တၢ်ကတိၤဒိ. 20:3 - Sgaw Karen Common Bible

³ ပှၤဟးဂီၤဖိတဂၤလၢ်လၢ်စးထီၣ်တၢ်ဂ့ၢ်လိာ်ဘှီလိာ်တဖၣ်သ့လီၤ. မ့မ့ၢ်တၢ်အိၣ်ယံၤဒီးတၢ်အ့ၣ်လိာ်ဆိးက့လိာ်န့ၣ်, မ့ၢ်တၢ်လၤကပီၤတမံၤလီၤ.

တၢ်ကတိၤဒိ. 20:3 Iomraidhean Croise

လံာ်တၢ်ကဲထီၣ်အခီၣ်ထံး 13:7

မၤသးဒ်န့ၣ်ဒီး, တၢ်အ့ၣ်လိာ်ဆိးက့လိာ်အိၣ်ထီၣ်ဝဲဒၣ်လၢပှၤလၢ အကွၢ်စီၤအၤဘြၣ်အဆၣ်ဖိကီၢ်ဖိဒီးပှၤလၢအကွၢ်စီၤလိာ်အဆၣ်ဖိ ကီၢ်ဖိတဖၣ်အဘၢၣ်စၢၤန့ၣ်လီၤ. (အကတီၢ်ဖဲန့ၣ်ပှၤကနၤဧၣ်ဖိဒီးပှၤပရးစၤဖိအိၣ်ဆိးဒံးဝဲ လၢကီၢ်ပူၤန့ၣ်လီၤ).

လံာ်တၢ်ကဲထီၣ်အခီၣ်ထံး 13:8

ဒီးစီၤအၤဘြၣ်စံးဘၣ်စီၤလိာ်, “ပမ့ၢ်ပှၤဒီဘူးဒီတံၢ်လီၤ. နပှၤဒီးယပှၤတဖၣ်တကြၢးအ့ၣ်လိာ်ဆိးက့လိာ်အသးဘၣ်.

လံာ်စီၤပၤခံဘ့ၣ်တဘ့ၣ် 14:9

ဘၣ်ဆၣ်ဒီးစီၤပၤယိၤအၣ်ဆှၢလီၤကဒါက့ၤအတၢ်စံးဆၢဒ်လာ်အံၤ လီၤ. “တဘျီန့ၣ်တၤဆှူၣ်တပှီာ်တလိၣ်လၢလဘၤနိၣ်အကစၢၢ် အလိၤဆှၢလီၤတၢ်ကစီၣ်ဆူသ့ၣ်ဆှိအ့ရ့းအအိၣ်ဒီးတဲအီၤလၢ အကဟ့ၣ်လီၤအဖိမုၣ်လၢကဒိးတ့ဒိးဖျီအသးဒီးအဝဲအဖိခွါ အဂီၢ်န့ၣ်လီၤ. ဆၣ်ဖိကီၢ်ဖိအမံၤတဒုလဲၤခီဂာ်တၢ်ဒီးယီၢ်လီၤ ကလဲကွံာ်တၤဆှူၣ်တပှိာ်န့ၣ်လီၤ.

တၢ်ကတိၤဒိ. 14:17

ပှၤလၢအသးထီၣ်ကဲၤတဖၣ်မၤပှၤဟးဂီၤဖိအတၢ်မၤလီၤ. ပှၤလၢအကူၣ်သ့ဒိၣ်ဒၣ်တၢ်တက့ၢ်တဖၣ်အိၣ်ဝဲခုၣ်ခုၣ်မုာ်မုာ်လီၤ.

တၢ်ကတိၤဒိ. 14:29

နမ့ၢ်အိၣ်ခုၣ်ခုၣ်မုာ်မုာ်ဒီးနမ့ၢ်ပှၤကူၣ်သ့လီၤ. ဘၣ်ဆၣ်နမ့ၢ်အိၣ်ဒီးတၢ်သးထီၣ်ကဲၤန့ၣ်, နပာ်ဖျါထီၣ်ဒၣ်လၢနမ့ၢ် ပှၤအမၢးထဲလဲၣ်ထဲလဲၣ်န့ၣ်လီၤ.

