တၢ်ကတိၤဒိ. 22:4 - Sgaw Karen Common Bible

⁴ အိၣ်ဒီးတၢ်ယူးယီၣ်ပာ်ကဲယွၤဒီးဆီၣ်လီၤနသးတက့ၢ်. ဒီးနကန့ၢ်ဘၣ်တၢ်ထူးတၢ်တီၤတဖၣ်, တၢ်လၤကပီၤ, ဒီးတၢ်အိၣ်မူအါနံၣ်အါလါန့ၣ်လီၤ.

တၢ်ကတိၤဒိ. 22:4 Iomraidhean Croise

တၢ်ကတိၤဒိ. 19:23

ပျံၤယွၤဒီးယူးယီၣ်အီၤတက့ၢ်. ဒီးနကအိၣ်မူအါနံၣ်အါလါ, သူၣ်မံသးမံဒီးပူၤဖျဲးလၢတၢ်မၤဆူးမၤဆါန့ၣ်လီၤ.

တၢ်ကတိၤဒိ. 21:20

ပှၤကူၣ်သ့တဖၣ်န့ၣ်အိၣ်မူလၢတၢ်ထူးတၢ်တီၤဒီးဟီၣ်ခိၣ်အတၢ် မုာ်တၢ်လၤအပူၤလီၤ. မ့မ့ၢ်, ပှၤလၢအမၢးတဖၣ်သူလၢာ်ကွံာ်အစ့ထဲသိးသိးအမၤန့ၢ် အီၤန့ၣ်လီၤ.

တၢ်ကတိၤဒိ. 21:21

အိၣ်ဒီးတၢ်သူၣ်ကညီၤသးကညီၤဒီးတၢ်သူၣ်လိၤသးဘျၢတက့ၢ်. ဒီးနသးသမူအမုၢ်နံၤကထီဝဲလီၤ. ပှၤဂုၤပှၤဂၤတဖၣ်ကပာ်ကဲ နၤဒီးမၤဘၣ်နၤဂ့ၤဂ့ၤဘၣ်ဘၣ်လီၤ.

တၢ်ကတိၤဒိ. 22:3

ပှၤသူၣ်ထံသးဆးတဖၣ်န့ၣ်ကထံၣ်တၢ်ကီတၢ်ခဲဟဲဝဲဒီးကပဒ့ၣ်အသး လီၤ. ဘၣ်ဆၣ်ဒီး, ပှၤလၢအတဆိကမိၣ်တၢ်တဂၤန့ၣ်ကလဲၤနုာ်လိၤလိၤ ဆူတၢ်ကီတၢ်ခဲအပူၤဒီးသးအုးက့ၤလၢခံလီၤ.

တၢ်ကတိၤဒိ. 22:5

နမ့ၢ်အဲၣ်နသးသမူဒီး, အိၣ်ယံၤဒီးပျံၤသကွီၤတဖၣ်လၢအဖီၣ်န့ၢ် ပှၤတတီတလိၤလၢကျဲဒီဘိန့ၣ်တက့ၢ်.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

တၢ်ကတိၤဒိ. 3:16

တၢ်ကူၣ်သ့ဟ့ၣ်နၤတၢ်အိၣ်ကၢအိၣ်ခိး, ဃုာ်ဒီးတၢ်ထူးတၢ်တီၤ ဒီးတၢ်လၤကပီၤစ့ၢ်ကီးလီၤ.

တၢ်ကတိၤဒိ. 31:30

တၢ်လီၤအဲၣ်လီၤကွံန့ၣ်လီန့ၢ်တၢ်သ့, ဒီးတၢ်ဃံတၢ်လၤန့ၣ် လီၤမၢ်ကွံာ်ဝဲလီၤ. မ့မ့ၢ်, ပိာ်မုၣ်တဂၤလၢအမၤလၤကပီၤယွၤန့ၣ်, ကြၢးဘၣ်တၢ်စံးထီၣ်ပတြၢၤအီၤလီၤ.

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ဒၤနံးယ့လး 4:36

ဒီးဖဲယအိၣ်က့ၤဒီးယတၢ်သူၣ်ထံသးဆးန့ၣ်ယဘီယမုၢ်အတၢ် လၤတၢ်ကပီၤ, ယတၢ်ကဟုကညီၢ်ဒီးယလၤယကပီၤတဖၣ် ဘၣ်တၢ်ဟ့ၣ်ကဒါက့ၤယၤလီၤ. ယပှၤဟ့ၣ်ကူၣ်တၢ်တဖၣ်ဒီး ယပဒိၣ်ပပှၢ်တဖၣ်တူၢ်လိာ်မုာ်က့ၤယၤဒီးယဘၣ် တၢ်ပာ်ထီၣ်ထီက့ၤယၤလၢယဘီယမုၢ်အပူၤ, ဒီးတၢ်လၤတၢ်ကပီၤဂံၢ်အါထီၣ်အသးဒီးယၤအါန့ၢ်ဒံး လၢညါဒၣ်လဲာ်လီၤ.

လံာ်မးသဲ 6:33

မ့မ့ၢ်ဃုဆိကစၢ်ယွၤအဘီအမုၢ်ဒီးအတၢ်တီတၢ်လိၤတက့ၢ်. ဒီးကစၢ်ယွၤကဟ့ၣ်လီၤသုလၢတၢ်တဖၣ်န့ၣ်ခဲလၢာ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.

ယၤကိာ် 4:10

ဆီၣ်လီၤသုသးလၢကစၢ်အဖီလာ်, ဒီးအဝဲဒၣ်ကပာ်ထီၣ်ထီ သုလီၤ.

ယၤကိာ် 4:6

ဘၣ်ဆၣ်ဒီး, တၢ်ဘျုးတၢ်ဖှိၣ်လၢကစၢ်ယွၤဟ့ၣ်လီၤအံၤ အဂံၢ်အဘါဆူၣ်ဒိၣ်ဒၣ်တၢ်တက့ၢ်လီၤ. ဒ်တၢ်ကွဲးအသးစံးဝဲ အသိး, “ယွၤထီဒါပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသးလီၤ.”