တၢ်ကတိၤဒိ. 19:8 - Sgaw Karen Common Bible

⁸ မၤဘျုးလီၤနသးတမံၤဒီးမၤလိကယဲၢ်တၢ်လၢနမၤသ့န့ၣ်တက့ၢ်. အန့ၣ်ဝံၤဒီးသ့ၣ်နီၣ်ထီၣ်တၢ်လၢနမၤလိတ့ၢ်ဒီး နကဘီၣ်ထီၣ်ညီထီၣ်လီၤ.

တၢ်ကတိၤဒိ. 19:8 Iomraidhean Croise

စံးထီၣ်ပတြၢၤ 19:11

နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤလၢအတိၢ်န့ၢ်အီၤန့ၣ် ဒိးန့ၢ်အဘျုးဖးဒိၣ်လီၤ.

တၢ်ကတိၤဒိ. 16:20

ပာ်သူၣ်ပာ်သးသပှၢ်ပှၢ်လၢတၢ်လၢနဘၣ်တၢ်သိၣ်လိတ့ၢ်နၤဒီးနမၤတၢ် ကကဲထီၣ်လိၣ်ထီၣ်လီၤ. သန့ၤနသးလၢယွၤဒီးနကဘၣ်ဆိၣ်ဂ့ၤလီၤ.

တၢ်ကတိၤဒိ. 17:16

ပှၤဟးဂီၤဖိမၤလၢာ်စ့လၢတၢ်မၤလိမၤဒိးအဂီၢ်န့ၣ်တမၤဂ့ၤ ဘၣ်အီၤဘၣ်. အဂ့ၢ်ဒ်အံၤ, အတၢ်ဆိကမိၣ်ကွၢ်ထံကွၢ်ဆးတအိၣ်ဘၣ်အဃိလီၤ.

တၢ်ကတိၤဒိ. 19:9

ပှၤလၢအကတိၤတၢ်လီတၢ်ဝ့ၤတဖၣ်လၢကွီၢ်ဘျီၣ်ပူၤန့ၣ်ပူၤဖျဲး ဒီးတၢ်စံၣ်ညီၣ်တသ့ဘၣ်နီတဂၤဘၣ်. အဝဲဘၣ်တၢ်စံၣ်ညီၣ်ဃါမနၤလီၤ.

တၢ်ကတိၤဒိ. 22:18

ဒီးနသ့ၣ်နီၣ်ထီၣ်အီၤဒီးယၢၤထီၣ်က့ၤအီၤမ့ၢ်သ့ဒီး, နကသးခုနဲလီၤ.

တၢ်ကတိၤဒိ. 3:18

ပှၤလၢအကဲထီၣ်ပှၤကူၣ်သ့တဖၣ်န့ၣ်, ဘၣ်ဆိၣ်ဂ့ၤဝဲနီၢ်နီၢ်လီၤ. တၢ်ကူၣ်သ့ကဟ့ၣ်အဝဲသ့ၣ်လၢတၢ်မူလီၤ.

တၢ်ကတိၤဒိ. 3:21

ယဖိခွါဧၢ, ဟံးဃာ်နတၢ်ကူၣ်သ့ဒီးတၢ်ထံၣ်တၢ်လၢသးအမဲာ်တက့ၢ်. ပျဲတၢ်သ့ၣ်ညါတဖၣ်အံၤဟးဖးဒီးနၤလ့ၤတက့ၤတဂ့ၤ.

တၢ်ကတိၤဒိ. 3:22

အဝဲသ့ၣ်ကဟ့ၣ်နၤလၢတၢ်မူ, တၢ်မူလၢအအိၣ်ဒီးတၢ်သူၣ်ဖှံ သးညီဒီးတၢ်ဘၣ်ဆိၣ်ဂ့ၤနီၢ်နီၢ်န့ၣ်လီၤ.

တၢ်ကတိၤဒိ. 4:21

ပျဲအလဲၤပူၤကွံာ်နၤနီတစုတဂ့ၤ. သ့ၣ်နီၣ်ထီၣ်အီၤဒီးပၢၤ အီၤလၢနသးကံၢ်ပူၤတက့ၢ်.

တၢ်ကတိၤဒိ. 4:4

ယပၢ်သိၣ်လိသီလိယၤလီၤ. အဝဲစံးဝဲ, “သ့ၣ်နီၣ်ထီၣ်တၢ်လၢ ယစံးဘၣ်နၤဒီးသးပ့ၤနီၣ်အီၤနီတစုတဂ့ၤ. မၤဒ်ယစံးဘၣ်နၤအသိးဒီးနကမူလီၤ.

တၢ်ကတိၤဒိ. 4:6

ညိကွံာ်တၢ်ကူၣ်သ့တဂ့ၤ. ဒီးအဝဲဒၣ်ကဒီဒၣ်နၤလီၤ. အဲၣ်အီၤတက့ၢ်. ဒီးအဝဲဒၣ်ကပၢၤဃာ်နၤလီၤ.

လံာ်ယဃ့းစက့လး 36:26

ယကဟ့ၣ်လီၤသုလၢသးအသီတဖျၢၣ်ဒီးတၢ်ပာ်သူၣ်ပာ်သးအသီ တမံၤန့ၣ်လီၤ. ယကဟံးထီၣ်ကွံာ်သုသးလၢအကိၤဒ်လၢၢ်အသိး ဒီးဟ့ၣ်လီၤသုသးလၢအစူၢ်တၢ်တဖျၢၣ်န့ၣ်လီၤ.

လံာ်ယိၤဟၣ် 12:25

ပှၤတဂၤလၢ်လၢ်လၢအအဲၣ်လီၤအသးသမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. ဒီးပှၤတဂၤလၢ်လၢ်လၢ အတအဲၣ်လီၤအသးသမူဒၣ်ဝဲလၢဟီၣ်ခိၣ်အံၤန့ၣ်, ကဟံးဃာ်ပၢၤဃာ်ဝဲလၢတၢ်မူအထူအယိာ်အဂီၢ်လီၤ.

လံာ်ယိၤဟၣ် 14:21

ပှၤတဂၤလၢ်လၢ်လၢအတူၢ်လိာ်ယတၢ်မၤလိာ်တဖၣ် ဒီးတိၢ်န့ၢ်ဒီးမၤထွဲဝဲန့ၣ်, မ့ၢ်ပှၤတဂၤလၢအအဲၣ်ယၤလီၤ. ယပၢ်ကအဲၣ်ပှၤတဂၤလၢ်လၢ်လၢအအဲၣ်ယၤ, ဒီးယဲဒၣ်စ့ၢ်ကီး ယကအဲၣ်အီၤဒီးလီၣ်ဖျါထီၣ်ယသးလၢအီၤလီၤ.”

၁ ပ့းတရူး 3:10

ဒ်တၢ်ကွဲးအသးစံးဝဲအသိး, “ပှၤတဂၤလၢ်လၢ်လၢအသးအိၣ်မုာ်လၤလၢ တၢ်အိၣ်မူအပူၤ ဒီးဆၢထံၣ်ဘၣ်နံၤသီလၢအဂ့ၤတဖၣ်န့ၣ်, တဘၣ်ကတိၤအၢကတိၤသီတၢ်ဘၣ် ဒီးကဘၣ်ဆိကတီၢ် တၢ်ကတိၤလီတၢ်တဖၣ်န့ၣ်လီၤ.