တၢ်ကတိၤဒိ. 22:21 - Sgaw Karen Common Bible

²¹ ဒီးကသိၣ်လိနၤလၢတၢ်မ့ၢ်တၢ်တီနီၢ်နီၢ်မ့ၢ်တၢ်မနုၤလဲၣ်န့ၣ် လီၤ. အန့ၣ်ဝံၤဒီးဖဲတၢ်မၢလီၤနၤလၢနကဃုထံၣ်န့ၢ်အီၤဒီး, နကဟဲက့ၤစိာ်ကဒါက့ၤတၢ်စံးဆၢအဘၣ်န့ၣ်လီၤ.

တၢ်ကတိၤဒိ. 22:21 Iomraidhean Croise

တၢ်ကတိၤဒိ. 1:1

အံၣ်စရ့လးအစီၤပၤစီၤဒၤဝံးအဖိခွါစီၤၡလိၤမိၤအတၢ်ကူၣ်သ့ အတၢ်ကတိၤတဖၣ်.

တၢ်ကတိၤဒိ. 1:3

တၢ်န့ၣ်တဖၣ်သိၣ်လိသုဒ်သိးသုအိၣ်မူလၢတၢ်သူၣ်ဆးသးဆး အပူၤဒ်လဲၣ်ဒ်လဲၣ်ကသ့ဒီးတၢ်ကဘၣ်အိၣ်မူတီတီလိၤလိၤ, စံၣ်ညီၣ်တီတၢ်ဒီးတၢ်တကွၢ်မဲာ်ဘၣ်တၢ်ဒ်လဲၣ်ဒ်လဲၣ်အဂီၢ်န့ၣ် လီၤ.

တၢ်ကတိၤဒိ. 25:13

ပှၤစိာ်တၢ်ကစီၣ်လၢတၢ်နာ်န့ၢ်အီၤသ့တဂၤန့ၣ်မၤမူမၤဂဲၤက့ၤ ပှၤလၢအမၢလီၤအီၤတဂၤအသး, လီၤဂာ်ဒ်ထံခုၣ်လၢတၢ်ကိၢ်ခါကူးဘုအကတီၢ်အသိးန့ၣ်လီၤ.

လံာ်ပှၤစံၣ်တဲၤတဲလီၤတၢ် 12:10

ပှၤဆိကမိၣ်တၢ်အဒိၣ်အယိာ်တဂၤအံၤကျဲးစၢးဃုထံၣ်န့ၢ်တၢ် ကတိၤမုာ်သူၣ်မုာ်သးတဖၣ်, ဒီးတၢ်ကတိၤလၢအဝဲကွဲးတ့ၢ်ဝဲတဖၣ်တီဝဲလိၤဝဲန့ၣ်လီၤ.

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

၁ ပ့းတရူး 3:15

မ့မ့ၢ်, အိၣ်ဒီးတၢ်ယူးယီၣ်ပာ်ကဲခရံာ်ဒ်ကစၢ်အသိးလၢသုသးကံၢ်ပူၤ န့ၣ်တက့ၢ် (ၡါ ၈:၁၂-၁၃). အိၣ်ကတဲာ်ကတီၤသုသးထီဘိလၢ သုကစံးဆၢပှၤတဂၤဂ့ၤတဂၤဂ့ၤလၢအသံကွၢ်သုတၢ်မုၢ်လၢ်လၢ အအိၣ်လၢသုပူၤအဂ့ၢ်အကျိၤန့ၣ်တက့ၢ်.

၁ ယိၤဟၣ် 5:13

ယကွဲးန့ၢ်သုတၢ်အံၤ, ဒ်သိးဒီးသုဝဲလၢအစူၢ်က့ၤနာ်က့ၤတၢ်လၢ ကစၢ်ယွၤအဖိခွါအမံၤအပူၤတဖၣ်, သုကသ့ၣ်ညါလၢသုအိၣ်ဒီးတၢ်မူအထူအယိာ်န့ၣ်လီၤ.