တၢ်ကတိၤဒိ. 20:22 - Sgaw Karen Common Bible

²² ဟံးန့ၢ်မူဒါဒၣ်နဲလၢနကဟ့ၣ်ကၣ်တၢ်အၢတမံၤအဂီၢ်တဂ့ၤ. သန့ၤနသးလၢယွၤဒီးအဝဲကမၤလိၤမၤဘၣ်အီၤလီၤ.

တၢ်ကတိၤဒိ. 20:22 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:12

ဘၣ်သ့ၣ်သ့ၣ်ယွၤကပာ်သူၣ်ပာ်သးလၢယတၢ်ကိၢ်တၢ်ဂီၤတဖၣ်ဒီးဟ့ၣ် လီၤယၤတၢ်ဆိၣ်ဂ့ၤတနီၤလၢကဟံးန့ၢ်ကွံာ်အဝဲအတၢ်ဆိၣ်အၢ အလီၢ်န့ၣ်လီၤ.”

စံးထီၣ်ပတြၢၤ 27:14

မုၢ်လၢ်တၢ်လၢယွၤတက့ၢ်. ပာ်ဆူၣ်နသးတက့ၢ်. အိၣ်ဒီးတၢ်သူၣ်ဒူသးဒူတက့ၢ်. မုၢ်လၢ်တၢ်လၢယွၤတက့ၢ်.

စံးထီၣ်ပတြၢၤ 37:34

မုၢ်လၢ်တၢ်လၢယွၤအပူၤဒီး ဒိကနၣ်အတၢ်မၤလိာ်တဖၣ်န့ၣ်တက့ၢ်. အဝဲဒၣ်ကမၤလၤကပီၤနၤခီဖျိ တၢ်ဟ့ၣ်လီၤနၤထံဧိၤကီၢ်ဧိၤ, ဒီးနကထံၣ်ပှၤအၢပှၤသီ ဘၣ်တၢ်ဒီၣ်တဲာ်ကွံာ်အီၤန့ၣ်လီၤ.

စံးထီၣ်ပတြၢၤ 37:40

ယွၤမၤစၢၤအဝဲသ့ၣ်ဒီးမၤပူၤဖျဲးအဝဲသ့ၣ်လီၤ. ယွၤမၤပူၤဖျဲးအဝဲသ့ၣ်လၢပှၤအၢပှၤသီအစုပူၤ, အဂ့ၢ်မ့ၢ်လၢအဝဲသ့ၣ်ဟံးန့ၢ်တၢ်အိၣ်တဒၢအလီၢ် လၢအပူၤအဃိန့ၣ်လီၤ.

တၢ်ကတိၤဒိ. 17:13

နမ့ၢ်ဟ့ၣ်ကၣ်တၢ်အၢလၢတၢ်ဂ့ၤအဂီၢ်န့ၣ်, နထုးထီၣ်ကွံာ်တၢ်အၢတၢ်သီလၢနဟံၣ်ပူၤတသ့နီတဘျီဘၣ်.

တၢ်ကတိၤဒိ. 19:11

နမ့မ့ၢ်ပှၤသူၣ်ထံသးဆးန့ၣ်နကပၢၤနသးလီၤ. ဖဲပှၤတဂၤဂၤမၤကမၣ်နၤန့ၣ်, နမ့ၢ်ကွၢ်ကပာ်ကွံာ်အီၤဒီးတၢ်န့ၣ် မ့ၢ်တၢ်ဂ့ၤတၢ်ဝါဖးဒိၣ်တမံၤလီၤ.

တၢ်ကတိၤဒိ. 20:21

နမၤန့ၢ်နတၢ်ထူးတၢ်တီၤဒံးညီ, အတၢ်မၤဂ့ၤနၤကဒံးစှၤဝဲလီၤ.

တၢ်ကတိၤဒိ. 24:29

“ယကမၤအီၤဒ်တၢ်လၢအဝဲမၤတ့ၢ်ယၤအသိး, ယကဟ့ၣ်ကၣ်အီၤဒ်အမၤယၤအသိးလီၤ” န့ၣ်စံးတဂ့ၤ.

