တၢ်ကတိၤဒိ. 21:9 - Sgaw Karen Common Bible

⁹ တၢ်အိၣ်လၢဟံၣ်ခိၣ်ဒုးအဖီခိၣ်န့ၣ်ဂ့ၤဒိၣ်န့ၢ်ဒံးတၢ်အိၣ် သကိးဃုာ်ဒီးမါလၢအအ့န့ပှိၤပှီၢ်တဂၤလၢဟံၣ်ပူၤန့ၣ်လီၤ.

တၢ်ကတိၤဒိ. 21:9 Iomraidhean Croise

တၢ်ကတိၤဒိ. 12:4

မါလၢအဂ့ၤတဂၤန့ၣ်မ့ၢ်အဝၤအလၤကပီၤဒီးတၢ်သးခုလီၤ. မ့မ့ၢ်မါလၢအမၤမဲာ်ဆှးအဝၤန့ၣ်, လီၤဂာ်ဒ်တၢ်ဆါအုၣ်ကျၣ်လၢ အဃံတဖၣ်အပူၤအသိးန့ၣ်လီၤ.

တၢ်ကတိၤဒိ. 15:17

ဂ့ၤတက့ၢ်လၢတၢ်အီၣ်တၢ်ဒိးတၢ်လၣ်တဖၣ်ဃုာ်ဒီးပှၤလၢနအဲၣ်အီၤ တဖၣ်ဒိၣ်န့ၢ်တၢ်အီၣ်တၢ်ဖံးတၢ်ညၣ်အဂ့ၤကတၢၢ်ဖဲတၢ်သးဟ့အိၣ်ဝဲ န့ၣ်လီၤ.

တၢ်ကတိၤဒိ. 17:1

တၢ်အီၣ်ကိၣ်အဃ့တမီလၢအတၢ်ဃူတၢ်ဖိးအပူၤန့ၣ်ဂ့ၤန့ၢ်တၢ်အီၣ် အမူးဖးဒိၣ်လၢဟံၣ်လၢအပှဲၤဒီးတၢ်ကီတၢ်ခဲန့ၣ်လီၤ.

တၢ်ကတိၤဒိ. 19:13

ဖိခွါလၢအဟးဂီၤန့ၣ်ဆှၢအပၢ်ဆူတၢ်ဟးဂီၤသ့လီၤ. ဒီးမါလၢအကဒူးကဒ့ၣ်တၢ်တဂၤန့ၣ်လီၤဂာ်ဒီးမူခိၣ်ထံလၢအလီၤ စီၤစီာ်စီာ်အသိးန့ၣ်လီၤ.

တၢ်ကတိၤဒိ. 21:10

ပှၤတတီတလိၤတဖၣ်သူၣ်ဝံၤသၣ်စ့ၤတၢ်အၢတၢ်သီထီဘိလီၤ. အဝဲသ့ၣ်တအိၣ်ဒီးတၢ်သးကညီၤလၢပှၤနီတဂၤအဖီခိၣ်ဘၣ်.

တၢ်ကတိၤဒိ. 21:19

တၢ်လဲၤအိၣ်လၢပှၢ်မုၢ်ကနၢအပူၤန့ၣ်ဂ့ၤဒိၣ်န့ၢ်ဒံး, တၢ်အိၣ်သကိးဒီးမါလၢအအ့န့ပှိၤပှီၢ်ဒီးကဒူးကဒ့ၣ်တၢ်တဂၤ တက့ၢ်န့ၣ်လီၤ.

တၢ်ကတိၤဒိ. 21:8

ပှၤလၢအတၢ်ကမၣ်အိၣ်တဖၣ်ပိာ်ကျဲလၢအက့ၣ်လီၤ. မ့မ့ၢ်, ပှၤလၢအတၢ်ကမၣ်တအိၣ်တဖၣ်မၤတၢ်လၢအဘၣ်လီၤ.

တၢ်ကတိၤဒိ. 25:24

တၢ်အိၣ်လၢဟံၣ်ခိၣ်ဒုးအဖီခိၣ်န့ၣ်ဂ့ၤဒိၣ်န့ၢ်ဒံးတၢ်အိၣ် သကိးလၢဟံၣ်ပူၤဃုာ်ဒီးမါလၢအအ့န့တဂၤတက့ၢ်န့ၣ်လီၤ.