တၢ်ကတိၤဒိ. 21:13 - Sgaw Karen Common Bible

¹³ နမ့ၢ်ဂ့ၢ်လိာ်လၢနကဒိကနၣ်ပှၤအဖှီၣ်အယာ်အတၢ်ကိးထီၣ်ဒီး, နတၢ်ကိးထီၣ်ဒၣ်နဲလၢတၢ်မၤစၢၤအဂီၢ်စ့ၢ်ကီးတၢ်တနၢ်ဟူ ဘၣ်အီၤဘၣ်န့ၣ်လီၤ.

တၢ်ကတိၤဒိ. 21:13 Iomraidhean Croise

လံာ်စီၤနဃ့မယၤ 5:13

ဒီးယထုးထီၣ်ယကူယသိးလၢယကူအီၤလၢယယီၢ်ဒ့ဒီးတြုၤအီၤန့ၣ် လီၤ. ဒီးယစံး “အအံၤကစၢ်ယွၤကတြုၤသု ဒ်သိးအံၤလၢပှၤလၢအတပၢၤဃးအတၢ်အၢၣ်လီၤဘၣ်န့ၣ်လီၤ. ကစၢ်ယွၤကဟံးထီၣ်ကွံာ်သုဟံၣ်သုဃီတဖၣ်ဒီးကယဲၢ်တၢ်အိၣ်ဒီး သုခဲလၢာ်, ဒီးတပာ်တီၢ်န့ၢ်သုတၢ်နီတမံၤလၢၤဘၣ်န့ၣ်လီၤ.” ဒီးပှၤအိၣ်ဝဲဖဲန့ၣ်ခဲလၢာ်စံးဝဲ, “အၤမ့ၣ်” ဒီးစံးထီၣ်ပတြၢၤယွၤလီၤ. ဒီးပှၤခိၣ်ပှၤနၢ်တဖၣ်ပၢၤဃးအတၢ်အၢၣ်လီၤန့ၣ်လီၤ.

လံာ်စီၤယိၤဘး 29:12

တုၤပှၤဖှီၣ်ဖိယာ်ဖိကိးထီၣ်ဝဲဒၣ်န့ၣ်ဒီးယမၤစၢၤအီၤ, ဒီးယမၤစၢၤပှၤဖိၣ်ဃဲဖိသ့ၣ်တဖၣ်လၢပှၤကမၤစၢၤအီၤတအိၣ် ဘၣ်န့ၣ်လီၤ.

စံးထီၣ်ပတြၢၤ 18:41

အဝဲသ့ၣ်ကိးထီၣ်လၢတၢ်မၤစၢၤအဂီၢ်, ဘၣ်ဆၣ်ပှၤလၢကမၤစၢၤအီၤတအိၣ်နီတဂၤဘၣ်. အဝဲသ့ၣ်ကိးထီၣ်ဆူယွၤအအိၣ်ဘၣ်ဆၣ် အဝဲတစံးဆၢဝဲဒၣ်ဘၣ်.

စံးထီၣ်ပတြၢၤ 58:4

အဝဲသ့ၣ်အစုၣ်လီၤဂာ်ဒ် ဂုၢ်သ့ၣ်တဖၣ်လၢအအိၣ်ဒီးအစုၣ် မၤအသးလီၤဂာ်ဒီးဂုၢ်သီ လၢအနၢ်တအၢ, ဆွံတံာ်အနၢ်ပူၤ,

တၢ်ကတိၤဒိ. 1:28

တုၤနုၤတစုသုကကိးထီၣ်တၢ်ကူၣ်သ့, ဘၣ်ဆၣ်ဒီးယတစံးဆၢတၢ်ဘၣ်. သုကဃုယၤလၢတၢ်လီၢ်ကိးပူၤဒဲး, ဘၣ်ဆၣ်ဒီးသုတထံၣ်ဘၣ်ယၤဘၣ်.

တၢ်ကတိၤဒိ. 28:27

ဟ့ၣ်တၢ်လၢပှၤဖှီၣ်ဖိယာ်ဖိတက့ၢ်. တၢ်လိၣ်ဒီးနၤတအိၣ်လၢၤနီ တစုဘၣ်. နမ့ၢ်ဃၣ်ကွံာ်နမဲာ်လၢပှၤဖှီၣ်ဖိယာ်ဖိဒီး, ပှၤအါဂၤကဆိၣ်အၢနၤလီၤ.

လံာ်မးသဲ 6:14

အဂ့ၢ်ဒ်အံၤ, သုမ့ၢ်ပျၢ်တၢ်ကမၣ်လၢပှၤဂၤမၤဘၣ်သုဒီး သုပၢ်အိၣ်လၢမူခိၣ်ကပျၢ်စ့ၢ်ကီးသုတၢ်ကမၣ်န့ၣ်လီၤ.

လံာ်မးသဲ 7:2

အဂ့ၢ်ဒ်အံၤ, ကစၢ်ယွၤကစံၣ်ညီၣ်သုလၢတၢ်စံၣ်ညီၣ်တမံၤဃီလၢသုစံၣ်ညီၣ် ပှၤဂၤဒီး အဝဲကဃီၣ်ဟ့ၣ်သုတၢ်လၢနီၣ်ဃီၣ်တခါဃီလၢသုဃီၣ်ဟ့ၣ်တၢ်န့ၣ် လီၤ.

လံာ်လူၤကၣ် 13:25

တုၤဟံၣ်ကစၢ်ဂဲၤဆၢထၢၣ်ဒီးကးတံာ်တြဲၤလံန့ၣ်, သုကအိၣ်ဆၢထၢၣ်လၢတၢ်ချၢ, ဒီးဖဲသုဒိတကျိာ်တြဲၤဒီးစံးသုဝဲ, ‘ကစၢ်ဧၢ, အိးထီၣ်တြဲၤလၢပဂီၢ်တက့ၢ်.’ န့ၣ်, အဝဲဒၣ်ကစံးဆၢသု, ‘သုဟဲဖဲလဲၣ်န့ၣ်ယတသ့ၣ်ညါယဲဘၣ်.’

မၤတၢ် 7:57

အန့ၣ်ဒီးပှၤလၢအမ့ၢ်ကီၣ်ကးဖိတဖၣ်န့ၣ်ကိးပသူထီၣ်လၢ အကလုၢ်ဖးဒိၣ်ဒီးကးတံာ်ဃာ်အနၢ်လၢအစုဝံၤ, ဃ့ၢ်သဖှိဃီၤဝဲတဘျီဃီဆူအဝဲဒၣ်အအိၣ်,

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.