တၢ်ကတိၤဒိ. 21:11 - Sgaw Karen Common Bible

¹¹ ဖဲပှၤပာ်ထီၣ်ထီသးတဂၤဂၤဒိးန့ၢ်ဘၣ်အတၢ်စံၣ်ညီၣ်န့ၣ်, ပှၤလၢအတဆိကမိၣ်တၢ်တဂၤဒၣ်လဲာ်မၤလိန့ၢ်တၢ်မၤလိတမံၤလီၤ. ပှၤတဂၤလၢအကူၣ်သ့န့ၣ်ကမၤလိန့ၢ်တၢ်လၢ, တၢ်လၢအဘၣ်တၢ်သိၣ်လိတ့ၢ်အီၤန့ၣ်လီၤ.

တၢ်ကတိၤဒိ. 21:11 Iomraidhean Croise

တၢ်ကတိၤဒိ. 1:5

တၢ်ကူၣ်သ့အတၢ်ကတိၤတဖၣ်အံၤမၤအါထီၣ်ပှၤကူၣ်သ့တဖၣ် အတၢ်သ့ၣ်ညါဒီးဟ့ၣ်တၢ်နဲၣ်ကျဲဆူပှၤမၤလိမၤဒိးဘၣ်တၢ်တဖၣ် သ့ဝဲ,

တၢ်ကတိၤဒိ. 15:14

ပှၤလၢအအိၣ်ဒီးတၢ်သူၣ်ဆးသးဆးန့ၣ်သးအိၣ်မၤလိတၢ်လီၤ. မ့မ့ၢ်ပှၤလၢအသးတဆးတဖၣ်န့ၣ်သးမံဒၣ်ဝဲလၢအတၢ်တမၤလိ မၤဒိးတၢ်အပူၤန့ၣ်လီၤ.

တၢ်ကတိၤဒိ. 18:1

ပှၤလၢအသးတလီၤပလိာ်ဒီးပှၤဂၤတဖၣ်န့ၣ်သးစဲဒၣ်ထဲလၢ အနီၢ်ကစၢ်အဂ့ၢ်အကျိၤန့ၣ်လီၤ. အဝဲသ့ၣ်ကထီဒါတၢ်လၢပှၤ အဂၤကိးဂၤဒဲးထံၣ်လၢအဘၣ်န့ၣ်လီၤ.

တၢ်ကတိၤဒိ. 18:15

ပှၤလၢအအိၣ်ဒီးတၢ်သူၣ်ဆးသးဆးတဖၣ်န့ၣ်, အသးဆူၣ်ဒီးအိၣ်ကတဲာ်ကတီၤအသးထီဘိလၢကမၤလိန့ၢ်တၢ်လီၤ.

တၢ်ကတိၤဒိ. 19:25

ပှၤပာ်ထီၣ်ထီအသးတဖၣ်န့ၣ်, ကြၢးဘၣ်တၢ်စံၣ်ညီၣ်အီၤဒ်သိး, ပှၤလၢအတသ့ၣ်ညါတၢ်အါန့ၢ်အဝဲသ့ၣ်တဖၣ်ကမၤလိန့ၢ်တၢ်မၤလိ တမံၤန့ၣ်လီၤ. နမ့မ့ၢ်ပှၤကူၣ်သ့ဒီး, ဖဲတၢ်သိၣ်က့ၤသီက့ၤနၤန့ၣ်နကမၤလိတၢ်လီၤ.

တၢ်ကတိၤဒိ. 9:7

နမ့ၢ်သိၣ်က့ၤသီက့ၤပှၤလၢအပာ်ထီၣ်ထီအသးတဂၤဒီး, နကဘၣ်တၢ်ဒုၣ်ဒွဲၣ်နၤလီၤ. နမ့ၢ်သိၣ်ဃီၣ်ပှၤအအၢအသီတဂၤဒီး, အိၣ်ဒၣ်နကဘၣ်ဒိဆါလီၤ.

တၢ်ကတိၤဒိ. 9:9

တၢ်တမံၤဂ့ၤတမံၤဂ့ၤလၢနစံးဘၣ်တဲဘၣ်ပှၤကူၣ်သ့တဂၤန့ၣ်, ကဒုးကူၣ်သ့အါထီၣ်အီၤလီၤ. တၢ်တမံၤဂ့ၤတမံၤဂ့ၤလၢနတဲဘၣ် ပှၤတီပှၤလိၤတဂၤန့ၣ်, ကပာ်ဖှိၣ်အါထီၣ်အတၢ်သ့ၣ်ညါနၢ်ပၢၢ်န့ၣ်လီၤ.

လံာ်တၢ်ဂံၢ် 16:34

ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ထွးထီၣ်ဃ့ၢ်ကွံာ်ဝဲ ဖဲအနၢ်ဟူဘၣ်ပှၤတဖၣ်အတၢ်ကိးပသူန့ၣ်လီၤ. အဝဲသ့ၣ်ကိးထီၣ်ဝဲ, “ဃ့ၢ်တက့ၢ်. ဟီၣ်ခိၣ်ကယူၢ်လီၤကွံာ်စ့ၢ်ကီးပှၤဘၣ်ဖုးလီၤ.”

မၤတၢ် 5:5

တုၤစီၤအနၤနံနၢ်ဟူဘၣ်တၢ်အံၤဒီးတဘျီဃီလီၤဃံၤသံဝဲဒၣ်လီၤ. ဒီးပှၤခဲလၢာ်လၢအနၢ်ဟူဘၣ်တၢ်ဂ့ၢ်အံၤပျံၤတၢ်ဒိၣ်ဒိၣ်ကလဲာ်လီၤ.

လံာ်သိၣ်လီၤသီလီၤတၢ် 13:11

အန့ၣ်တစု, ကယဲၢ်ကီၢ်အံၣ်စရ့လးအပှၤဂီၢ်မုၢ်ခဲလၢာ်ကနၢ်ဟူတၢ် လၢအမၤတ့ၢ်အသးန့ၣ်လီၤ. အဝဲသ့ၣ်ကပျံၤတၢ်ဖုးတၢ်ဒီးပှၤတမၤကဒီးတၢ်အၢတၢ်သီဒ်န့ၣ်အသိး တမံၤလၢၤဘၣ်န့ၣ်လီၤ.

လံာ်သိၣ်လီၤသီလီၤတၢ် 21:21

ဝံၤဒီးဝ့ၢ်အပှၤကညီတဖၣ်ကဘၣ်ကွံာ်သံအီၤလၢလၢၢ်, ဒီးသုကပူၤဖျဲးလၢတၢ်အၢတၢ်သီအံၤန့ၣ်လီၤ. ပှၤကိးဂၤဒဲးလၢကီၢ်အံၣ်စရ့လးအပူၤကနၢ်ဟူဘၣ်တၢ်မၤတ့ၢ်အသး ဒီးပျံၤတၢ်န့ၣ်လီၤ.

လံာ်လီၣ်ဖျါ 11:13

တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.