လံာ်ယၡါယၤ 40:31

မ့မ့ၢ်ပှၤလၢအနာ်ယွၤ, လၢတၢ်မၤစၢၤအဂီၢ်တဖၣ်န့ၣ်ကထံၣ်ဝဲလၢ အတၢ်ဂံၢ်တၢ်ဘါဘၣ်တၢ်မၤသီထီၣ်က့ၤအီၤန့ၣ်လီၤ. ကယူာ်ထီၣ်အဒံးဆ့တဖၣ်ဒ်လံာ်ဧိၤတြၤဧိၤအသိးလီၤ. ကဃ့ၢ်ဝဲဒီးအသးတလီၤစၢ်လီၤဘှါဘၣ်. အဝဲသ့ၣ်ကလဲၤတၢ်ဒီးအဂံၢ်အဘါတလီၤစၢ်ဝဲဘၣ်.

လံာ်တၢ်ဘူၣ်ထီၣ်ဘါထီၣ် 19:18

မၤဆၢတၢ်အၢလၢပှၤနီတဂၤတဂ့ၤ. ဒီးသးဟ့စ့ၢ်ကီးအီၤတဂ့ၤ. မ့မ့ၢ်အဲၣ်ပှၤလၢသုဃၢၤဒ်သု အဲၣ်လီၤသုသးဒၣ်ဝဲအသိးန့ၣ်တက့ၢ်. ယဲဒၣ်အံၤယမ့ၢ်ယွၤလီၤ.

လံာ်မးသဲ 5:39

ဘၣ်ဆၣ်ဒီးအခဲအံၤယစံးဘၣ်သု, လၢသုသုတမၤကၣ်ပှၤလၢအမၤအၢသုတဂၤတဂ့ၤ. ပှၤတဂၤဂၤမ့ၢ်ဒဲနမဲာ်လၢအထွဲတခီဒီးဃၣ်န့ၢ်အီၤလၢအစ့ၣ် တခီစ့ၢ်ကီးတက့ၢ်.

လံာ်သိၣ်လီၤသီလီၤတၢ် 32:35

ယွၤကဟ့ၣ်ကၣ်တၢ်ဒီးစံၣ်ညီၣ်အဝဲသ့ၣ်, တၢ်ဆၢကတီၢ်ကတုၤဝဲဖဲအဝဲသ့ၣ်ကဟးဂီၤကွံာ်, အဝဲသ့ၣ်အတၢ်ဘၣ်စံၣ်ညီၣ်ဃါမနၤအမုၢ်နံၤန့ၣ် ဘူးထီၣ်ဝဲလံ.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.

၁ ပ့းတရူး 4:19

လၢတၢ်န့ၣ်အဃိ, ပှၤတဖၣ်လၢအတူၢ်ဘၣ်တၢ်လၢကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်အဃိန့ၣ်ကြၢးဟ့ၣ်လီၤအးလီၤအသးလၢာ်လၢာ်ဆ့ဆ့ဆူ အဝဲသ့ၣ်အတၢ်ဘၣ်တ့ကစၢ်တဂၤလၢထီဘိဟံးဃာ်ကျၢၤအတၢ်အၢၣ်လီၤအီလီၤအစုပူၤခီဖျိလၢ အဝဲသ့ၣ်အတၢ်မၤအဂ့ၤအဝါတဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:13

စီၤဒၤဝံးဟ့ၣ်လီၤအကလုၢ်စံးဝဲ, “ကံာ်ထီၣ်သုနးတဖၣ်တ က့ၢ်.” ဒီးအဝဲသ့ၣ်မၤဝဲလီၤ. စီၤဒၤဝံးစ့ၢ်ကီးကံာ်ထီၣ်အနးဒီး ဟးထီၣ်ဃုာ်ဒီးအပှၤအဂၤလွံၢ်ကယၤဃၣ်ဃၣ်ဒီးပာ်တ့ၢ်ဝဲပှၤအဂၤ ခံကယၤလၢလီၢ်ခံဒ်သိးကဆှၢထီၣ်တၢ်အီၣ်တၢ်အီ တၢ်ဖိတၢ်လံၤ တဖၣ်အဂီၢ်လီၤ.