တၢ်ကတိၤဒိ. 16:32

တၢ်ဝံသးစူၤဂ့ၤဒိၣ်န့ၢ်တၢ်ဂံၢ်ဆူၣ်ဘါဆူၣ်တက့ၢ်လီၤ. တၢ်မၤနၢၤဒီးတၢ်ပၢၤနသးဒၣ်နဲန့ၣ်ဂ့ၤဒိၣ်န့ၣ်ဒံးတၢ်ပၢၤ ဝ့ၢ်ဒီဝ့ၢ်တက့ၢ်လီၤ.

တၢ်ကတိၤဒိ. 17:14

တၢ်စးထီၣ်တၢ်ဂ့ၢ်လိာ်ဘှီလိာ်တမံၤန့ၣ်လီၤဂာ်ဒ်ထံတမၢၣ်တဘိ အတၢ်စးထီၣ်ကၢ်အသိးလီၤ. ဆိကတီၢ်အီၤတချုးလၢအလဲၤ ဆူညါန့ၣ်တက့ၢ်.

တၢ်ကတိၤဒိ. 18:6

ဖဲပှၤဟးဂီၤဖိတနီၤစးထီၣ်တၢ်ဂ့ၢ်လိာ်ဘှီလိာ်တမံၤန့ၣ်, အဝဲဃ့န့ၢ်နီၣ်တီၢ်တဘီလီၤ.

တၢ်ကတိၤဒိ. 19:11

နမ့မ့ၢ်ပှၤသူၣ်ထံသးဆးန့ၣ်နကပၢၤနသးလီၤ. ဖဲပှၤတဂၤဂၤမၤကမၣ်နၤန့ၣ်, နမ့ၢ်ကွၢ်ကပာ်ကွံာ်အီၤဒီးတၢ်န့ၣ် မ့ၢ်တၢ်ဂ့ၤတၢ်ဝါဖးဒိၣ်တမံၤလီၤ.

တၢ်ကတိၤဒိ. 21:24

ဒုးနဲၣ်ယၤပှၤလၢအပာ်ထီၣ်ထီအသးတဂၤန့ၣ်တက့ၢ်, ဒီးယကဒုးနဲၣ်နၤပှၤတဂၤလၢအပာ်အသးကဖိလိ, ပာ်ထီၣ်ထီအသးဒီးတကွၢ်ဆိကမိၣ်တၢ်လၢပှၤဂၤနီတဂၤအဂီၢ်န့ၣ် လီၤ.

တၢ်ကတိၤဒိ. 26:17

တၢ်မၤဃါဃုာ်ပသးလၢတၢ်ဂ့ၢ်လိာ်ဘှီလိာ်တမံၤလၢအတဘၣ်ဃးဒီး ပှၤအပူၤန့ၣ်လီၤဂာ်ဒ်တၢ်လဲၤလီၤဆူကျဲပူၤဒီးစှီၤထွံၣ်တဒုဖဲအနၢ် အသိးန့ၣ်လီၤ.

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.

ယၤကိာ် 3:14

ဘၣ်ဆၣ်ဒီး, တၢ်သူၣ်က့ၣ်သးကါ, တၢ်သးဆါ, တၢ်အဲၣ်လီၤသး, မ့ၢ်အိၣ်လၢသုသးကံၢ်ပူၤဒီး, တဘၣ်မၤတၢ်ဒဲးဘးထီဒါတၢ်မ့ၢ် တၢ်တီခီဖျိတၢ်ပာ်ကဖၢလၢသးလၢသုတၢ်ကူၣ်သ့ဒၣ်ဝဲ အဃိန့ၣ်တဂ့ၤ.

ယၤကိာ် 4:1

တၢ်ဒုးလိာ်ယၤလိာ်သး, ဒီးတၢ်အ့ၣ်လိာ်ဆိးက့လိာ်သးတဖၣ်, လၢသုကျါန့ၣ်ဟဲလၢလဲၣ်ခီလဲၣ်. ဟဲအသးလၢသုတၢ်အဲၣ်ဒိးဟီၣ်ခိၣ်အတၢ်မုာ်လၤသးဖှံလၢ အဂဲၤလိာ်ဒုးတၢ်လၢသုပူၤတထံၣ်ဃီအဃိန့ၣ်လီၤ.