တၢ်ကတိၤဒိ. 22:1 - Sgaw Karen Common Bible

¹ နမ့ၢ်ဘၣ်ဃုထၢတၢ်လၢတၢ်မံၤဂ့ၤသၣ်ဂ့ၤဒီးတၢ်ထူးဒိၣ် တၢ်တီၤအါအဘၢၣ်စၢၤန့ၣ်ဃုထၢတၢ်မံၤဂ့ၤသၣ်ဂ့ၤတက့ၢ်. ဒီးတၢ်လီၤယူးယီၣ်ပာ်ကဲန့ၣ်ဂ့ၤန့ၢ်ကျိၣ်ဧိၤစ့ဧိၤဒီးထူ ဧိၤလွဲဧိၤတက့ၢ်လီၤ.

တၢ်ကတိၤဒိ. 22:1 Iomraidhean Croise

လံာ်စီၤပၤအခီၣ်ထံးတဘ့ၣ် 1:47

လၢတၢ်န့ၣ်အမဲာ်ညါ, ကွီၢ်အပဒိၣ်ပပှၢ်တဖၣ်လဲၤနုာ်ဒ်သိးကဟ့ၣ်ထီၣ် တၢ်ယူးယီၣ်ဆူတၢ်ဒိၣ်ကစၢ်စီၤပၤဒၤဝံးဒီးစံးဝဲ, မ်နကစၢ်ယွၤဒုးမၤမံၤဟူသၣ်ဖျါစီၤၡလိၤမိၤအါန့ၢ်ဒံးနၤ ဒၣ်လဲာ်, တက့ၢ်န့ၣ်လီၤ. အန့ၣ်တစု, စီၤပၤဒၤဝံးသကူးလီၤအသးဒီးဘူၣ် ထီၣ်ဘါထီၣ်တၢ်လၢအလီၢ်မံအဖီခိၣ်န့ၣ်လီၤ.

တၢ်ကတိၤဒိ. 10:7

ပှၤအဂ့ၤတဖၣ်န့ၣ်ကဘၣ်တၢ်သ့ၣ်နီၣ်ထီၣ်က့ၤအီၤဒ်တၢ်ဆိၣ်ဂ့ၤတမံၤ အသိးလီၤ. မ့မ့ၢ်ပှၤအၢပှၤသီတဂၤန့ၣ်တယံာ်ဘၣ်ဒီးကဘၣ် တၢ်သးပ့ၤနီၣ်ကွံာ်အီၤလီၤ.

လံာ်ပှၤစံၣ်တဲၤတဲလီၤတၢ် 7:1

တၢ်မံၤဂ့ၤသၣ်ဂ့ၤန့ၣ်, ဂ့ၤဒိၣ်န့ၢ်ဒံးသိနၢမူလၢအပှ့ၤဒိၣ်တက့ၢ်န့ၣ်လီၤ. ဒီးမုၢ်တနံၤလၢနသံန့ၣ်ဂ့ၤဒိၣ်န့ၢ်ဒံးမုၢ်တနံၤလၢနအိၣ်ဖျဲၣ်ထီၣ် တက့ၢ်န့ၣ်လီၤ.

လံာ်လူၤကၣ် 10:20

ဘၣ်ဆၣ်ဒီး, တဘၣ်သူၣ်ခုသးခုလၢတၢ်ဝံတၢ်နါတဖၣ်စူၢ်သု ကလုၢ်အဃိတဂ့ၤ. မ့မ့ၢ်, သူၣ်ခုသးခုလၢသုမံၤတဖၣ်ဘၣ်တၢ်ကွဲးလီၤပာ်အီၤလၢမူခိၣ် အဃိန့ၣ်တက့ၢ်.”

မၤတၢ် 7:10

ဒီးမၤပူၤမၤဖျဲးအီၤတဘျီလၢ်လၢ်ဖဲအဘၣ်တၢ်ကီတၢ်ခဲ အကတီၢ်န့ၣ်လီၤ. တုၤအလဲၤထီၣ်ဘၣ်လၢကီၢ်အဲၤကူပတူးအစီၤပၤဖၤရိၤအမဲာ် ညါဒီး, ကစၢ်ယွၤဟ့ၣ်အီၤတၢ်ပာ်သူၣ်ပာ်သးဒီးတၢ်ကူၣ်သ့ကူၣ် ဘၣ်လၢအထုးန့ၢ်စီၤပၤဖၤရိၤအသးသတးဒီး, စီၤပၤန့ၣ်ဒုးကဲထီၣ်အီၤလၢပဒိၣ်ပၢတၢ်လၢကီၢ်အဲၤကူပတူး အဖီခိၣ်, ဒီးလၢအနူၢ်အစီၤအဖီခိၣ်န့ၣ်လီၤ.

ဖံလံးပံၤ 4:3

ဒီးနဲဒၣ်စ့ၢ်ကီး, ပှၤမၤသကိးတၢ်ဒီးယၤလၢအသးတီ တဂၤဧၢ, ယအဲၣ်ဒိးလၢနကမၤစၢၤပိာ်မုၣ်တဖၣ်အံၤန့ၣ်လီၤ. အဂ့ၢ်ဒ်အံၤ, အဝဲသ့ၣ်မၤသကိးတၢ်ဒီးယၤဆူၣ်ဆူၣ်လၢတၢ်ရၤလီၤတၢ်သးခုကစီၣ် အပူၤ, ဃုာ်ဒီးစီၤကျ့မ့ၤဒီးယပှၤမၤသကိးတၢ်အဂၤတဖၣ်, လၢအမံၤအိၣ်ကွဲးလီၤအသးလၢကစၢ်ယွၤအလံာ်မူအပူၤန့ၣ်လီၤ.

ဧ့ၤဘြံၤ 11:39

တၢ်အံၤမ့ၢ်မးတၢ်ကွဲးနီၣ်တမံၤလၢအဘၣ်ဃးဒီးကယဲၢ် ပှၤတဖၣ်လၢအမၤနၢၤတၢ်န့ၣ်လီၤ. အန့ၣ်ဒၣ်လဲာ်အဝဲသ့ၣ် တဒိးန့ၢ်တၢ်လၢကစၢ်ယွၤအၢၣ်လီၤတ့ၢ်ဝဲန့ၣ်ဘၣ်.