တၢ်ကတိၤဒိ. 21:14 - Sgaw Karen Common Bible

¹⁴ ပှၤတဂၤဂၤမ့ၢ်သးဒိၣ်ဘၣ်နၤဒီး, တၢ်ဟ့ၣ်ဖိတမံၤလၢတၢ်ခူသူၣ် အပူၤန့ၣ်, ကမၤသးခုၣ်လီၤအသးန့ၣ်လီၤ.

တၢ်ကတိၤဒိ. 21:14 Iomraidhean Croise

လံာ်တၢ်ကဲထီၣ်အခီၣ်ထံး 32:20

သုကဘၣ်စံး, ‘အၢၣ်, နခ့နပှၤစီၤယၤကိာ်ဟဲလၢပလီၢ်ခံ ဖိအံၤလီၤ.’ ” ဒီးစီၤယၤကိာ်ဆိကမိၣ်ဝဲဒၣ်လၢ, “ယကမၤန့ၢ်စီၤဧ့ၡီၤအတၢ်ဘၣ်သူၣ်ဘၣ်သးယၤခီဖျိတၢ်ဟ့ၣ် ကနၢၤတဖၣ်အံၤဒီးဖဲယထံၣ်အီၤန့ၣ်ဘၣ်သ့ၣ်သ့ၣ်အဝဲကပျၢ်ယတၢ်ကမၣ် န့ၣ်လီၤ.”

လံာ်တၢ်ကဲထီၣ်အခီၣ်ထံး 43:11

အဝဲသ့ၣ်အပၢ်စံးဘၣ်အီၤ, “မ့ကဘၣ်မ့ၢ်ဒ်န့ၣ်အဃိဒီး, ဟံးန့ၢ်ကီၢ်အတၢ်ဟးထီၣ်အဂ့ၤကတၢၢ်တဖၣ်ဒ်သ့ၣ်စရံၤအထုးတစဲး, ကနဲစီတစဲး, တၢ်နၢမူနၢဆှီတဖၣ်, သ့အီၣ်ဘိတၣ်အ သၣ်တဖၣ်ဒီးသ့ၣ်ၡီးက့းအသၣ်တဖၣ်လၢသုထၢၣ်တဖၣ်အပူၤဒ်တၢ်ဟ့ၣ် ကနၢၤလၢပဒိၣ်ဖးဒိၣ်အဂီၢ်တက့ၢ်.

တၢ်ကတိၤဒိ. 17:23

စံၣ်ညီၣ်ကွီၢ်တတီတတြၢ်တဖၣ်တူၢ်လိာ်တၢ်ဟ့ၣ်ခူသူၣ်ခိၣ်ဖး လာ်ဆှိးလီၤ. အန့ၣ်ဒီးတၢ်စံၣ်ညီၣ်တီတမၤအသးဘၣ်.

တၢ်ကတိၤဒိ. 17:8

ပှၤတနီၤဆိကမိၣ်ဝဲလၢတၢ်ဟ့ၣ်ခိၣ်ဖးလာ်ဆှိးမၤတၢ်ဒ်တၢ်မၤ ကဒါပှၤမဲာ်တခါအသိး, ဒီးဆိကမိၣ်ဝဲလၢတၢ်အံၤမၤတၢ်သ့ခဲလၢာ်လီၤ.

တၢ်ကတိၤဒိ. 18:16

နအဲၣ်ဒိးထံၣ်လိာ်ပှၤအကါဒိၣ်တဂၤဧါ. လဲၤစိာ်န့ၢ်အီၤတၢ်ဟ့ၣ် တမံၤဒီးကညီလၢနဂီၢ်လီၤ.

တၢ်ကတိၤဒိ. 19:6

ပှၤကိးဂၤဒဲးကျဲးစၢးဃုမၤန့ၢ်ပှၤလၢအကါဒိၣ်တဖၣ်အတၢ်ဘၣ် အသးလီၤ. ဒီးပှၤခဲလၢာ်စံးလီၤအသးလၢအဒီတံၤဒီသကိးဒီးပှၤ တဂၤလၢအဟ့ၣ်တၢ်ဟ့ၣ်တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:35

အန့ၣ်ဝံၤဒီးစီၤဒၤဝံးတူၢ်လိာ်တၢ်လၢပိာ်မုၣ်န့ၣ်ဟဲစိာ်န့ၢ်အီၤ ဒီးစံးဘၣ်ပိာ်မုၣ်န့ၣ်, “က့ၤဆူဟံၣ်ဒီးဘၣ်ကိၢ်ဘၣ်ဂီၤတဂ့ၤ. ယကမၤတၢ်လၢနသးလီအီၤန့ၣ်လီၤ.”