တၢ်ကတိၤဒိ. 2:4 - Sgaw Karen Common Bible

⁴ ဃုအီၤဆူၣ်ဆူၣ်ဒ်နဃုစ့, မ့တမ့ၢ်ဒ်တၢ်လုၢ်ဒိၣ်ပှ့ၤဒိၣ်အိၣ်ခူ သူၣ်တနီၤနီၤအသိးတက့ၢ်.

တၢ်ကတိၤဒိ. 2:4 Iomraidhean Croise

လံာ်တၢ်ကဲထီၣ်အခီၣ်ထံး 26:32

ဒီးလၢမုၢ်တနံၤန့ၣ်စီၤအံၤစဲးအခ့အပှၤတဖၣ်ဟဲဒီးတဲဘၣ်အီၤ လၢထံပူၤလၢအဝဲသ့ၣ်ခူၣ်တ့ၢ်ဝဲတပူၤအဂ့ၢ်န့ၣ်လီၤ. အဝဲသ့ၣ်စံးဝဲ, “ပထံၣ်န့ၢ်ထံလံ.”

လံာ်စီၤယိၤဘး 3:21

အဝဲသ့ၣ်ဆၢသံဘၣ်ဆၣ်တၢ်သံတဟဲတုၤအိၣ်အီၤဘၣ်. ဒီးဘၣ်ဃုဝဲတၢ်သွၣ်ခိၣ်ဒ်တၢ်လုၢ်ဒိၣ်ပှ့ၤဒိၣ်လၢအဘၣ်တၢ်ပာ် ခူသူၣ်အီၤအသိးန့ၣ်လီၤ.

စံးထီၣ်ပတြၢၤ 119:127

မၤသးဒ်န့ၣ်ဒီးယအဲၣ်နတၢ်မၤလိာ်တဖၣ် အါန့ၢ်ထူဧိၤလွဲဧိၤ, ဒီးထူစီတက့ၢ်လီၤ.

စံးထီၣ်ပတြၢၤ 119:14

ယမုာ်လၤသးခုလၢတၢ်ပိာ်ထွဲနတၢ်မၤလိာ်သ့ၣ်တဖၣ် ဒိၣ်န့ၢ်တၢ်အိၣ်ဒီးတၢ်စုလီၢ်ခီၣ်ခိၣ်လၢ အအါန့ၣ်လီၤ.

စံးထီၣ်ပတြၢၤ 119:72

နတၢ်သိၣ်တၢ်သီလၢနထးခိၣ်အံၤ ဂ့ၤဝဲလၢယဂီၢ်ဒိၣ်န့ၢ်ဒံးထူဧိၤလွဲဧိၤ ဒီး ကျိၣ်ဧိၤစ့ဧိၤအကထိတဖၣ်တက့ၢ်န့ၣ်လီၤ.

စံးထီၣ်ပတြၢၤ 19:10

ပဆၢဒိးန့ၢ်ဘၣ်အီၤအလီၢ်အိၣ်ဒိၣ်န့ၢ်ထူ, ဒီးဒိၣ်န့ၢ်ထူအစီလၢအအါတက့ၢ်န့ၣ်လီၤ. မ့ၢ်အဆၢန့ၢ်ကနဲစီ, ဒီးကနဲစီလၢအလီၤစီၤလၢ ကနဲအခိၣ်ထံအလိၤတက့ၢ်န့ၣ်လီၤ.

တၢ်ကတိၤဒိ. 16:16

တၢ်န့ၢ်ဘၣ်တၢ်ကူၣ်သ့န့ၣ်ဂ့ၤန့ၢ်ထူတက့ၢ်လီၤ. ဒီးတၢ်န့ၢ်ဘၣ်တၢ်ကူၣ်တၢ်ဆးန့ၣ်ဂ့ၤလၢပှၤဃုထၢအီၤအါန့ၢ်စ့ တက့ၢ်လီၤ.

တၢ်ကတိၤဒိ. 2:3

မ့ၢ်ဝဲလီၤ. ဃ့န့ၢ်တၢ်သ့ၣ်ညါဒီးသကွံၢ်ကညးတၢ်လၢတၢ်ထံၣ်တၢ် လၢသးအမဲာ်အဂီၢ်တက့ၢ်.

