တၢ်ကတိၤဒိ. 21:4 - Sgaw Karen Common Bible

⁴ ပှၤတတီတလိၤတဖၣ်န့ၣ်ဘၣ်တၢ်ပၢအီၤလၢအတၢ်ပာ်ထီၣ်ထီအသးဒီးပာ် ကဖၢလၢအသး, ဒီးတၢ်န့ၣ်မ့ၢ်တၢ်ဒဲးဘးလီၤ.

တၢ်ကတိၤဒိ. 21:4 Iomraidhean Croise

လံာ်စီၤယိၤဘး 18:5

မ့ၢ်မးပှၤတတီတလိၤဘၣ်အတၢ်ကပီၤန့ၣ်တၢ်ကမၤလီၤပံာ်ဒံးဒၣ် အီၤ, ဒီးအမ့ၣ်အူလၣ်တကဲၤကပီၤကဒီးလၢၤဘၣ်.

လံာ်စီၤယိၤဘး 18:6

မ့ၣ်အူဒၢလၢအဝဲအဒဲပူၤကလီၤပံာ်ကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 10:4

လၢအတၢ်ပာ်အသးထီၣ်ထီအပူၤန့ၣ်ပှၤတတီတလိၤ, အသးတအိၣ်ဃုယွၤဘၣ်. လၢအတၢ်ဆိကမိၣ်ခဲလၢာ်အပူၤန့ၣ်, “ကစၢ်ယွၤတအိၣ်ဘၣ်.”

စံးထီၣ်ပတြၢၤ 101:5

ပှၤလၢအခဲၣ်သူခဲၣ်ဂီၤပှၤအိၣ်လၢအဃၢၤန့ၣ် ယကမၤဟးဂီၤကွံာ်အီၤလီၤ. ပှၤလၢအပာ်ထီၣ်ထီအသးဒီးပာ်ကဖၢလၢအသးန့ၣ်, ယတပျဲပူၤအီၤနီတဂၤဘၣ်

စံးထီၣ်ပတြၢၤ 131:1

ယွၤဧၢ, ယညိကွံာ်ယတၢ်ပာ်ထီၣ်ထီသးဒီး ဃၣ်ကွံာ်ယသးလၢ တၢ်ပာ်ကဖၢလၢယသးန့ၣ်လံ. ယတသးအိၣ်တၢ်ဂ့ၢ်အဒိၣ်အမုၢ်တဖၣ် မ့တမ့ၢ် တၢ်ဂ့ၢ်တၢ်ကျိၤတဖၣ်လၢ အကီ ကဲာ်ဆိးလၢယဂီၢ်န့ၣ်ဘၣ်.

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

တၢ်ကတိၤဒိ. 21:27

ယွၤသးဘၣ်အၢပှၤတတီတလိၤတဖၣ်အတၢ်လုၢ်ထီၣ်အီၤတၢ်လုၢ်တၢ်ပာ်တ ဖၣ်, ဒီးလီၤဆီဒၣ်တၢ်ဖဲအဝဲသ့ၣ်မၤအီၤလၢလၢတၢ်တိာ်သူၣ်ပာ်သး အအၢအသီလၢအမၢန့ၢ်ဆီၣ်ခံအီၤတဖၣ်အပူၤအခါန့ၣ်လီၤ.

တၢ်ကတိၤဒိ. 24:20

ပှၤအၢပှၤသီတဂၤအတၢ်မုၢ်လၢ်လၢခါဆူညါအဂီၢ်တအိၣ်ဘၣ်. ကကွၢ်စိဃီၤတၢ်ဆူညါအဂီၢ်, တၢ်တအိၣ်ဘၣ်နီတမံၤဘၣ်.

တၢ်ကတိၤဒိ. 30:13

ပှၤအိၣ်ဝဲတကလုာ်လၢအဆိကမိၣ်လီၤအသးလၢအဂ့ၤဒိၣ်မးန့ၣ်လီၤ. အိ, မ့ၢ်အဆိကမိၣ်လီၤအသးလၢအဂ့ၤဆံးဒိၣ်ဆံးအါန့ၣ်လဲၣ်.

တၢ်ကတိၤဒိ. 6:16

တၢ်အိၣ်ဝဲဒၣ်နွံမံၤလၢယွၤသးဟ့ဒီးသးဘၣ်အၢအီၤန့ၣ်လီၤ.

တၢ်ကတိၤဒိ. 6:17

မဲာ်ကွၢ်တၢ်အိၣ်ဒီးတၢ်ပာ်ထီၣ်ထီသး, ပျ့ၤလၢအလီတၢ်, စုလၢအမၤသံပှၤလၢအတၢ်ကမၣ်တအိၣ်,

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယၡါယၤ 10:12

ဒီးယွၤစံးဝဲဒၣ်, “ဖဲယမၤတၢ်လၢယကမၤအီၤလၢ ကစၢၢ်စံယိၣ်ဒီးလၢဝ့ၢ်ယရူၤရှလ့ၣ်အပူၤဝံၤလံန့ၣ်, ယကစံၣ်ညီၣ်ကီၢ်အၤၡူၢ်အစီၤပၤဖးဒိၣ်လၢအတၢ်ကတိၤဒိၣ်ကတိၤသွါ တၢ်ဒီးလၢအတၢ်ပာ်ထီၣ်ထီသးအဃိလီၤ.”

