တၢ်ကတိၤဒိ. 2:1 - Sgaw Karen Common Bible

¹ ယဖိခွါဧၢ, မၤလိတၢ်လၢယသိၣ်လိနၤ, ဒီးတၢ်လၢယမၤလိာ်နၤဒ်သိး နကမၤန့ၣ်, သးပ့ၤနီၣ်အီၤနီတစုတဂ့ၤ.

တၢ်ကတိၤဒိ. 2:1 Iomraidhean Croise

လံာ်စီၤယိၤဘး 23:12

တၢ်လၢကစၢ်ယွၤမၤလိာ်ဝဲတဖၣ်န့ၣ်ယမၤယဲထီဘိလီၤ. ယပိာ်ထွဲယဲတၢ်ဘၣ်အသး, တမ့ၢ်ဘၣ်ယသးအတၢ်ဆၢန့ၢ် တဖၣ်န့ၣ်ဘၣ်.

စံးထီၣ်ပတြၢၤ 90:12

အဃိဒီး, သိၣ်လိပှၤဒ်သိးပကဂံၢ်ပမုၢ်နံၤတဖၣ်, ဒီးပကန့ၢ်ဘၣ် သးအတၢ်ကူၣ်ဘၣ်ကူၣ်သ့န့ၣ်တက့ၢ်.

တၢ်ကတိၤဒိ. 1:3

တၢ်န့ၣ်တဖၣ်သိၣ်လိသုဒ်သိးသုအိၣ်မူလၢတၢ်သူၣ်ဆးသးဆး အပူၤဒ်လဲၣ်ဒ်လဲၣ်ကသ့ဒီးတၢ်ကဘၣ်အိၣ်မူတီတီလိၤလိၤ, စံၣ်ညီၣ်တီတၢ်ဒီးတၢ်တကွၢ်မဲာ်ဘၣ်တၢ်ဒ်လဲၣ်ဒ်လဲၣ်အဂီၢ်န့ၣ် လီၤ.

တၢ်ကတိၤဒိ. 28:7

ပှၤသးစၢ်တဂၤလၢအဒိကနၣ်တၢ်သိၣ်တၢ်သီန့ၣ်မ့ၢ်ပှၤအိၣ်ဒီးတၢ် သူၣ်ဆးသးဆးလီၤ. မ့မ့ၢ်ပှၤတဂၤလၢအဒီတံၤဒီသကိးဒီးပှၤတဂိာ်တသီၣ်ဘၣ်တဖၣ်န့ၣ် မ့ၢ်တၢ်မဲာ်ဆှးလၢအပၢ်အဂီၢ်လီၤ.

တၢ်ကတိၤဒိ. 3:1

ယဖိခွါဧၢ, သးပ့ၤနီၣ်ယသိၣ်က့ၤသီက့ၤတၢ်တဂ့ၤ. တၢ်လၢယမၤလိာ်နၤဒ်သိးနကမၤအီၤန့ၣ်ဟံးဃာ်အီၤထီဘိ တက့ၢ်.

တၢ်ကတိၤဒိ. 4:1

ယဖိခွါသ့ၣ်ဧၢ, ဒိကနၣ်တၢ်လၢသုပၢ်သိၣ်လိသီလိသုတက့ၢ်. ပာ်သူၣ်ပာ်သးသပှၢ်ပှၢ်ဒီးသုကအိၣ်ဒီးတၢ်သ့ၣ်ညါနၢ်ပၢၢ်လီၤ.

တၢ်ကတိၤဒိ. 4:10

ယဖိခွါဧၢ, ဒိကနၣ်ယၤတက့ၢ်. တၢ်လၢယစံးဘၣ်နၤန့ၣ်, တူၢ်လိာ်ပာ်ကဲအီၤလ့ၤတုာ်လ့ၤတီၤတက့ၢ်. ဒီးနကအိၣ်မူအါနံၣ်အါလါလီၤ.

တၢ်ကတိၤဒိ. 6:21

ဟံးဃာ်အဝဲသ့ၣ်အတၢ်ကတိၤတဖၣ်ဒီးနၤတထံၣ်ဃီဒီးစၢတံၢ်အီၤလၢ နသးအလိၤတက့ၢ်.

တၢ်ကတိၤဒိ. 7:1

ယဖိခွါဧၢ, သ့ၣ်နီၣ်ထီၣ်က့ၤတၢ်လၢယစံးဒီးတၢ်လၢ ယမၢနမၤန့ၣ်သးပ့ၤနီၣ်နီတစုတဂ့ၤ.

