တၢ်ကတိၤဒိ. 19:7 - Sgaw Karen Common Bible

⁷ ပှၤဖှီၣ်ဖိယာ်ဖိတဂၤအဒီပုၢ်ဝဲၢ်တဖၣ်ဒၣ်လဲာ်သးဟ့အီၤလီၤ. အတံၤသကိးတဖၣ်ဟးယံၤဒီးအီၤန့ၣ်တလီၤကမၢကမၣ်ဘၣ်. ကျဲးစၢးဝဲဆူၣ်ထဲလဲၣ်ထဲလဲၣ်ဘၣ်ဆၣ်မၤအဝဲသ့ၣ်တန့ၢ်နီတဂၤဘၣ်.

တၢ်ကတိၤဒိ. 19:7 Iomraidhean Croise

စံးထီၣ်ပတြၢၤ 38:11

ယတံၤသကိးတဖၣ်ဒီးပှၤအိၣ်လၢယဃၢၤတဖၣ် အိၣ်ယံၤဒီးယၤ မ့ၢ်လၢယပူၤလီၢ်တဖၣ်အဃိ, ယဟံၣ်ဖိဃီဖိသ့ၣ်တဖၣ်ဒၣ်လဲာ် အိၣ်ယံၤဒီးယၤလီၤ.

စံးထီၣ်ပတြၢၤ 38:12

ပှၤလၢအအဲၣ်ဒိးမၤသံယၤပာ်လီၤပျံၤသကွီၤလၢယဂီၢ်, ပှၤလၢအအဲၣ်ဒိးမၤဆါယၤကတိၤပျံၤကတိၤဖုးတၢ်လၢကမၤဟး ဂီၤယၤလီၤ. အဝဲသ့ၣ်ကူၣ်တၢ်အၢထီဒါယၤသ့သ့တနံၤလီၤ.

စံးထီၣ်ပတြၢၤ 88:18

ယတံၤသကိးတဖၣ်လၢ အဘူးကတၢၢ်ဒီးဒၣ်လဲာ်န့ၣ် နပျဲအညိကွံာ်ယၤလီၤ. ဖဲယလဲၤတပူၤလၢ်လၢ်အလီၢ်န့ၣ် အိၣ်ဒၣ်ထဲတၢ်ခံးတၢ်နၤန့ၣ်လီၤ.

စံးထီၣ်ပတြၢၤ 88:8

နမၢယတံၤသကိးသ့ၣ်တဖၣ်ညိကွံာ်ယၤ, ဒီးယကဲထီၣ်တၢ်သး ဘၣ်အၢလၢ အဝဲသ့ၣ်အဂီၢ်လီၤ. ယဘၣ်တၢ်ကဝီၤဃာ်ယၤဒီး ယထူၣ်ဖျဲးထီၣ်တသ့ဘၣ်.

တၢ်ကတိၤဒိ. 10:15

တၢ်ထူးတၢ်တီၤန့ၣ်အိၣ်ပှိၤပှၤထူးပှၤတီၤလီၤ. မ့မ့ၢ်တၢ်ဖှီၣ်တၢ်ယာ်မၤဟးဂီၤပှၤဖှီၣ်ဖိယာ်ဖိလီၤ.

တၢ်ကတိၤဒိ. 14:20

ပှၤဖှီၣ်ဖိယာ်ဖိန့ၣ်ဘၣ်တၢ်သးဟ့အီၤလၢပှၤလၢအဃၢၤ ဒၣ်လဲာ်လီၤ. မ့မ့ၢ်, ပှၤထူးပှၤတီၤအိၣ်ဒီးအတံၤသကိးအါဂၤလီၤ.

တၢ်ကတိၤဒိ. 18:23

ဖဲပှၤအဖှီၣ်တဂၤကတိၤတၢ်န့ၣ်, အဝဲဘၣ်ဃ့သကွံၢ်ဘါကညးတၢ်လီၤ. မ့မ့ၢ်ဖဲပှၤအထူးအတီၤတဂၤစံးဆၢတၢ်န့ၣ်, မၤဝဲရၢၢ်ရၢၢ်စၢၢ်စၢၢ်န့ၣ်လီၤ.

တၢ်ကတိၤဒိ. 19:4

တၢ်ထူးတၢ်တီၤဟဲစိာ်တံၤသကိးအသီအါဂၤလီၤ. မ့မ့ၢ်တၢ်ဖှီၣ်တၢ်ယာ်န့ၣ်ဟံးဃာ်တံၤသကိးစှၤဂၤဒၣ်လဲာ်တန့ၢ် ဘၣ်.

တၢ်ကတိၤဒိ. 21:13

နမ့ၢ်ဂ့ၢ်လိာ်လၢနကဒိကနၣ်ပှၤအဖှီၣ်အယာ်အတၢ်ကိးထီၣ်ဒီး, နတၢ်ကိးထီၣ်ဒၣ်နဲလၢတၢ်မၤစၢၤအဂီၢ်စ့ၢ်ကီးတၢ်တနၢ်ဟူ ဘၣ်အီၤဘၣ်န့ၣ်လီၤ.

တၢ်ကတိၤဒိ. 27:10

သးပ့ၤနီၣ်နတံၤသကိးတဖၣ်ဒီးနပၢ်အတံၤသကိးတဖၣ်တဂ့ၤ. နမ့ၢ်အိၣ်လၢတၢ်ကိၢ်တၢ်ဂီၤအပူၤဒီးဃ့နဒီပုၢ်ဝဲၢ်အတၢ်မၤစၢၤ တဂ့ၤ. ပှၤလၢနဃၢၤလၢအအိၣ်ဘူးဒီးနၤတဂၤမၤစၢၤနၤက သ့အါန့ၢ်ဒံးနဒီပုၢ်ဝဲၢ်လၢအအိၣ်ယံၤတဂၤတက့ၢ်န့ၣ်လီၤ.

ယၤကိာ် 2:6

ဘၣ်ဆၣ်ဒီး, သုတယူးယီၣ်ပှၤဖှီၣ်ဖိတဖၣ်ဘၣ်. မ့ၢ်မတၤတဖၣ်ဆီၣ်ဘံးဆီၣ်ဘၢသုဒီးတွံၢ်သုဆူစံၣ်ညီၣ် ကွီၢ်တဖၣ်အမဲာ်ညါန့ၣ်လဲၣ်. မ့ၢ်ဒၣ်ပှၤထူးပှၤတီၤတဖၣ်လီၤ.