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

တၢ်ကတိၤဒိ. 4:7

တၢ်မၤန့ၢ်တၢ်ကူၣ်သ့, မ့ၢ်တၢ်အကါဒိၣ်ကတၢၢ်လၢနမၤအီၤသ့လီၤ. မၤန့ၢ်တၢ်ထံၣ်တၢ်လၢသးအမဲာ်လၢတၢ်တမံၤလၢ်လၢ်လၢနမၤန့ၢ်အီၤ အပူၤန့ၣ်တက့ၢ်.

တၢ်ကတိၤဒိ. 8:17

ယအဲၣ်ပှၤတဖၣ်လၢအအဲၣ်ယၤဒီးပှၤလၢအဃုယၤန့ၣ်, ကထံၣ်န့ၢ်ယၤလီၤ.

လံာ်ပှၤစံၣ်တဲၤတဲလီၤတၢ် 4:8

တၢ်အံၤမ့ၢ်ပှၤအိၣ်ဝဲတဂၤလၢအအိၣ်ဒၣ်ထဲတဂၤဧိၤန့ၣ်လီၤ. အဖိခွါတအိၣ်, အဒီပုၢ်ဝဲၢ်တအိၣ်နီတဂၤသနာ်က့အဝဲမၤတၢ်တထံၣ် ဃီဒီးတသးမံဒံးဝဲလၢတၢ်ထူးတၢ်တီၤလၢအအိၣ်ဒီးအီၤန့ၣ် ဘၣ်. မ့ၢ်အဝဲမၤတၢ်ဆူၣ်ထဲအံၤညါဒီးညိကွံာ်အတၢ်မုာ်လၤသးဖှံလၢ မတၤတဂၤအဂီၢ်န့ၣ်လဲၣ်. အအံၤစ့ၢ်ကီးမ့ၢ်တၢ်လၢအဘျုးတအိၣ်ဘၣ်ဒီးမ့ၢ်တၢ်ဘၣ်ကိၢ်ဘၣ် ဂီၤအတၢ်အိၣ်မူန့ၣ်လီၤ.

လံာ်မးသဲ 13:44

မူခိၣ်အဘီအမုၢ်န့ၣ်လီၤဂာ်ဒီးတၢ်လုၢ်ဒိၣ်ပှ့ၤဒိၣ်လၢ အဘၣ်တၢ်ပာ်ခူသူၣ်အီၤလၢစံာ်ပျီတဘ့ၣ်အပူၤလီၤ. ပှၤလၢအထံၣ်န့ၢ်ဝဲတဂၤန့ၣ်, မၤဘံၣ်မၤဘၢအီၤဝံၤဒီး လၢတၢ်သးခုအပူၤ, လဲၤဒီးဆါကွံာ်တၢ်လၢအအိၣ်ဒီးအီၤခဲ လၢာ်, ဒီးဟဲက့ၤပှ့ၤစံာ်ပျီအဝဲန့ၣ်လီၤ.

လံာ်မးသဲ 19:29

ဒီးပှၤတဂၤလၢ်လၢ်လၢအပာ်တ့ၢ်အဟံၣ်တဖၣ်မ့ၢ်ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့ၢ်ဂ့ၤ, အမိၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အဟီၣ်ခိၣ်မ့ၢ်ဂ့ၤ, လၢယမံၤအဃိန့ၣ်, ကဒိးန့ၢ်အါထီၣ်က့ၤဝဲအစးတကယၤဒီးကန့ၢ်သါဘၣ်တၢ်မူအထူ အယိာ်လီၤ.

လံာ်လူၤကၣ် 16:8

ပှၤပၢၤတၢ်စုလီၢ်ခီၣ်ခိၣ်တဂၤအံၤအကစၢ်စံးထီၣ်ပတြၢၤအီၤလၢ အမၤတၢ်လၢအလၢပှဲၤဒီးတၢ်ကူၣ်ဘၣ်ဖးသ့ဒ်အံၤအသိးအဃိန့ၣ်လီၤ. အဂ့ၢ်ဒ်အံၤ, ဖဲလၢအဘၣ်ဃးဒီးတၢ်ကွၢ်ထွဲသုးကျဲၤတၢ်လၢ အတၢ်ဂ့ၢ်တၢ်ကျိၤတဖၣ်အဂ့ၢ်န့ၣ်ပှၤလၢဟီၣ်ခိၣ်တစိၤအံၤတဖၣ် ကူၣ်ဘၣ်ဖးသ့ဒိၣ်န့ၢ်ပှၤဘၣ်ဃးဒီးတၢ်ကပီၤတဖၣ်, တက့ၢ်လီၤ.”