တၢ်ကတိၤဒိ. 8:1

ဒိကနၣ်တက့ၢ်. တၢ်ကူၣ်သ့ကိးထီၣ်ဝဲ ဒီးတၢ်ကူၣ်တၢ်ဆးမၤဟူထီၣ်အကလုၢ်ဒၣ်ဝဲလီၤ.

တၢ်ကတိၤဒိ. 9:1

တၢ်ကူၣ်သ့သူၣ်ထီၣ်အဟံၣ်လံဒီးမၤဝဲအထူၣ်နွံထူၣ်လၢအဂီၢ်လီၤ.

လံာ်မးသဲ 13:44

မူခိၣ်အဘီအမုၢ်န့ၣ်လီၤဂာ်ဒီးတၢ်လုၢ်ဒိၣ်ပှ့ၤဒိၣ်လၢ အဘၣ်တၢ်ပာ်ခူသူၣ်အီၤလၢစံာ်ပျီတဘ့ၣ်အပူၤလီၤ. ပှၤလၢအထံၣ်န့ၢ်ဝဲတဂၤန့ၣ်, မၤဘံၣ်မၤဘၢအီၤဝံၤဒီး လၢတၢ်သးခုအပူၤ, လဲၤဒီးဆါကွံာ်တၢ်လၢအအိၣ်ဒီးအီၤခဲ လၢာ်, ဒီးဟဲက့ၤပှ့ၤစံာ်ပျီအဝဲန့ၣ်လီၤ.

လံာ်လူၤကၣ် 2:19

နီၢ်မၤရံတိၢ်နီၣ်ဃာ်တၢ်ဂ့ၢ်တၢ်ကျိၤသ့ၣ်တဖၣ်အံၤခဲလၢာ် ဒီးဆိကမိၣ်ဝဲလၢအဂ့ၢ်လီၤ.

လံာ်လူၤကၣ် 2:51

မၤသးဒ်န့ၣ်ဒီးယ့ၣ်ၡူးက့ၤကဒါက့ၤဒီးအဝဲသ့ၣ်ဆူဝ့ၢ်နစၤရ့းဒီးဖဲန့ၣ် အဝဲဒၣ်စူၢ်အဝဲသ့ၣ်အကလုၢ်လီၤ. တၢ်ဂ့ၢ်တၢ်ကျိၤသ့ၣ်တဖၣ်အံၤခဲလၢာ် န့ၣ်အဝဲဒၣ်အမိၢ်တိၢ်နီၣ်ဃာ်ဝဲလၢအသးကံၢ်ပူၤလီၤ.

လံာ်လူၤကၣ် 9:44

“တၢ်လၢယကစံးဘၣ်တဲဘၣ်သုခဲကနံၣ်အံၤန့ၣ်, တဘၣ်သးပ့ၤနီၣ်တဂ့ၤ. ပှၤကညီဖိခွါအံၤကဘၣ်တၢ်ဟ့ၣ်လီၤကွံာ်အီၤဆူပှၤကညီအစိ ကမီၤအစုပူၤလီၤ.”

လံာ်သိၣ်လီၤသီလီၤတၢ် 30:13

တအိၣ်စ့ၢ်ကီးဘၣ်လၢပီၣ်လဲၣ်အဝၢ်ဘးခီဘၣ်. တလိၣ်လၢသု ကဘၣ်သံကွၢ်, (မ့ၢ်မတၤကလဲၤခီဂာ်ပီၣ်လဲၣ်ဒီးဟဲက့ၤစိာ်န့ၢ် ပှၤဒ်သိးပကနၢ်ဟူဘၣ်အီၤဒီးစူၢ်အီၤကသ့လဲၣ်.) န့ၣ်ဘၣ်.

၁ တံၤမသ့း 1:15

အအံၤမ့ၢ်တၢ်ကတိၤအမ့ၢ်အတီလၢပှၤဂ့ၤတူၢ်လိာ်ဒီးနာ် အီၤလၢာ်လၢာ်ဆ့ဆ့, လၢယ့ၣ်ၡူးခရံာ်ဟဲလီၤဆူဟီၣ်ခိၣ်ချၢဒ်သိးအကအုၣ်က့ၤ ခီၣ်က့ၤပှၤတၢ်ဒဲးဘးဖိတဖၣ်လၢယမ့ၢ်အဒိၣ်ကတၢၢ်တဂၤ န့ၣ်လီၤ.