တၢ်ကတိၤဒိ. 22:15 - Sgaw Karen Common Bible

¹⁵ ဖိလံၤတဖၣ်ညီနူၢ်လိာ်မၢးအသးဒီးမၤတၢ်နါစံၢ်နါစိၤတဖၣ်လီၤ. ဘၣ်ဆၣ်ဒီးတၢ်သိၣ်ဃီၣ်အနီၣ်တီၢ်တဘိကသိၣ်လိအဝဲသ့ၣ်လၢကဘၣ်အိၣ် မူပာ်သူၣ်ပာ်သးဒ်လဲၣ်ဒ်လဲၣ်န့ၣ်လီၤ.

တၢ်ကတိၤဒိ. 22:15 Iomraidhean Croise

လံာ်စီၤယိၤဘး 14:4

လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

စံးထီၣ်ပတြၢၤ 51:5

ကွၢ်ကွၢ်, ယအိၣ်ဖျဲၣ်ထီၣ်လၢတၢ်အၢတၢ်သီအပူၤ, ဒီးယမိၢ်ဒၢထီၣ်ယၤလၢတၢ်ဒဲးဘးအပူၤလီၤ.

တၢ်ကတိၤဒိ. 13:24

နမ့ၢ်တစံၣ်ညီၣ်နဖိခွါဘၣ်ဒီးနတအဲၣ်အီၤဘၣ်. နမ့ၢ်အဲၣ်အီၤဒီးနကသိၣ်က့ၤသီက့ၤအီၤလီၤ.

တၢ်ကတိၤဒိ. 19:18

သိၣ်က့ၤသီက့ၤနဖိနလံၤတဖၣ်ဖဲအဝဲသ့ၣ်အသးစၢ်ဒံးလၢကမၤလိ တၢ်အဂီၢ်အခါတက့ၢ်. နမ့ၢ်တမၤဘၣ်ဒီး, နမၤစၢၤလံအဝဲသ့ၣ်လၢ ကမၤဟးဂီၤလီၤက့ၤအသးဒၣ်ဝဲလီၤ.

တၢ်ကတိၤဒိ. 20:30

တဘျီဘျီတၢ်လဲၤခီဖျိတမံၤလၢအဘၣ်ဒိပှၤဆါန့ၣ်အလီၢ်အိၣ်ဝဲ, ဒ်သိးကဒုးလဲလိာ်က့ၤပကျဲတဖၣ်န့ၣ်လီၤ.

တၢ်ကတိၤဒိ. 29:15

တၢ်သိၣ်ဂ့ၤသီဘၣ်အနီၣ်တီၢ်န့ၣ်ဟ့ၣ်လီၤတၢ်ကူၣ်သ့လီၤ. မ့မ့ၢ်, တၢ်ပျဲဖိသၣ်အိၣ်ဒၣ်အတၢ်န့ၣ်ကဒုးမဲာ်ဆှးအမိၢ်လီၤ.

တၢ်ကတိၤဒိ. 29:17

သိၣ်က့ၤဘှီက့ၤနဖိခွါတက့ၢ်. ဒီးနပာ်ကဖၢလၢနသးလၢအဃိ ထီဘိကသ့ဝဲလီၤ. တၢ်ဂ့ၢ်လၢအဝဲကမၤမဲာ်ဆှးနၤတအိၣ်နီ တစုဘၣ်.

လံာ်ယိၤဟၣ် 3:6

ပှၤကညီတဂၤအိၣ်ဖျဲၣ်ထီၣ်ဝဲနီၢ်ခိနီၢ်ခီလၢမိၢ်ပၢ်လၢအအိၣ် ဒီးသွံၣ်ထံဖံးညၣ်လီၤ. ဘၣ်ဆၣ်ဒီး, အဝဲအိၣ်ဖျဲၣ်ထီၣ်လၢသူၣ် လၢသး, လၢယွၤအသးန့ၣ်လီၤ.

အ့းဖ့းစူး 2:3

နီၢ်နီၢ်တခီပဝဲကိးဂၤပမၤတ့ၢ်ပသးဒ်အဝဲသ့ၣ်အသိးဒီး ပအိၣ်မူတ့ၢ်ဒ်ပသးအတၢ်ဆၢမိၣ်န့ၢ်ဘၣ်အသိး, ပလူၤတ့ၢ်ပသးဒီးမၤတ့ၢ်ပဝဲဒ်ပနီၢ်ခိသူၣ်လီသးကွံတၢ် အသိးဒီးဒ်ပတၢ်ဆိကမိၣ်ဆှၢပှၤအသိးလီၤ. ဒ်ပှၤဟီၣ်ခိၣ်ဖိအဂုၤအဂၤတဖၣ်အသိး, ဟီၣ်ခိၣ်ဖိအန့ဆၢၣ်လၢပပူၤမ့ၢ်တၢ်လၢအဒုးကြၢးပှၤဒီး တၢ်တူၢ်ဘၣ်ကစၢ်ယွၤအတၢ်သးဒိၣ်န့ၣ်လီၤ.