တၢ်ကတိၤဒိ. 2:20 - Sgaw Karen Common Bible

²⁰ လၢတၢ်န့ၣ်အဃိ, နကဘၣ်ပိာ်ထွဲပှၤအဂ့ၤတဖၣ်အဒိဂ့ၤတဲာ်ဘၣ်, ဒီးအိၣ်မူတၢ်အိၣ်မူအတီအလိၤန့ၣ်လီၤ.

တၢ်ကတိၤဒိ. 2:20 Iomraidhean Croise

စံးထီၣ်ပတြၢၤ 119:115

ပှၤမၤတၢ်အၢသ့ၣ်တဖၣ်ဧၢ, ဟးဖးဒီးယၤ, ဒ်သိးယကတိၢ်န့ၢ်ဟံးဃာ် ယကစၢ်အတၢ်မၤလိာ်တဖၣ်န့ၣ်တက့ၢ်.

စံးထီၣ်ပတြၢၤ 119:63

ယဒီတံၤဒီသကိးဒီးကယဲၢ်ပှၤလၢအပျံၤနၤ, ဒီးတိၢ်န့ၢ်ဖံးဃာ်နတၢ်မၤလိာ်တဖၣ်န့ၣ်လီၤ.

တၢ်ကတိၤဒိ. 13:20

လဲၤတၢ်ဒီးပှၤကူၣ်သ့ဒီးနကကဲထီၣ်ပှၤကူၣ်သ့န့ၣ်လီၤ. နမ့ၢ်မၤတံၤမၤသကိးဒီးပှၤဟးဂီၤဖိတဖၣ်န့ၣ်နကဟးဂီၤလီၤ.

တၢ်ကတိၤဒိ. 4:11

ယသိၣ်လိတ့ၢ်နၤလၢတၢ်ကူၣ်သ့ဒီးကျဲအဘၣ်လၢနကအိၣ်မူထွဲ အဂီၢ်လီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

တၢ်ကတိၤဒိ. 8:20

ယလဲၤတၢ်လၢကျဲတီကျဲလိၤအပူၤ ဒီးယပိာ်ထွဲတၢ်စံၣ်ညီၣ်တီအကျဲတဖၣ်လီၤ.

လံာ်ယံးရမံယၤ 6:16

ယွၤစံးဘၣ်တ့ၢ်အပှၤဂီၢ်မုၢ်, “ဆၢထၢၣ်ဖဲကျဲဘၣ်သဂၢၢ်လိာ်သးဒီးကွၢ်တၢ်တက့ၢ်. သံကွၢ်က့ၤကျဲဖိလၢပျၢၤတဖၣ်ဒီး, ကျဲမုၢ်အဂ့ၤကတၢၢ်အိၣ်ဝဲဖဲလဲၣ်န့ၣ်တက့ၢ်. လဲၤတၢ်လၢအပူၤဒီး သုကအိၣ်မူဘၣ်လၢတၢ်ဃူတၢ်မုာ်အပူၤန့ၣ်လီၤ.” ဘၣ်ဆၣ်ဒီးအဝဲသ့ၣ်စံးဝဲ, “ပတလဲၤပိာ်ဘၣ်.”

ဧ့ၤဘြံၤ 6:12

မ်သုသုတကၢၣ်တကျူတဂ့ၤ, မ့မ့ၢ်မ်သုကကွၢ်လိမၤ ဒိးပှၤလၢအနာ်တၢ်ဒီးဝံသးစူၤတၢ်ဒီးန့ၢ်သါဃုာ်တၢ်လၢ ကစၢ်ယွၤစံးပာ်တ့ၢ်ဝဲတဖၣ်န့ၣ်တက့ၢ်.

၃ ယိၤဟၣ် 1:11

ယတံၤသကိးသးဘိဧၢ, တဘၣ်ကွၢ်လိမၤဒိးတၢ်အၢတၢ်သီတဂ့ၤ. မ့မ့ၢ်, ကွၢ်လိမၤဒိးတၢ်ဂ့ၤန့ၣ်တက့ၢ်. ပှၤတဂၤဂ့ၤတဂၤဂ့ၤလၢ အမၤတၢ်ဂ့ၤန့ၣ်ဘၣ်ဃးဒီးကစၢ်ယွၤ, ဒီးပှၤတဂၤဂ့ၤတဂၤဂ့ၤလၢ အမၤတၢ်အၢန့ၣ်တထံၣ်ဘၣ်ဒံးကစၢ်ယွၤဘၣ်.