တၢ်ကတိၤဒိ. 21:6 - Sgaw Karen Common Bible

⁶ တၢ်ထူးတၢ်တီၤတဖၣ်လၢနမၤန့ၢ်အီၤလၢတၢ်တတီတလိၤအပူၤန့ၣ် ကဆှၢနၤဆူတၢ်သံအကိာ်ပူၤဒီးတစိၢ်ဖိအတီၢ်ပူၤန့ၣ်အဝဲသ့ၣ် ကလီၤပံာ်ကွံာ်ဝဲလီၤ.

တၢ်ကတိၤဒိ. 21:6 Iomraidhean Croise

တၢ်ကတိၤဒိ. 10:2

တၢ်ထူးတၢ်တီၤလၢနမၤန့ၢ်လၢတၢ်တတီတလိၤအပူၤတမၤဂ့ၤနၤဘၣ်. မ့မ့ၢ်တၢ်တီတၢ်လိၤန့ၣ်, ကမၤပူၤဖျဲးနသးသမူလီၤ.

တၢ်ကတိၤဒိ. 13:11

တၢ်ထူးတၢ်တီၤလၢနမၤန့ၢ်အီၤညီညီန့ၣ်, ကလီၤမၢ်ကွံာ်န့ၢ်နၤချ့ သဒံးလီၤ. မ့မ့ၢ်နမၤန့ၢ်အီၤဒံးကီဒံးခဲဒီး, နတၢ်ကအိၣ်ဒံးအါန့ၣ်လီၤ.

တၢ်ကတိၤဒိ. 20:14

ပှၤပှ့ၤတၢ်ကဒူးကဒ့ၣ်ဝဲထီဘိလၢတၢ်အပှ့ၤဒိၣ်ကဲၣ်ဆိးအဃိ, ဝံၤဟးထီၣ်ဝဲလၢတၢ်ပာ်ကဖၢလၢအသးလၢတၢ်လၢမၤန့ၢ်ဝဲန့ၣ် အပှ့ၤဘၣ်အဃိလီၤ.

တၢ်ကတိၤဒိ. 20:21

နမၤန့ၢ်နတၢ်ထူးတၢ်တီၤဒံးညီ, အတၢ်မၤဂ့ၤနၤကဒံးစှၤဝဲလီၤ.

တၢ်ကတိၤဒိ. 22:8

နမ့ၢ်သူၣ်လီၤဖျးလီၤတၢ်စံၣ်ညီၣ်တတီအချံတဖၣ်ဒီးတၢ်နးတၢ် ဖှီၣ်ကမဲထီၣ်ဒိးထီၣ်ဝဲ, ဒီးနတၢ်မၤနးမၤဖှီၣ်ပှၤအဂၤတဖၣ်ကလီၤဘၣ်က့ၤလၢနဖီခိၣ်လီၤ.

တၢ်ကတိၤဒိ. 30:8

တြီယၤလၢတၢ်လီတၢ်ဝ့ၤတက့ၢ်. ဒီးပျဲလၢယကထူးတီၤမ့ၢ်ဂ့ၤ, ယကဖှီၣ်ယာ်မ့ၢ်ဂ့ၤန့ၣ်တဂ့ၤ. အဃိဒီး, ဟ့ၣ်လီၤယၤတၢ်အီၣ်ထဲဒၣ်လၢယလိၣ်ဘၣ်အီၤအဂီၢ်န့ၣ်တက့ၢ်.

တၢ်ကတိၤဒိ. 8:36

ပှၤလၢအတထံၣ်န့ၢ်ယၤန့ၣ်, မၤဆါလီၤဒၣ်အသးဒၣ်ဝဲန့ၣ်လီၤ. ပှၤတဂၤလၢ်လၢ်လၢအသးဟ့ယၤန့ၣ်, အဲၣ်တၢ်သံလီၤ.”

လံာ်ယံးရမံယၤ 17:11

ပှၤတဂၤလၢအမၤန့ၢ်စ့လၢတၢ်တတီတလိၤအပူၤန့ၣ်, လီၤဂာ်ဒ်ထိၣ်တဘ့ၣ်လၢအဟုဒံၣ်တဖၣ်လၢ အဝဲတဒံၣ်လီၤဝဲဘၣ်အသိးန့ၣ်လီၤ. လၢတၢ်အိၣ်မူအသးအနံၣ်အလါအဂ့ၤကတၢၢ်အကတီၢ်န့ၣ်, အတၢ်ထူးတၢ်တီၤတဖၣ်ကလီၤမၢ်န့ၢ်အီၤဒီးလၢအကတၢၢ်န့ၣ် အဝဲတမ့ၢ်တၢ်နီတမံၤလၢၤဘၣ်, ဒီးမ့ၢ်ဒၣ်ပှၤဟးဂီၤဖိတဂၤန့ၣ်လီၤ.

လံာ်ယဃ့းစက့လး 18:31

စူးကွံာ်ညိကွံာ်ကယဲၢ်တၢ်အၢတၢ်သီခဲလၢာ်လၢသုမၤတ့ၢ်အီၤ ဒီးမၤန့ၢ်က့ၤတၢ်ပာ်သူၣ်ပာ်သးအသီတဖၣ်ဒီးသးအသီတဖၣ်လၢသု ကစၢ်ဒၣ်သုဝဲတက့ၢ်. ဘၣ်မနုၤအဃိသုဝဲပှၤအံၣ်စရ့လးဖိတဖၣ်အဲၣ်ဒိးသံန့ၣ်လဲၣ်.”

တံတူး 1:11

အလီၢ်အိၣ်လၢပကဘၣ်ဆိကတီၢ်အဝဲသ့ၣ်အတၢ်ကတိၤ, မ့ၢ်လၢအမၤကဒံကဒါဒူၣ်ဖိထၢဖိတဖၣ်ဒီဒူၣ်ဒီထၢခီဖျိတၢ် သိၣ်လိတၢ်လၢအတကြၢးသိၣ်လိဝဲတဖၣ်, ဒီးခဲလၢာ်မ့ၢ်ဒၣ်လၢတၢ်တိာ်လၢအလီၤမဲာ်ဆှးလၢအမ့ၢ် တၢ်မၤန့ၢ်စ့အဂီၢ်န့ၣ်လီၤ.

၂ ပ့းတရူး 2:3

ဒီးလၢအတၢ်သူၣ်လီသးကွံဒိၣ်အပူၤ, သရၣ်အဘျၣ် တဖၣ်အံၤကဃုအဘျုးလၢသုဖီခိၣ်ခီဖျိအစံးဘၣ်တဲဘၣ် သုပူလၢပှၤကညီဒုးကဲထီၣ်အီၤတဖၣ်လီၤ. အဝဲသ့ၣ်အပှၤစံၣ်ညီၣ်ကွီၢ်အိၣ်ကတဲာ်ကတီၤအသးယံာ် တ့ၢ်လံ, ဒီးပှၤလၢအကမၤဟးဂီၤအီၤတဂၤန့ၣ်တမံသပ့ၤ ဝဲဘၣ်.