တၢ်ကတိၤဒိ. 21:30 - Sgaw Karen Common Bible

³⁰ ယွၤမ့ၢ်ထီဒါနၤဒီး, ပှၤကညီအတၢ်ကူၣ်သ့, အတၢ်သ့တုာ်, အတၢ်ထံၣ်တၢ်လၢသးတဖၣ်ကဲထီၣ်တၢ်မၤစၢၤတသ့ဘၣ်နီ တမံၤဘၣ်.

တၢ်ကတိၤဒိ. 21:30 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 11:9

ဘၣ်ဆၣ်ဒီးစီၤအူၤရံယၤတက့ၤဆူအဟံၣ်ဘၣ်. အခိၣ်တလိာ်အဝဲမံသကိးဖဲစီၤပၤအနီအကျဲစၢၤဒီးစီၤပၤအပှၤပၢၤတၢ်တဖၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 14:6

ဘၣ်ဆၣ်ဖဲစီၤအဃံယၤနၢ်ဟူအဝဲဟဲနုာ်လၢတြဲၤန့ၣ်, အဝဲစံးဝဲ, “ဟဲနုာ်တက့ၢ်. ယသ့ၣ်ညါလၢနမ့ၢ်စီၤယၤရၤဘၣ်အမါန့ၣ်လီၤ. ဘၣ်မနုၤလၢနပာ်မၤနသးဒ်နမ့ၢ်ပှၤအဂၤတဂၤန့ၣ်လဲၣ်. ယအိၣ်ဒီးတၢ်ကစီၣ်အအၢလၢနဂီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 6:12

ပှၤလၢအဝဲသ့ၣ်အကျါတဂၤစံးဆၢဝဲဒၣ်, “တၢ်ဒိၣ်ကစၢ်စီၤပၤ ဧၢ, ပှၤတအိၣ်လၢကီၢ်အံၣ်စရ့လးအစီၤပၤအအိၣ်တကပၤနီတဂၤဘၣ်. တၢ်လၢနစံးအီၤလၢဒၢးပူၤလၢတၢ်ခူသူၣ်ဒၣ်လဲာ်န့ၣ်ဝံအလံၤၡါ တဲဘၣ်ကီၢ်အံၣ်စရ့လးအစီၤပၤန့ၣ်လီၤ.”

လံာ်စီၤယိၤဘး 41:2

နတုၢ်အနါဒ့လၢပျံၤတဘိမ့ၢ်ဂ့ၤ, ဘျးအခၣ်လၢနီၣ်ကွးမ့ၢ်ဂ့ၤ ဘၣ်ကသ့ဧါ.

တၢ်ကတိၤဒိ. 19:21

ပှၤကတိာ်ကကျဲၤကယဲၢ်တၢ်ကိးအကလုာ်ဒဲးဘၣ်ဆၣ်ဒီးယွၤအတၢ်ဘၣ် အသးန့ၣ်ကကဲထီၣ်လိၣ်ထီၣ်ဝဲဒၣ်လီၤ.

လံာ်ပှၤစံၣ်တဲၤတဲလီၤတၢ် 6:10

တၢ်ခဲလၢာ်လၢအမၤအသးန့ၣ်တၢ်ကူၣ်ပာ်တ့ၢ်အီၤယံာ်လံ, ဒီးပဝဲခဲလၢာ်ပသ့ၣ်ညါလၢပှၤတဂၤဂၤဂ့ၢ်လိာ်ဘှီလိာ်တၢ်ဒီး ပှၤလၢအဆူၣ်န့ၣ်ဒံးအီၤတဂၤတသ့ဘၣ်န့ၣ်လီၤ.

လံာ်ယၡါယၤ 14:27

ယွၤသ့တၢ်လၢာ်ကစၢ်ပာ်လီၤတ့ၢ်အသးလၢကမၤတၢ်အံၤလီၤ. အဝဲယူာ်ထီၣ်အစုလၢကစံၣ်ညီၣ်တၢ်အဂီၢ်ဒီးပှၤထုးက့ၤအီၤ တန့ၢ်ဘၣ်နီတဂၤဘၣ်.

လံာ်ယၡါယၤ 36:5

အဝဲသံကွၢ်ဝဲ, “မ့ၢ်သုဆိကမိၣ်လၢတၢ်ကတိၤတဖၣ်ဟံးန့ၢ်သုး မုၢ်အတၢ်သ့တၢ်ဘၣ်ဒီးအဂံၢ်အဘါအသဟီၣ်အလီၢ်န့ၣ်ကသ့ဧါ. သုဆိကမိၣ်မတၤကမၤစၢၤသုလၢသုတၢ်ပူထီၣ်ထီဒါကီၢ် အၤၡူၢ်န့ၣ်လဲၣ်.

