တၢ်ကတိၤဒိ. 21:7 - Sgaw Karen Common Bible

⁷ ပှၤတတီတလိၤတဖၣ်န့ၣ်ဘၣ်တၢ်စံၣ်ညီၣ်ဃါမနၤလၢ အတၢ်မၤဆူၣ်မၤစိးဒၣ်ဝဲအဃိလီၤ. အဝဲသ့ၣ်ဂ့ၢ်လိာ်လၢ ကမၤတၢ်အဘၣ်လီၤ.

တၢ်ကတိၤဒိ. 21:7 Iomraidhean Croise

စံးထီၣ်ပတြၢၤ 7:16

အတၢ်မၤကီမၤခဲတၢ်ကဘၣ်က့ၤဒၣ်အီၤ ဒီးအတၢ်စုဆူၣ်ခီၣ်တကး ကမၤဘၣ်ဒိက့ၤဒၣ်အီၤန့ၣ်လီၤ.

စံးထီၣ်ပတြၢၤ 9:16

ယွၤဒုးနဲၣ်အသးခီဖျိအတၢ်စံၣ်ညီၣ်အတီအလိၤတဖၣ်, ဒီးပှၤတတီတလိၤတဖၣ်န့ၣ်, ဘၣ်ဘျးလၢပျံၤသကွီၤလၢ အမၤဝဲလၢအစုဒၣ်ဝဲလီၤ. ဟံၣ်ကယိၣ်စ့လၤ

တၢ်ကတိၤဒိ. 10:6

ပှၤအဂ့ၤတဂၤကဒိးန့ၢ်တၢ်ဆိၣ်ဂ့ၤတဖၣ်လီၤ. မ့မ့ၢ်, ပှၤတတီတလိၤတဂၤအတၢ်ကတိၤတဖၣ်ပာ်ခူသူၣ်အတၢ်စုဆူၣ် ခီၣ်တကးအန့ဆၢၣ်တမံၤန့ၣ်လီၤ.

တၢ်ကတိၤဒိ. 21:21

အိၣ်ဒီးတၢ်သူၣ်ကညီၤသးကညီၤဒီးတၢ်သူၣ်လိၤသးဘျၢတက့ၢ်. ဒီးနသးသမူအမုၢ်နံၤကထီဝဲလီၤ. ပှၤဂုၤပှၤဂၤတဖၣ်ကပာ်ကဲ နၤဒီးမၤဘၣ်နၤဂ့ၤဂ့ၤဘၣ်ဘၣ်လီၤ.

လံာ်ယံးရမံယၤ 7:15

ယကနီၣ်ထီၣ်ဟီထီၣ်ကွံာ်သုလၢယမဲာ်ညါဒ်ယနီၣ်ထီၣ်ဟီထီၣ်ကွံာ် သုဘူးသုတံၢ်တဖၣ်လၢအမ့ၢ်အံၣ်စရ့လးအပှၤဂီၢ်မုၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 18:18

ဘၣ်ဆၣ်ဒီးအဝဲအပၢ်တခီန့ၣ်လီတၢ်ဒီးဂုာ်ဆူၣ်တၢ်, ဒီးထီဘိမၤတၢ်အၢတၢ်သီလၢပှၤကိးဂၤဒဲးန့ၣ်လီၤ. လၢတၢ်န့ၣ်အဃိ အဝဲသံဝဲမ့ၢ်လၢတၢ်ဒဲးဘးတဖၣ်လၢအဝဲအကစၢ်ဒၣ်ဝဲမၤတ့ၢ်အီၤ အဃိန့ၣ်လီၤ.

လံာ်ဧၤမိၣ် 5:7

သုဝဲလၢအဘိးကဒါကွံာ်တၢ်တီတၢ်လိၤဆူတၢ်အခၣ်ဒီးတၢၤကွံာ် တၢ်မ့ၢ်တၢ်တီဆူဟီၣ်ခိၣ်လိၤသ့ၣ်ဧၢ, သုဘၣ်တၢ်စံၣ်ညီၣ်ဃၣ်သုလီၤ.

အ့းဖ့းစူး 5:6

တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.