လံာ်ယၡါယၤ 2:11

မုၢ်တနံၤကဟဲဝဲဖဲပှၤကညီအတၢ်ပာ်ထီၣ်ထီသးကဘၣ်တၢ်မၤ ကတၢၢ်ကွံာ်အီၤဒီးပှၤကညီအတၢ်ပာ်ကဖိအသးကဟးဂီၤကွံာ်ဝဲလီၤ. အန့ၣ်ဒီးထဲယွၤတဂၤဧိၤကဘၣ်တၢ်ပာ်ထီၣ်ထီအီၤန့ၣ်လီၤ.

လံာ်ယၡါယၤ 2:17

ပှၤကညီအတၢ်ပာ်ထီၣ်ထီအသးန့ၣ်ကဘၣ်တၢ်မၤကတၢၢ် ကွံာ်အီၤဒီးပှၤကညီအတၢ်ပာ်ကဖိအသးန့ၣ်ကဘၣ်တၢ်မၤဟး ဂီၤကွံာ်အီၤလီၤ.

လံာ်ယၡါယၤ 3:16

ယွၤစံးဝဲဒၣ်, “ကွၢ်, ပိာ်မုၣ်လၢယရူၤရှလ့ၣ် တဖၣ်ပာ်ထီၣ်ထီအသးထဲလဲၣ်. အဝဲသ့ၣ်လဲၤတၢ်အနါစ့ၤ တဖၣ်အိၣ်လၢကလံၤကျါလီၤ. အဝဲသ့ၣ်မၤလီၤအဲၣ်အသး ဒ်သိးကလွဲန့ၢ်တၢ်ထီဘိလီၤ. လဲၤတၢ်လၢခီၣ်ခါဃံလၤဖိတ ဖၣ်ဒီးခီၣ်ကျီၤလၢအခီၣ်ဒ့တဖၣ်အလိၤသီၣ်ကြ့ကြိၣ်လီၤ.

လံာ်လူၤကၣ် 11:34

သုမဲာ်ချံတဖၣ်မၤအသးဒ်မ့ၣ်အူဒၢတဖျၢၣ်လၢသုနီၢ်ခိအဂီၢ်လီၤ. ဖဲနမဲာ်ဆးအဆၢကတီၢ်န့ၣ်, နနီၢ်ခိဒီဂၤညါလၢပှဲၤဒီးတၢ်ကပီၤလီၤ. မ့မ့ၢ်ဖဲနမဲာ်ယုာ်န့ၣ်, နနီၢ်ခိဒီဂၤညါကအိၣ်လၢတၢ်ခံးတၢ်နၤအပူၤလီၤ.

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

ရိမ့ၤ 14:23

ဘၣ်ဆၣ်ဒီး ပှၤတဂၤလၢအအီၣ်တၢ်လၢတၢ်သးဒ့ဒီအပူၤ န့ၣ်ကစၢ်ယွၤစံၣ်ညီၣ်အီၤဖဲအအီၣ်တၢ်အခါန့ၣ်လီၤ. အဂ့ၢ်ဒ်အံၤတၢ်မၤန့ၣ်တသန့ၤထီၣ်အသးလၢတၢ်နာ်အလိၤဘၣ်. ဒီးတၢ်တမံၤဂ့ၤတမံၤဂ့ၤလၢအတသန့ၤထီၣ်အသးလၢတၢ်နာ် န့ၣ်မ့ၢ်တၢ်ဒဲးဘးလီၤ.

၁ ပ့းတရူး 5:5

လၢကျဲဒ်န့ၣ်အသိး, သုဝဲလၢအသးစၢ်တဖၣ်သုကဘၣ်ဆီၣ်လီၤသုသးလၢပှၤ သးပှၢ်သ့ၣ်တဖၣ်အဖီလာ်န့ၣ်လီၤ. ဒီးသုဝဲသ့ၣ်ခဲလၢာ်သုကဘၣ်ကူထီၣ်သိးထီၣ်တၢ်ဆီၣ်လီၤသး အဆ့ကၤလၢသုကမၤစၢၤလိာ်သုသးတဂၤဒီးတဂၤအဂီၢ် န့ၣ်လီၤ. အဂ့ၢ်ဒ်အံၤ, တၢ်ကွဲးအသးစံးဝဲ, “ကစၢ်ယွၤထီဒါ ပှၤပာ်ထီၣ်ထီအသး, ဘၣ်ဆၣ်ဟ့ၣ်လီၤတၢ်ဘျုးတၢ်ဖှိၣ်လၢပှၤလၢအဆီၣ်လီၤအသး တဖၣ်န့ၣ်လီၤ” (ကူၣ်သ့ ၃:၃၄),