တၢ်ကတိၤဒိ. 21:3 - Sgaw Karen Common Bible

³ မၤတၢ်လၢအဘၣ်ဒီးတဖုၣ်ထံၣ်ဖုၣ်ထီဘၣ်န့ၣ်တက့ၢ်. တၢ်န့ၣ်မ့ၢ်တၢ်လၢအဘၣ်ယွၤအသးဒိၣ်န့ၢ်အါန့ၢ်ဒံးတၢ်ဟဲ စိာ်န့ၢ်အီၤတၢ်လုၢ်တၢ်ပာ်တဖၣ်န့ၣ်လီၤ.

တၢ်ကတိၤဒိ. 21:3 Iomraidhean Croise

စံးထီၣ်ပတြၢၤ 40:7

လၢတၢ်န့ၣ်အဃိယစံးဆၢယဲ, ‘‘ယအိၣ်ဖဲအံၤလီၤ. နတၢ်သိၣ်လိသီလိလၢယဂီၢ်တဖၣ်အိၣ်ကွဲးအသး လၢလံာ်တၢ်သိၣ်တၢ်သီအပူၤလီၤ.

စံးထီၣ်ပတြၢၤ 50:8

ယတသိၣ်ဃီၣ်နၤလၢ နတၢ်လုၢ်တဖၣ် မ့တမ့ၢ်နတၢ်လုၢ်မ့ၣ်အူတဖၣ်လၢ အအိၣ်လၢယမဲာ်ညါတထံၣ်ဃီအဃိန့ၣ်ဘၣ်

တၢ်ကတိၤဒိ. 15:8

ဖဲပှၤအဂ့ၤတဖၣ်ဘါထုကဖၣ်တၢ်န့ၣ်ယွၤသးခုဝဲလီၤ. မ့မ့ၢ်ပှၤအၢပှၤသီတဖၣ်အတၢ်လုၢ်တၢ်ပာ်တဖၣ်လၢအဟဲစိာ်ဝဲန့ၣ်, ယွၤသးဟ့အီၤလီၤ.

လံာ်ဟိၤၡ့ 6:6

ယသးလီသုတၢ်အဲၣ်လၢအအိၣ်စံၣ်အိၣ်ကျၢၤ. တမ့ၢ်ဘၣ်သုဆၣ်ဖိကီၢ်ဖိအတၢ်လုၢ်တၢ်ပာ်တဖၣ်ဘၣ်. ယအဲၣ်ဒိးယပှၤဂီၢ်မုၢ်သ့ၣ်ညါယၤအါန့ၢ်ဒံးတၢ်ဆိၣ်ကဲၤတၢ်လုၢ် တၢ်ပာ်တဖၣ်ဆူယအိၣ်တက့ၢ်န့ၣ်လီၤ.

လံာ်စကၤရယၤ 7:9

“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ.

လံာ်မၢ်ကူး 12:33

ပှၤကညီတဂၤမ့ၢ်အဲၣ်ကစၢ်ယွၤလၢအသးဒီဖျၢၣ်ညါ, လၢအတၢ်ကူၣ်တၢ်ဆးတုၤအလၢာ်, ဒီးလၢအတၢ်ဂံၢ်တၢ်ဘါခဲလၢာ်, ဒီးမ့ၢ်အဲၣ်ပှၤကညီကဒဲကဒဲဒီးအီၤဒ်အအဲၣ်လီၤအသးဒၣ်ဝဲန့ၣ်, မ့ၢ်တၢ်အဂ့ၤဒိၣ်န့ၢ်ဒံးတၢ်လုၢ်မ့ၣ်အူလၢအမ့ၢ်တၢ်လုၢ်ဆၣ်ဖိကီၢ်ဖိဒီဒု, ဒီးတၢ်လုၢ်အဂၤတဖၣ်ခဲလၢာ်တက့ၢ်လီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.