တၢ်ကတိၤဒိ. 20:28 - Sgaw Karen Common Bible

²⁸ စီၤပၤတဂၤကအိၣ်ဂၢၢ်ဆိးကျၢၤလၢအတၢ်စိကမီၤအပူၤတဘိ ယူာ်ဃီဖဲအဝဲပၢတၢ်လၢတၢ်တီတၢ်လိၤ, စံၣ်ညီၣ်တီတၢ်, ဒီးတကွၢ်ဒိၣ်ဆံးအါစှၤတၢ်အခါန့ၣ်လီၤ.

တၢ်ကတိၤဒိ. 20:28 Iomraidhean Croise

စံးထီၣ်ပတြၢၤ 101:1

ယတၢ်သးဝံၣ်မ့ၢ်တၢ်သးတီဒီး တၢ်စံၣ်ညီၣ်တီအဂ့ၢ်, ဒီးယကသးဝံၣ်အီၤဆူနအိၣ်, ယွၤဧၢ

စံးထီၣ်ပတြၢၤ 21:7

အဂ့ၢ်ဒ်အံၤ, စီၤပၤသန့ၤအသးလၢယွၤ, သ့တၢ်လၢာ်ကစၢ် ဒီးတဟူးတဝးဘၣ်လၢ တၢ်ထီကတၢၢ်ယွၤ အတၢ်အဲၣ်ဂၢၢ်ကျၢၤအဃိန့ၣ်လီၤ.

စံးထီၣ်ပတြၢၤ 26:1

ယွၤဧၢ, စံၣ်ညီၣ်ယၤတက့ၢ်. အုၣ်နသးလၢယတၢ်ကမၣ်တအိၣ်ဘၣ်အဂ့ၢ်တက့ၢ်. အဂ့ၢ်ဒ်အံၤ, ယမၤတၢ်လၢအမ့ၢ်အတီ ဒီးယနာ်နၤလၢလၢပှဲၤပှဲၤလီၤ.

စံးထီၣ်ပတြၢၤ 40:11

ယွၤဧၢ, မ်နသုတထုးကွံာ်နတၢ်သးကညီၤလၢယၤတဂ့ၤ. မ်နတၢ်အဲၣ်ဂၢၢ်ကျၢၤဒီးနတၢ်သူၣ်တီသးတီ ပၢၤယၤတထံၣ်ဃီတက့ၢ်.

စံးထီၣ်ပတြၢၤ 61:7

မ်အပၢဘၣ်တၢ်လၢကစၢ်ယွၤအမဲာ်ညါ လီၤထူလီၤယိာ် န့ၣ်တက့ၢ်. ပာ်လီၤနတၢ်အဲၣ်အဂၢၢ်အကျၢၤ ဒီးပၢၤအီၤလၢတၢ်သူၣ်တီသးလိၤန့ၣ်တက့ၢ်.

တၢ်ကတိၤဒိ. 16:12

စီၤပၤတဖၣ်ကွၢ်တမီာ်တၢ်အၢတၢ်သီတကဲဘၣ်. အဂ့ၢ်ဒ်အံၤ, တၢ်လၢအမၤဂၢၢ်မၤကျၢၤတၢ်ပၢတၢ်ပြးတမံၤမ့ၢ်ဝဲ တၢ်စံၣ်ညီၣ်တီန့ၣ်လီၤ.

တၢ်ကတိၤဒိ. 16:6

သးတီဒီးကလုၢ်တီဒီးယွၤတက့ၢ်. ဒီးကစၢ်ယွၤကပျၢ်ကွံာ်နတၢ် ဒဲးဘးလီၤ. စူၢ်ယွၤတက့ၢ်, ဒီးတၢ်အၢတၢ်သီတဘၣ်ဘၣ်နၤနီတမံၤဘၣ်.

တၢ်ကတိၤဒိ. 29:14

စီၤပၤတဂၤမ့ၢ်ဒီဒၣ်စၢၤပှၤဖှီၣ်ဖိယာ်ဖိအတၢ်ခွဲးတၢ်ယာ်တဖၣ် ဒီး, အဝဲကပၢတၢ်ယံာ်ယံာ်ထၢထၢလီၤ.

တၢ်ကတိၤဒိ. 3:3

ဒုးလဲၤသဒၣ်တၢ်သးတီဒီးတၢ်သူၣ်တီသးရၤလၢနအိၣ်တဂ့ၤ. စၢထီၣ်အီၤလၢနကိာ်အလိၤဒီးကွဲးအီၤလၢနသးအလိၤတက့ၢ်.

လံာ်ယၡါယၤ 16:5

အန့ၣ်ဒီး, စီၤပၤဒၤဝံးအစၢၤအသွဲၣ်အကျါတဂၤကကဲစီၤပၤ, ဒီးအဝဲကပၢပှၤဂီၢ်မုၢ်လၢတၢ်သးတီဒီးတၢ်အဲၣ်တၢ်ကွံအပူၤလီၤ. တၢ်လၢအဘၣ်န့ၣ်, အဝဲကမၤဝဲချ့ချ့လီၤ. ဒီးတၢ်စံၣ်ညီၣ်တီ မၤအသးကစီဒီဧါန့ၣ်, ကကွၢ်ထွဲဝဲလီၤ.)

လံာ်ဒၤနံးယ့လး 4:24

အခီပညီမ့ၢ်ဒ်အံၤနဲဒၣ်စီၤပၤဧၢ, တၢ်န့ၣ်မ့ၢ်တၢ်ထီကတၢၢ်ကစၢ် ယွၤအတၢ်စံၣ်ညီၣ်အကလုၢ်လၢအလီၤဘၣ်လၢယကစၢ်စီၤပၤ အလိၤန့ၣ်လီၤ.