တၢ်ကတိၤဒိ. 21:24 - Sgaw Karen Common Bible

²⁴ ဒုးနဲၣ်ယၤပှၤလၢအပာ်ထီၣ်ထီအသးတဂၤန့ၣ်တက့ၢ်, ဒီးယကဒုးနဲၣ်နၤပှၤတဂၤလၢအပာ်အသးကဖိလိ, ပာ်ထီၣ်ထီအသးဒီးတကွၢ်ဆိကမိၣ်တၢ်လၢပှၤဂၤနီတဂၤအဂီၢ်န့ၣ် လီၤ.

တၢ်ကတိၤဒိ. 21:24 Iomraidhean Croise

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

တၢ်ကတိၤဒိ. 1:22

“ပှၤဟးဂီၤဖိသ့ၣ်ဧၢ, မ့ၢ်သုအဲၣ်ဒိးဟးဂီၤဒံးဆံးယံာ်လဲၣ်. သုကမုာ်လၤသးခုလၢတၢ်မၤတရီတပါတၢ်သ့ၣ်ညါဆံးယံာ်လဲၣ်. မ့ၢ်သုတမၤလိလၢၤတၢ်နီတစုဘၣ်ဧါ.

တၢ်ကတိၤဒိ. 16:18

တၢ်ပာ်ထီၣ်ထီသးန့ၣ်ဆှၢပှၤဆူတၢ်ဟးဂီၤ, ဒီးတၢ်ပာ်ကဖိသးန့ၣ်ဆူတၢ်လီၤပှီၢ်လီၤ.

တၢ်ကတိၤဒိ. 18:12

တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.

တၢ်ကတိၤဒိ. 19:29

ပှၤဟးဂီၤဖိလၢအပာ်ထီၣ်ထီအသးတဂၤန့ၣ်ကဒိးန့ၢ်နီၣ်တီၢ်တဘီ သပှၢ်တၢၢ်လီၤ.

တၢ်ကတိၤဒိ. 24:9

ပှၤဟးဂီၤဖိတဂၤအတၢ်ဆိကမိၣ်ထီၣ်တၢ်ကူၣ်ကျဲၤတမံၤဂ့ၤတမံၤ ဂ့ၤန့ၣ်မ့ၢ်တၢ်ဒဲးဘးလီၤ. ပှၤဂီၢ်မုၢ်သးဟ့ပှၤတဂၤလၢအအိၣ်ဒၣ်ထဲ တၢ်သးဘၣ်အၢဒီးတၢ်တပာ်ကဲပှၤဂၤတဖၣ်ဘၣ်န့ၣ်လီၤ.

တၢ်ကတိၤဒိ. 3:34

အဝဲဒုၣ်ဒွဲၣ်ပှၤဒုၣ်ဒွဲၣ်တၢ်တဖၣ်ဒီးဒုးနဲၣ်ဖျါထီၣ်အဘျုး အဖှိၣ်လၢပှၤဆီၣ်လီၤအသးတဖၣ်န့ၣ်လီၤ.

တၢ်ကတိၤဒိ. 6:17

မဲာ်ကွၢ်တၢ်အိၣ်ဒီးတၢ်ပာ်ထီၣ်ထီသး, ပျ့ၤလၢအလီတၢ်, စုလၢအမၤသံပှၤလၢအတၢ်ကမၣ်တအိၣ်,

လံာ်ယၡါယၤ 16:6

ပှၤယူဒၤဖိတဖၣ်စံးဝဲ, “ပနၢ်ဟူတ့ၢ်ပှၤမိၤအးဖိတဖၣ်ပာ် ထီၣ်ထီအသးထဲလဲၣ်လီၤ. ပသ့ၣ်ညါလၢအဝဲသ့ၣ်ပာ်ကဖၢလၢအ သးဒီးပာ်ထီၣ်ထီအသးလီၤ. ဘၣ်ဆၣ်ဒီး, အတၢ်ကတိၤ ဒိၣ်အကိာ်တဖၣ်န့ၣ်မ့ၢ်တၢ်အိၣ်ကလီလီၤ.”

လံာ်ယၡါယၤ 29:20

ကမ့ၢ်တၢ်အကတၢၢ်လၢပှၤတဖၣ်လၢအမၤအၢမၤနးပှၤဂၤဒီး ဒုးနဲၣ်အတၢ်သးဘၣ်အၢကစၢ်ယွၤ, အဂီၢ်န့ၣ်လီၤ. ပှၤဒဲးဘးဖိကိးဂၤဒဲးကဘၣ်တၢ်မၤဟးဂီၤအီၤလီၤ.

လံာ်ယံးရမံယၤ 48:29

ကီၢ်မိၤအးပာ်ထီၣ်ထီအသးဒိၣ်မးလီၤ. ယနၢ်ဟူတ့ၢ်လၢ အပာ်ထီၣ်ထီအသးထဲလဲၣ်, ဒီးပာ်အသးကဖိလိ, ဒီးအပှၤဂီၢ်မုၢ်မ့ၢ်ပှၤတဖၣ်လၢအပာ်ကဖၢလၢအသးထဲလဲၣ်ဒီး ဆိကမိၣ်ဒိၣ်လီၤ အသးထဲလဲၣ်န့ၣ်လီၤ.

လံာ်ဃဘးကူာ် 2:5

တၢ်ထူးတၢ်တီၤန့ၣ်ပှဲၤဒီးတၢ်လီတၢ်ဝ့ၤလီၤ. ပှၤသူၣ်လီသးကွံတၢ်တဖၣ်န့ၣ်အသးထီၣ်ထီ ဒီးတအိၣ်ဘၣ်ဒီးသးအတၢ်ဃူတၢ်ဖိးဘၣ်. ဒီးဒ်တၢ်သံအသိး, အတၢ်သူၣ်မံသးမံတအိၣ်နီတဘျီဘၣ်. တၢ်န့ၣ်မ့ၢ်တၢ်ဂ့ၢ်လၢအဝဲသ့ၣ်မၤနၢၤပှၤကလုာ်တကလုာ် ဝံၤတကလုာ်လၢအဂီၢ်န့ၣ်လီၤ.

လံာ်မးသဲ 2:16

တုၤစီၤပၤဟ့ၤရိာ်သ့ၣ်ညါလၢပှၤ ကူၣ်ဘၣ်ကူၣ်သ့လၢကီၢ်မုၢ်ထီၣ်တဖၣ်လီန့ၢ်အီၤလံဒီး, အသးဒိၣ်ထီၣ်ဒိၣ်ဒိၣ်ကလဲာ်ဒီးမၢလီၤပှၤဒ်သိးအကလဲၤမၤသံဖိ သၣ်ပိာ်ခွါလၢအသးအိၣ်ခံနံၣ်ဒီးခံနံၣ်အဖီလာ်ခဲလၢာ်လၢ အအိၣ်လၢဝ့ၢ်ဘ့ၤသလ့ဃ့ၣ်ဒီးအခိၣ်အဃၢၤတဖၣ်လီၤ. အဝဲမၤတၢ်အံၤဒ်ပှၤကူၣ်ဘၣ်ကူၣ်သ့တဖၣ်အတၢ်ဒုးသ့ၣ်ညါအီၤဘၣ် ဃးဆၣ်အတၢ်ဟဲအိၣ်ဖျါထီၣ်အဆၢကတီၢ်အသိးန့ၣ်လီၤ.