တၢ်ကတိၤဒိ. 22:11 - Sgaw Karen Common Bible

¹¹ နမ့ၢ်အဲၣ်တၢ်သးကဆှီဒီးတၢ်ကတိၤလၢအဘျုးဒိၣ်ဖှိၣ်အါန့ၣ်, စီၤပၤကကဲထီၣ်နတံၤသကိးလီၤ.

တၢ်ကတိၤဒိ. 22:11 Iomraidhean Croise

လံာ်စီၤပၤအခီၣ်ထံးတဘ့ၣ် 4:5

ကီၢ်ဆၣ်တဖၣ်အပဒိၣ်အဒိၣ်ကတၢၢ်မ့ၢ်ဝဲစီၤနၤသၣ်အဖိခွါစီၤဧစၤ ရယၤ, စီၤပၤအပှၤဟ့ၣ်ကူၣ်တၢ်မ့ၢ်ဝဲစီၤနၤသၣ်အဖိခွါပှၤလုၢ်တၢ် အခိၣ်စီၤစၤဘူးလီၤ.

လံာ်နီၢ်အ့ၤစတၢ် 10:3

ပှၤယူဒၤဖိစီၤမၢ်ဒကဲၤအိၣ်လၢလီၢ်လၤခံတီၤတတီၤဖဲ စီၤပၤအဃၤၡဝ့ရိၣ်အကစၢ်ဒၣ်ဝဲအဖီလာ်န့ၣ်လီၤ. အဝဲဘၣ်တၢ်ယူးယီၣ်တ့ၢ်ဒီးဘၣ်သူၣ်ဘၣ်သးတ့ၢ်အီၤလၢအပှၤယူဒၤ ဖိကဒဲကဒဲဒီးအီၤတဖၣ်လီၤ. အဝဲမၤတ့ၢ်တၢ်အဂ့ၤလၢအပှၤဂီၢ်မုၢ်အဂီၢ်ဒီးလၢကယဲၢ်အစၢၤ အသွဲၣ်တဖၣ်အတၢ်ဘံၣ်တၢ်ဘၢအဂီၢ်န့ၣ်လီၤ.

စံးထီၣ်ပတြၢၤ 101:6

ပှၤလၢအသူၣ်တီသးရၤဒီး ကစၢ်ယွၤန့ၣ်, ယကဘၣ်သူၣ်ဘၣ်သးအီၤဒီး ဒုးအိၣ်အီၤလၢ ယနူၢ်ပူၤစီၤပူၤလီၤ. ပှၤတဖၣ်လၢ အအိၣ်တၢ်သးတီအလၢအပှဲၤန့ၣ် ကမၤဘၣ်ယတၢ်လီၤ.

စံးထီၣ်ပတြၢၤ 24:4

မ့ၢ်ဒၣ်ပှၤလၢအစုစီဆှံဝဲဒီးအသးကဆှီဝဲ, ပှၤလၢအတဘါထီၣ်ဘၣ် တၢ်ဂီၤတၢ်ဖီၣ်တဖၣ် ဒီးတဆိၣ်ဘၣ်တၢ်လၢ တၢ်လီတၢ်ဝ့ၤအပူၤဘၣ်န့ၣ်လီၤ.

စံးထီၣ်ပတြၢၤ 45:2

လၢပှၤပိာ်ခွါတဖၣ်အကျါနမ့ၢ်ပှၤလၢအဃံလၤကတၢၢ်, နမ့ၢ်ပှၤစံးကတိၤတၢ်သ့န့ၣ်လီၤ. ကစၢ်ယွၤဆိၣ်ဂ့ၤတ့ၢ်နၤထီဘိန့ၣ်လီၤ.

တၢ်ကတိၤဒိ. 14:35

စီၤပၤတဖၣ်ဘၣ်အသးလၢအခ့အပှၤလၢအမၤတၢ်သ့မၤတၢ်ဘၣ် တဖၣ်လီၤ. မ့မ့ၢ်အဝဲသ့ၣ်စံၣ်ညီၣ်ပှၤတဖၣ်လၢအမၤမဲာ်ဆှးအီၤန့ၣ် လီၤ.

တၢ်ကတိၤဒိ. 16:13

စီၤပၤတဂၤသးအိၣ်နၢ်ဟူတၢ်မ့ၢ်တၢ်တီဒီးကကွၢ်မဲာ်ပှၤလၢ အကတိၤတၢ်မ့ၢ်တၢ်တီန့ၣ်လီၤ.

တၢ်ကတိၤဒိ. 22:12

ယွၤအံးထွဲကွၢ်ထွဲတၢ်ဒ်သိးတၢ်မ့ၢ်တၢ်တီအံၤကဘၣ်တၢ်ပၢၤဃာ် အီၤဂ့ၤဂ့ၤဘၣ်ဘၣ်, ခီဖျိတၢ်ပာ်ဖျါထီၣ်ပှၤလီတၢ်တဖၣ်အတၢ်ကတိၤန့ၣ်, တဘၣ်ဘၣ်အဂ့ၢ်လီၤ.

လံာ်ပှၤစံၣ်တဲၤတဲလီၤတၢ် 10:12

တၢ်လၢပှၤကူၣ်တၢ်သ့တဂၤစံးဝဲန့ၣ်ဟဲစိာ်န့ၢ်အီၤတၢ်လၤ ကပီၤလီၤ. မ့မ့ၢ်ပှၤအမၢးတဂၤန့ၣ်, အတၢ်ကတိၤဒၣ်ဝဲတဖၣ်မၤဟးဂီၤအီၤလီၤ.

လံာ်ဒၤနံးယ့လး 3:30

အန့ၣ်ဝံၤဒီးစီၤပၤသုးထီထီၣ်စီၤၡၤဒရး, စီၤမ့ၤၡးဒီးစီၤဧဘ့ၤဒနကိၤဆူလီၢ် လၤထီန့ၢ်ဒံးအလီၢ်လၤအိၣ်ပာ်စၢၤန့ၣ်လၢကီၢ်ဘၤဘူၤလိၣ်အပူၤန့ၣ်လီၤ.

လံာ်မးသဲ 5:8

ပှၤလၢအသးကဆှီတဖၣ်န့ၣ်, မ့ၢ်ပှၤတဖၣ်လၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ်ကထံၣ်ဘၣ်ကစၢ်ယွၤလီၤ.

လံာ်လူၤကၣ် 4:22

အဝဲသ့ၣ်ကိးဒံကိးဂၤဒဲးဘၣ်သူၣ်ဘၣ်သးလၢယ့ၣ်ၡူး, ဒီးကမၢကမၣ်ဝဲလၢတၢ်ကတိၤအသ့အဘၣ်လၢ အဝဲဒၣ်စံးကတိၤတ့ၢ်ဝဲတဖၣ်အဃိန့ၣ်လီၤ. အဝဲသ့ၣ်စံးဝဲ, “အဝဲဒၣ်တမ့ၢ်စီၤယိၤသးအဖိခွါဘၣ်ဧါ.”