တၢ်ကတိၤဒိ. 20:6 - Sgaw Karen Common Bible

⁶ ပှၤကိးဂၤကတိၤတၢ်ဘၣ်ဃးအဝဲမ့ၢ်ပှၤအသးတီဒီးတၢ်နာ်န့ၢ်အီၤ သ့ထဲလဲၣ်ထဲလဲၣ်အဂ့ၢ်လီၤ. ဘၣ်ဆၣ်ကျဲးစၢးဃုကွၢ်ဒၣ်ကလိာ်ပှၤတဂၤဂၤလၢအမ့ၢ်တၢ်ဒ်အစံးဝဲ အံၤအသိးန့ၣ်တက့ၢ်.

တၢ်ကတိၤဒိ. 20:6 Iomraidhean Croise

စံးထီၣ်ပတြၢၤ 12:1

ယွၤဧၢ, မၤစၢၤပှၤတက့ၢ်, ပှၤအဲၣ်ယွၤပျံၤယွၤတအိၣ်နီတဂၤလၢၤဘၣ်. ပှၤအကလုၢ်တီတဘၣ်တၢ်ထံၣ်န့ၢ်အီၤလၢ ပှၤဟီၣ်ခိၣ်ဖိအကျါလၢၤဘၣ်.

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

တၢ်ကတိၤဒိ. 20:5

ပှၤတဂၤအတၢ်ဆိကမိၣ်တဖၣ်လီၤဂာ်ဒ်ထံလၢထံပူၤယိာ်တပူၤအသိး လီၤ. ဘၣ်ဆၣ်ပှၤတဂၤလၢအအိၣ်ဒီးတၢ်ထံၣ်လၢသးန့ၣ်, ထုးထီၣ်အီၤသ့ဝဲလီၤ.

တၢ်ကတိၤဒိ. 25:14

ပှၤလၢအအၢၣ်လီၤအသးလၢကဟ့ၣ်တၢ်ဒီးတဟ့ၣ်ဝဲနီတဘျီဘၣ်တဖၣ် န့ၣ်, လီၤဂာ်ဒီးတၢ်အၢၣ်တဖၣ်ဒီးကလံၤလၢတဟဲစိာ်မူခိၣ်ထံ ဘၣ်အသိးန့ၣ်လီၤ.

တၢ်ကတိၤဒိ. 27:2

ပျဲပှၤဂၤစံးထီၣ်ပတြၢၤနၤတက့ၢ်, ပျဲပှၤသမှံၤဒၣ်လဲာ်စံး ထီၣ်ပတြၢၤနၤတက့ၢ်. စံးထီၣ်ပတြၢၤလီၤနသးဒၣ်နဲနီတစုတဂ့ၤ.

လံာ်ပှၤစံၣ်တဲၤတဲလီၤတၢ် 7:28

ယဃုထံၣ်န့ၢ်တၢ်စံးဆၢအဂၤတဖၣ်, ဘၣ်ဆၣ်ယတထံၣ်န့ၢ်နီ တမံၤဘၣ်. ယထံၣ်တ့ၢ်ပှၤပိာ်ခွါတဂၤလၢပှၤတကထိအကျါလၢယပာ်ကဲ အီၤန့ၢ်န့ၣ်လီၤ. ဘၣ်ဆၣ်ဒီးယတထံၣ်န့ၢ်ပိာ်မုၣ်နီတဂၤဘၣ်.

လံာ်ယံးရမံယၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, ဃ့ၢ်ဝ့ၤဝီၤလၢသုကျဲတဖၣ် အပူၤတက့ၢ်. ကွၢ်တၢ်ဝးတရံးဒီးကွၢ်တၢ်လၢသုကစၢ် ဒၣ်သုဝဲတက့ၢ်. ကွၢ်ဃုတၢ်ဆါတၢ်ပှ့ၤအလီၢ်တဖၣ်တက့ၢ်. ပှၤလၢအမၤတၢ်အဘၣ် ဒီးကျဲးစၢးသးတီဒီးကစၢ်ယွၤန့ၣ်, မ့ၢ်သုထံၣ်န့ၢ်သ့ တဂၤဂၤဧါ. သုထံၣ်န့ၢ်မ့ၢ်သ့ဒီးယွၤကပျၢ်ဝ့ၢ်ယရူၤၡလ့ၣ်န့ၣ်လီၤ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်မံကၤ 7:2

ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်မးသဲ 6:2

လၢတၢ်န့ၣ်အဃိ, ဖဲသုဟ့ၣ်သးကညီၤတၢ်န့ၣ်, တဘၣ်မၤအီၤဒ်သိးပှၤအါဂၤကထံၣ်သ့ၣ်ညါအဂီၢ်, ဒ်ပှၤပာ်မၤအသးတဖၣ်မၤဝဲလၢဘူၣ်ဘျီၣ်လၢအမ့ၢ်တၢ်ဘါလီၢ် အပူၤဒီးလၢကျဲအပူၤလၢပှၤကညီကစံးထီၣ်ပတြၢၤအီၤအဂီၢ် အသိးန့ၣ်တဂ့ၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်လူၤကၣ် 18:11

ပှၤဖၤရံၤၡဲအိၣ်ဆၢထၢၣ်ဝဲတပူၤဒၣ်ဒီးဃ့ဘါထုကဖၣ်တၢ်ဒီးစံး, ‘ယစံးဘျုးနၤလီၤကစၢ်ယွၤဧၢ, လၢယတမ့ၢ်ပှၤဂုာ်ဆူၣ်ပျိဆူၣ်တၢ်, ပှၤမၤတၢ်အၢတၢ်သီ, ပှၤအဲၣ်ဘၢတၢ်ဒ်ပှၤဂၤအသိးဘၣ်အဃိန့ၣ်လီၤ. ယစံးဘျုးနၤလၢယတလီၤဂာ်ဒီးပှၤဃ့သွဲတဂၤန့ၣ်အဃိလီၤ.

လံာ်လူၤကၣ် 18:28

တုၤနုၤတစုစီၤပ့းတရူးစံးဝဲ, “ကွၢ်တက့ၢ်, ပဝဲသ့ၣ်တဖၣ်အံၤပပာ်တ့ၢ်ပဟံၣ်ပဃီဒ်သိး ပကကဲထီၣ်နပျဲၢ်နဘီၣ်အဂီၢ်လီၤ.”

လံာ်လူၤကၣ် 18:8

ယစံးဘၣ်တဲဘၣ်သု, အဝဲဒၣ်ကစံၣ်ညီၣ်တီန့ၢ်တၢ်လၢအဝဲသ့ၣ်အဂီၢ်, ဒီးကမၤဝဲချ့ချ့ကလဲာ်လီၤ. ဘၣ်ဆၣ်ဒီးဖဲပှၤကညီဖိခွါဟဲဝဲန့ၣ်, မ့ၢ်အဝဲကထံၣ်ပှၤအိၣ်ဒီးတၢ်စူၢ်တၢ်နာ်လၢဟီၣ်ခိၣ်ချၢန့ၣ်ဧါ.”

လံာ်လူၤကၣ် 22:33

စီၤပ့းတရူးစံးဆၢဝဲ, “ကစၢ်ဧၢ, ယအိၣ်ကတဲာ်ကတီၤယသးလၢယကလဲၤဆူဃိာ်ပူၤဒီးနၤ ဒီးယကသံဃုာ်ဒီးနၤန့ၣ်လီၤ.”

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

၂ ကရံၣ်သူး 12:11

ယမၤယသးဒ်တၢ်ပျုၢ်တဂၤအသိးလီၤ, ဘၣ်ဆၣ်ဒီးမ့ၢ်ဒၣ်လၢ သုဃိလီၤ. သုမ့ၢ်ပှၤတဖၣ်လၢအကြၢးပာ်ဖျါသုတၢ်ဘၣ်သူၣ်ဘၣ် သးယၤလီၤ. အဂ့ၢ်ဒ်အံၤ, ယမ့တမ့ၢ်တၢ်နီတမံၤသနာ်က့, လၢကျဲတဘိအပူၤဒၣ်လဲာ်ယတဆံးန့ၢ်သု “ပှၤတၢ်မၢဖိ” လီၤတိၢ်လီၤဆီမးတဖၣ်န့ၣ်ဘၣ်.