တၢ်ကတိၤဒိ. 20:8 - Sgaw Karen Common Bible

⁸ စီၤပၤဆ့ၣ်နီၤဝဲလၢအစံၣ်ညီၣ်တၢ်အလီၢ်ပစိာ်ဒီးသ့ၣ်ညါတၢ်အၢ ဖဲအထံၣ်ဝဲန့ၣ်လီၤ.

တၢ်ကတိၤဒိ. 20:8 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:4

လီၤဂာ်ဒ်မုၢ်လၢအကပီၤထီၣ်ဝဲဖဲမုၢ်ဆ့ၣ်ထီၣ်သီတဂီၤလၢတၢ်အၢၣ်တအိၣ်ဘၣ်အသိး, မုၢ်တဘ့ၣ်လၢအဒုးကပြုၢ်ကပြီၤထီၣ်တပံၢ်တမါဖဲတၢ်စူၤလီၤဝံၤအလီၢ်ခံန့ၣ်လီၤ.

လံာ်စီၤပၤအခီၣ်ထံးတဘ့ၣ် 7:7

လီၢ်ပစိာ်အဒၢးလၢအဘၣ်တၢ်ကိးစ့ၢ်ကီးအီၤလၢတၢ်စံၣ်ညီၣ်အဒၢး ဖးဒိၣ်, ဖဲစီၤၡလိၤမိၤစံၣ်ညီၣ်တဲာ်ကွီၢ်တဖၣ်န့ၣ်, ဘၣ်တၢ်ဘှီထီၣ်အီၤဒီးသ့ၣ်ဆှိအ့ရ့းအသ့ၣ်ဘၣ်တဖၣ်စးထီၣ်လၢ အဒါတုၤလၢတၢ်ခိၣ်ဒုးအကျိၤတဖၣ်န့ၣ်လီၤ.

စံးထီၣ်ပတြၢၤ 72:4

မ်စီၤပၤကအိၣ်ဂၢၢ်ဆိးကျၢၤဝဲ ကအုၣ်က့ၤခီၣ်က့ၤပှၤလၢ အလိၣ်ဘၣ်တၢ်သ့ၣ်တဖၣ် ဒီးကမၤလီၤကလဲပှၤမၤနးမၤဖှီၣ် တၢ်တဖၣ်န့ၣ်တက့ၢ်.

စံးထီၣ်ပတြၢၤ 92:9

ယွၤဧၢ, အဂ့ၢ်ဒ်အံၤ ကွၢ်ကွၢ်နဒုၣ်နဒါတဖၣ်, ကဟးဂီၤကွံာ်ဝဲ ဒီးကယဲၢ်ပှၤမၤတၢ်အၢခဲလၢာ် ကလီၤပြံလီၤပြါဝဲဒၣ်န့ၣ်လီၤ.

စံးထီၣ်ပတြၢၤ 99:4

စီၤပၤလၢအဂံၢ်ဆူၣ်ဘါဆူၣ်ဧၢ, နအဲၣ်တၢ်လၢအတီလီၤ နဒုးအိၣ်ထီၣ်တၢ်စံၣ်ညီၣ်တီလၢ ကီၢ်အံၣ်စရ့လးအပူၤ, နဟဲစိာ်တၢ်တီတၢ်လိၤဒီး တၢ်အဂ့ၤအဘၣ်လီၤ.

တၢ်ကတိၤဒိ. 16:12

စီၤပၤတဖၣ်ကွၢ်တမီာ်တၢ်အၢတၢ်သီတကဲဘၣ်. အဂ့ၢ်ဒ်အံၤ, တၢ်လၢအမၤဂၢၢ်မၤကျၢၤတၢ်ပၢတၢ်ပြးတမံၤမ့ၢ်ဝဲ တၢ်စံၣ်ညီၣ်တီန့ၣ်လီၤ.

တၢ်ကတိၤဒိ. 20:26

စီၤပၤလၢအကူၣ်သ့တဂၤန့ၣ်ကဃုထံၣ်န့ၢ်မ့ၢ်မတၤတဂၤမၤကမၣ်တၢ် လဲၣ်ဒီးကစံၣ်ညီၣ်အီၤလၢတၢ်သးကညီၤတအိၣ်ဘၣ်အပူၤန့ၣ်လီၤ.

တၢ်ကတိၤဒိ. 25:5

ပာ်ပှၤဟ့ၣ်ကူၣ်တၢ်အအၢအသီတဖၣ်ယံၤဒီးစီၤပၤတက့ၢ်. အန့ၣ်ဒီးအတၢ်ပၢတၢ်ပြးကဘၣ်တၢ်သ့ၣ်ညါအီၤလၢ အတၢ်စံၣ်ညီၣ်တီအဃိလီၤ.

တၢ်ကတိၤဒိ. 29:14

စီၤပၤတဂၤမ့ၢ်ဒီဒၣ်စၢၤပှၤဖှီၣ်ဖိယာ်ဖိအတၢ်ခွဲးတၢ်ယာ်တဖၣ် ဒီး, အဝဲကပၢတၢ်ယံာ်ယံာ်ထၢထၢလီၤ.

လံာ်ယၡါယၤ 32:1

မုၢ်ကအိၣ်ဝဲတနံၤ, စီၤပၤတဂၤလၢ အပၢတၢ်လၢတၢ်မၤတီအကလုၢ်အပူၤ, ဒီးထံဖိကီၢ်ဖိခိၣ်နၢ်တဖၣ်လၢအပၢတၢ်လၢတၢ်စံၣ် ညီၣ်တီအပူၤန့ၣ်ကအိၣ်ထီၣ်ဝဲလီၤ.

လံာ်မးသဲ 12:30

ပှၤတဂၤလၢ်လၢ်လၢအတအိၣ်ဒီးယၤဘၣ်န့ၣ်, မ့ၢ်ပှၤလၢအထီဒါယၤလီၤ. ပှၤလၢအတမၤစၢၤယၤလၢတၢ်ထၢဖှိၣ်က့ၤတၢ်အပူၤန့ၣ်, မ့ၢ်ပှၤလၢအမၤလီၤပြံလီၤပြါတၢ်လီၤ.