တၢ်ကတိၤဒိ. 20:12 - Sgaw Karen Common Bible

¹² ယွၤဟ့ၣ်တ့ၢ်လံပှၤမဲာ်ချံတဖၣ်လၢကထံၣ်တၢ်အဂီၢ်ဒီးနၢ်တဖၣ်လၢ ကဒိကနၣ်တၢ်အဂီၢ်လီၤ.

တၢ်ကတိၤဒိ. 20:12 Iomraidhean Croise

စံးထီၣ်ပတြၢၤ 119:18

အိးထီၣ်ယမဲာ်တက့ၢ်. ဒီးယကထံၣ်ဘၣ်တၢ်နတၢ်မ့ၢ်တၢ်တီလီၤလိၢ်လီၤလးတဖၣ်လၢ နတၢ်သိၣ်တၢ်သီအပူၤလီၤ.

စံးထီၣ်ပတြၢၤ 94:9

ကစၢ်ယွၤလၢအတ့လီၤပနၢ်တဂၤန့ၣ်, တနၢ်ဟူတၢ်ဘၣ်ဧါ. ကစၢ်ယွၤလၢအတ့လီၤပမဲာ်ချံတဂၤန့ၣ် တထံၣ်တၢ်ဘၣ်ဧါ.

လံာ်တၢ်ဟးထီၣ်ကွံာ် 4:11

ဒီးယွၤစံးဘၣ်အီၤ, “မ့ၢ်မတၤတ့ပှၤကညီအထးခိၣ်လဲၣ်. ပှၤတအုၣ်, ပှၤနၢ်တအၢ, ပှၤထံၣ်တၢ်သ့ဒီးပှၤမဲာ်ဘျီၣ်န့ၣ်မ့ၢ် မတၤဒုးကဲထီၣ်အီၤတဂၤလဲၣ်. ယၤ, ယွၤတမ့ၢ်ဘၣ်ဧါ.

တၢ်ကတိၤဒိ. 25:12

ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.

လံာ်ယၡါယၤ 29:18

ဖဲမုၢ်နံၤန့ၣ်ဟဲတုၤဝဲဒီး, ပှၤနၢ်တအၢနၢ်ဟူလံာ်တဘ့ၣ်ဘၣ် တၢ်ဖးအီၤလၢကလုၢ်ဖးဒိၣ်ကသ့, ဒီးပှၤမဲာ်ဘျီၣ်, လၢအအိၣ်မူတ့ၢ်လၢ တၢ်ခံးတၢ်နၤအပူၤန့ၣ်, ကအိးထီၣ်အမဲာ်ချံဒီးကထံၣ်တၢ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

1 ကရံၣ်သူး 12:17

နီၢ်ဒီဂၤညါမ့မ့ၢ်ဒၣ်မဲာ်ချံတတိၣ်န့ၣ်ကနၢ်ဟူတၢ်လၢကျဲဒ်လဲၣ်. ဒီးမ့မ့ၢ်ဒၣ်နၢ်တခီန့ၣ်ကနၢဘၣ်တၢ်လၢကျဲဒ်လဲၣ်.