက့ၢ်. ဟီၣ်တၢ်ယၢၤတၢ်လၢတၢ်နးတၢ်ဖှီၣ်တဖၣ်လၢအကဟဲ ဘၣ်သုအဃိတက့ၢ်.

ယၤကိာ် 5:4

ပှၤလၢအမၤတၢ်လၢသုစံာ်ပျီပူၤတဖၣ်န့ၣ်, သုတဟ့ၣ်အီၤအဘူး အလဲဘၣ်. ဒိကနၣ်အဝဲသ့ၣ်အတၢ်ကဒူးကဒ့ၣ်တဖၣ်တက့ၢ်. ပှၤလၢအထၢဖှိၣ်ပာ်ဖှိၣ်သုဘုတဖၣ်အတၢ်ကိးပသူထီၣ်န့ၣ်, တုၤဃီၤလၢခဲအံၤဒိကနၣ်ယၤတက့ၢ်. ယွၤ, တၢ်သုးမုၢ်ဂီၢ်မုၢ်အကစၢ်အနၢ်ပူၤန့ၣ်လံ.