တၢ်ကတိၤဒိ. 20:25 - Sgaw Karen Common Bible

²⁵ တချုးနအၢၣ်လီၤတၢ်လုၢ်မၤဘူၣ်တမံၤဆူကစၢ်ယွၤန့ၣ်, ဆိကမိၣ်တၢ်လီၤတံၢ်လီၤဆဲးတက့ၢ်. နကသးအုးက့ၤဘၣ်ဖုးလၢခံ န့ၣ်လီၤ.

တၢ်ကတိၤဒိ. 20:25 Iomraidhean Croise

တၢ်ကတိၤဒိ. 18:13

တချုးနစံးဆၢဒံးတၢ်ဒီး, ဒိကနၣ်တၢ်တက့ၢ်. နမ့ၢ်တမၤဒ်န့ၣ်ဘၣ်ဒီးနမ့ၢ်ဒၣ်ပှၤလၢအသးတဆးဒီးဒုၣ်ဒွဲၣ်ပှၤ ဂၤန့ၣ်လီၤ.

တၢ်ကတိၤဒိ. 18:7

ဖဲပှၤဟးဂီၤဖိတဂၤကတိၤတၢ်န့ၣ်, အဝဲမၤဟးဂီၤလီၤအသးဒၣ်ဝဲ လီၤ. အဝဲဘၣ်တၢ်ဖီၣ်န့ၢ်အီၤလၢအတၢ်ကတိၤဒၣ်ဝဲတဖၣ်အပျံၤ သကွီၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 5:2

တချုးနကတိၤဒံးတၢ်န့ၣ်, ဆိကမိၣ်တၢ်တက့ၢ်. ဒီးအၢၣ်လီၤတၢ်ဒီးကစၢ်ယွၤချ့ဒံးချ့ဒူးလၢတၢ်တဆိကမိၣ်အပူၤတဂ့ၤ. အဝဲအိၣ်လၢမူခိၣ်, မ့မ့ၢ်နဲနအိၣ်လၢဟီၣ်ခိၣ်လိၤလီၤ. အဃိဒီး, စံးကတိၤတၢ်အါန့ၢ်ဒံးတၢ်လၢနကြၢးစံးကတိၤအီၤတဂ့ၤ.

လံာ်တၢ်ဘူၣ်ထီၣ်ဘါထီၣ် 5:15

ပှၤတဂၤဂၤမ့ၢ်မၤဘၣ်တၢ်ဒဲးဘးလၢတၢ်တတိာ်သူၣ်ပာ်သးအပူၤခီ ဖျိတၢ်တဟ့ၣ်ဆၢက့ၤတၢ်လၢအစီဝဲဆှံဝဲလၢယွၤအမဲာ်ညါန့ၣ်, ကဘၣ်ဟဲစိာ်ဝဲသိဖါတဒုမ့တမ့ၢ်မဲာ်တဲးလဲးဖါတဒုလၢမဲၣ်သူ မဲၣ်ဂီၤတအိၣ်ဘၣ်ဒ်တၢ်ဟ့ၣ်ဆၢက့ၤအသိးလၢတၢ်လုၢ်တၢ်ပျၢ်တၢ်ကမၣ် ဆူယွၤအအိၣ်, ဒီးတၢ်ကပာ်အပှ့ၤအနီၣ်ထိၣ်အိၣ်ဝဲအသိးန့ၣ်လီၤ. တၢ်အံၤမ့ၢ်တၢ်လုၢ်တၢ်ပျၢ်တၢ်ကမၣ်န့ၣ်လီၤ.

လံာ်မးသဲ 5:33

လၢအပူၤကွံာ်န့ၣ်, သုနၢ်ဟူစ့ၢ်ကီးတၢ်စံးဘၣ်ပှၤ, ‘မၤဟးဂီၤနတၢ်အၢၣ်လီၤတဂ့ၤ. မၤလၢထီၣ်ပှဲၤထီၣ်တၢ်လၢနဆိၣ်လီၤနသးလၢယွၤလၢနကမၤ န့ၣ်တက့ၢ်.’

လံာ်သိၣ်လီၤသီလီၤတၢ် 23:22

သုမ့ၢ်တမၤတၢ်ဆိၣ်တမံၤဒီးယွၤန့ၣ်, တမ့ၢ်ဘၣ်တၢ်ဒဲးဘးဘၣ်.

လံာ်သိၣ်လီၤသီလီၤတၢ် 23:23

ဘၣ်ဆၣ်ဒီးသုမ့ၢ်မၤတၢ်ဆိၣ်တမံၤဒ်သုတၢ်သးအိၣ်ဒၣ်ဝဲအသိး န့ၣ်မၤလီၤတံၢ်လၢသုကတိၢ်န့ၢ်ဖံးဃာ်အီၤတက့ၢ်.

လံာ်သိၣ်လီၤသီလီၤတၢ် 23:24

တုၤသုဟးလၢကျဲဖိတဘိလၢပှၤတဂၤဂၤအစပံးလီၢ်အပူၤန့ၣ်, သုအီၣ်စပံးသၣ်တဖၣ်ဒ်သုအဲၣ်ဒိးအီၣ်အသိးသ့ဝဲ, ဘၣ်ဆၣ်ဒီးသုတဘၣ်က့ၤစိာ်အီၤနီတမံၤလၢသုတၢ်ပူၤတၢ်တ့ၤ အပူၤဘၣ်.

လံာ်ပှၤစံၣ်ညီၣ်ကွီၢ် 21:22

အပၢ်ဒီးအဒီပုၢ်ဝဲၢ်ခွါတဖၣ်မ့ၢ်ဟဲဆူသုအိၣ်ဒီးတြီတၢ်န့ၣ်, သုစံးသ့ဝဲလၢ, ပျဲပဟံးဃာ်အဝဲသ့ၣ်တက့ၢ်. အဂ့ၢ်ဒ်အံၤ, ပတဟံးန့ၢ်အဝဲသ့ၣ်လၢသုအိၣ်လၢတၢ်ဒုးတၢ်ယၤအပူၤ ဒ်သိးကကဲထီၣ်ပမါဘၣ်. ဒီးတမ့ၢ်ဘၣ်လၢသုဟ့ၣ်ပှၤအဃိဒီးသုတၢ်ကမၣ်ဘၣ်ဃးဒီးတၢ်မၤဟးဂီၤ သုတၢ်အၢၣ်လီၤအီလီၤအိၣ်ဝဲန့ၣ်ဘၣ်.”