တၢ်ကတိၤဒိ. 2:21 - Sgaw Karen Common Bible

²¹ အဂ့ၢ်ဒ်အံၤ, ပှၤအတီအလိၤတဖၣ်, လၢအတၢ်အိၣ်မူလၢဝဲပှဲၤဝဲန့ၣ် ကအိၣ်ကဆိးလၢအထံဧိၤကီၢ်ဧိၤအပူၤလီၤ.

တၢ်ကတိၤဒိ. 2:21 Iomraidhean Croise

လံာ်စီၤယိၤဘး 1:1

ပှၤတဂၤလၢအမံၤမ့ၢ်ဝဲစီၤယိၤဘးန့ၣ်အိၣ်ဝဲဒၣ်လၢကီၢ်ဧူးစး အပူၤန့ၣ်လီၤ. အဝဲမ့ၢ်ပှၤလၢတၢ်ပာ်တၢ်ကမၣ်လၢအလိၤအလီၢ်တအိၣ်, ပှၤအတီအလိၤ, ပှၤလၢအပျံၤယွၤဒီးဟးဆှဲးတၢ်အၢတဂၤ န့ၣ်လီၤ.

လံာ်စီၤယိၤဘး 42:12

ဒီးယွၤဆိၣ်ဂ့ၤစီၤယိၤဘးအတၢ်အိၣ်မူလၢခံတပတီၢ်အါန့ၢ် ဒံးအဆိၣ်ဂ့ၤတ့ၢ်အီၤလၢအခီၣ်ထံးန့ၣ်လီၤ. စီၤယိၤဘးအိၣ်ဝဲဒီးသိတကလးလွံၢ်ကထိ, ကီၤလၤအူးဃု ကထိ, ဂီၤဖံးအဆိတကထိဒီးကသ့ၣ်ယီၤမိၢ်တကထိလီၤ.

စံးထီၣ်ပတြၢၤ 37:11

မ့မ့ၢ်ပှၤလၢအဆီၣ်လီၤအသးတဖၣ် ကဒိးန့ၢ်ဘၣ်ထံဧိၤကီၢ်ဧိၤ ဒီးကမုာ်လၤသးခုလၢတၢ်ဘီၣ်တၢ်ညီ ဒီးတၢ်ဃူတၢ်ဖိးအပူၤလီၤ.

စံးထီၣ်ပတြၢၤ 37:18

ယွၤကွၢ်ထွဲပှၤလၢအဒိကနၣ်အီၤ, ဒီးအတၢ်န့ၢ်သါန့ၣ်ကအိၣ်ဝဲလီၤစိၤလီၤထီလီၤ.

စံးထီၣ်ပတြၢၤ 37:22

ပှၤလၢအဘၣ်တၢ်ဆိၣ်ဂ့ၤလၢယွၤန့ၣ် ကဒိးန့ၢ်ဘၣ်ထံဧိၤကီၢ်ဧိၤ, ဘၣ်ဆၣ်ပှၤလၢအဘၣ်တၢ်ဆိၣ်အၢလၢအီၤန့ၣ် ကဘၣ်တၢ်ဒီၣ်တဲာ်ကွံာ်အီၤလီၤ.

စံးထီၣ်ပတြၢၤ 37:29

ပှၤတီပှၤလိၤကဒိးန့ၢ်ဘၣ်ထံဧိၤကီၢ်ဧိၤ ဒီးကအိၣ်ဝဲဆိးဝဲလၢအပူၤလီၤစိၤလီၤထီလီၤ.

စံးထီၣ်ပတြၢၤ 37:3

သန့ၤနသးလၢယွၤဒီးမၤတၢ်ဂ့ၤတက့ၢ်. အန့ၣ်ဒီးနကအိၣ်နဲကဆိးနဲလၢထံဧိၤကီၢ်ဧိၤအပူၤ ဒီးမုာ်လၤသးခုလၢတၢ်ပူၤဖျဲးအပူၤန့ၣ်တက့ၢ်.

စံးထီၣ်ပတြၢၤ 37:9

အဂ့ၢ်ဒ်အံၤ, ပှၤအၢပှၤသီကဘၣ်တၢ်ဒီၣ်တဲာ်ကွံာ်အီၤ, ဘၣ်ဆၣ်ပှၤလၢအမုၢ်လၢ်တၢ်လၢယွၤန့ၣ်, ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

တၢ်ကတိၤဒိ. 10:30

ပှၤအတီအလိၤကအိၣ်ဂၢၢ်ဆိးကျၢၤတဘိယူၢ်ဃီလီၤ. မ့မ့ၢ်, ပှၤတတီတလိၤန့ၣ်တအိၣ်ဘၣ်ဝဲလၢထံဧိၤကီၢ်ဧိၤအပူၤဘၣ်.

တၢ်ကတိၤဒိ. 28:10

နမ့ၢ်ကူၣ်လီန့ၢ်ပှၤတီပှၤလိၤတဂၤလၢကမၤတၢ်အၢဒီး, နကလီၤတဲာ်နုာ်ဆူနပျံၤသကွီၤဒၣ်နဲအပူၤလီၤ. ပှၤလၢအတသ့ၣ်ညါဘၣ်တၢ်အၢတၢ်သီန့ၢ်ဘၣ်တၢ်ဟ့ၣ်ဘျုး အဂ့ၤတမံၤလီၤ.