လံာ်ယၡါယၤ 45:9

သပၢၤဟီၣ်ခိၣ်တဖျၢၣ်ကတိၤဂ့ၢ်လိာ်တၢ်ဒီးပှၤလၢအတ့ အီၤဘၣ်ကဘူၣ်ဧါ. မ့ၢ်ဒၣ်သပၢၤတဖျၢၣ်လၢအလီၤဂာ်ဒီးသပၢၤအဂၤတဖၣ်ခဲလၢာ်လီၤ. ကပံာ်ဟီၣ်ခိၣ်သံကွၢ်ပှၤတ့သပၢၤလၢအမၤတၢ်မနုၤလဲၣ်န့ၣ်စ့ၢ် ကီးဧါ. သပၢၤဟီၣ်ခိၣ်ကဒူးကဒ့ၣ်တၢ်လၢပှၤလၢအတ့အီၤအတၢ်သ့ တၢ်ဘၣ်တအိၣ်ဘၣ်န့ၣ်ဧါ.

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

လံာ်ယိၤနါ 1:13

ဘၣ်ဆၣ်ဒီးပှၤကဘီဖိတဖၣ်န့ၣ်ကၢၢ်တၢ်ဆူၣ်ဆူၣ် ကလဲာ်ဒ်သိးကတုၤဆူထံကၢၢ်နံၤန့ၣ်, သနာ်က့, မ့ၢ်လၢပီၣ်လဲၣ်လပီစံၣ်စုးဒီးကလံၤမုၢ်တွၤအိၣ်ထီဒါ အဝဲသ့ၣ်အဃိမၤဝဲတန့ၢ်ဘၣ်.

မၤတၢ် 5:38

လၢတၢ်န့ၣ်အဃိ, ဘၣ်ဃးဒီးတၢ်ဂ့ၢ်ကဲထီၣ်အသးခဲကနံၣ်အံၤန့ၣ်, ယအဲၣ်ဒိးစံးဘၣ်သုဒ်သိးအံၤလီၤ. တဘၣ်မၤအဝဲသ့ၣ်လၢတၢ်နီတမံၤ တဂ့ၤ. ပျဲအဝဲသ့ၣ်အိၣ်ဒၣ်အတၢ်တက့ၢ်. အဂ့ၢ်ဒ်လဲၣ်န့ၣ်, အဝဲသ့ၣ်အတၢ်ကူၣ်တၢ်ဖး, အတၢ်ဖံးတၢ်မၤမ့မ့ၢ်တၢ်ဟဲလၢပှၤကညီဒီး, ကဟးဂီၤကွံာ်ဝဲဒၣ်လီၤ.

မၤတၢ် 5:39

ဘၣ်ဆၣ်ဒီး, မ့မ့ၢ်တၢ်ဟဲလၢကစၢ်ယွၤဒီး, သုမၤနၢၤမၤဃၣ်ကွံာ်အဝဲသ့ၣ်တမ့ၢ်လၢအကသ့ဘၣ်. သုကထံၣ်ဒၣ်လဲာ်လၢသုထီဒါဘၣ်ကစၢ်ယွၤန့ၣ်လီၤ.” ကီၣ်ကးတဖုန့ၣ်မၤဝဲဒ်စီၤကမၤလ့လးဟ့ၣ်ကူၣ်ဟ့ၣ်ဖးဝဲ အသိးန့ၣ်လီၤ.

လံာ်စီၤယိၤၡူ 2:2

ဝ့ၢ်ယရံၤဃိအစီၤပၤနၢ်ဟူဝဲလၢပှၤအံၣ်စရ့လးဖိတနီၤဟဲဝဲလၢမုၢ်နၤအံၤ လၢအကကွၢ်ဟုၣ်ကွၢ်စုးထံကီၢ်,

၁ ပ့းတရူး 2:8

ဒီးတၢ်ကွဲးအသးအဂၤတတီၤစံးဝဲ, “လၢၢ်အံၤကမ့ၢ်လၢၢ်လၢကမၤဘၣ်တိၢ်ပှၤအခီၣ်, လၢၢ်လၢကဒုးလီၤဃံၤပှၤန့ၣ်လီၤ.” အဝဲသ့ၣ်အခီၣ်ဘၣ်တိၢ်မ့ၢ်လၢအဝဲသ့ၣ်တနာ်တၢ်ကလုၢ် အဃိလီၤ. တၢ်ဒ်အံၤမ့ၢ်ကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်လီၤ.