တၢ်ကတိၤဒိ. 19:6 - Sgaw Karen Common Bible

⁶ ပှၤကိးဂၤဒဲးကျဲးစၢးဃုမၤန့ၢ်ပှၤလၢအကါဒိၣ်တဖၣ်အတၢ်ဘၣ် အသးလီၤ. ဒီးပှၤခဲလၢာ်စံးလီၤအသးလၢအဒီတံၤဒီသကိးဒီးပှၤ တဂၤလၢအဟ့ၣ်တၢ်ဟ့ၣ်တဖၣ်န့ၣ်လီၤ.

တၢ်ကတိၤဒိ. 19:6 Iomraidhean Croise

လံာ်တၢ်ကဲထီၣ်အခီၣ်ထံး 32:20

သုကဘၣ်စံး, ‘အၢၣ်, နခ့နပှၤစီၤယၤကိာ်ဟဲလၢပလီၢ်ခံ ဖိအံၤလီၤ.’ ” ဒီးစီၤယၤကိာ်ဆိကမိၣ်ဝဲဒၣ်လၢ, “ယကမၤန့ၢ်စီၤဧ့ၡီၤအတၢ်ဘၣ်သူၣ်ဘၣ်သးယၤခီဖျိတၢ်ဟ့ၣ် ကနၢၤတဖၣ်အံၤဒီးဖဲယထံၣ်အီၤန့ၣ်ဘၣ်သ့ၣ်သ့ၣ်အဝဲကပျၢ်ယတၢ်ကမၣ် န့ၣ်လီၤ.”

လံာ်တၢ်ကဲထီၣ်အခီၣ်ထံး 42:6

ဒ်ကီၢ်အဲၤကူပတူးအပဒိၣ်ဖးဒိၣ်တဂၤအသိး, စီၤယိၤသးဆါလီၤဘုဧိၤဟုဧိၤဆူပှၤဂီၢ်မုၢ်လၢအအိၣ်လၢဟီၣ် ခိၣ်ချၢခဲလၢာ်န့ၣ်လီၤ. လၢတၢ်န့ၣ်အဃိစီၤယိၤသးအဒီပုၢ်ဝဲၢ်ခွါတဖၣ်ဟဲဒီးသကူးလီၤ အသးတုၤအကျးလီၤအမဲာ်လၢဟီၣ်ခိၣ်လိၤလၢစီၤယိၤသးအမဲာ်ညါန့ၣ်လီၤ.

လံာ်တၢ်ကဲထီၣ်အခီၣ်ထံး 43:15

ဒီးပှၤဒီပုၢ်ဝဲၢ်ခွါသ့ၣ်တဖၣ်စိာ်ထီၣ်တၢ်ဟ့ၣ်သ့ၣ်တဖၣ်ဒီးစ့ လၢအဘၣ်တၢ်ဟ့ၣ်ကဒါက့ၤအီၤခံစးဒီးဟးထီၣ်လဲၤဆူကီၢ်အဲၤကူ ပတူးဃုာ်ဒီးစီၤဘံၣ်ယၤမံၣ်န့ၣ်လီၤ. ဒီးဖဲန့ၣ်အဝဲသ့ၣ်ပာ်ဖျါအသးလၢစီၤယိၤသးအမဲာ်ညါန့ၣ်လီၤ.

စံးထီၣ်ပတြၢၤ 45:12

ပှၤထါယၢၣ်ဖိတဖၣ်ကဟဲစိာ်န့ၢ်နၤတၢ်ဟ့ၣ်တဖၣ်, ဒီးပှၤထူးပှၤတီၤသ့ၣ်တဖၣ်ကဂုာ်ကျဲးစၢးလၢ ကဒိးန့ၢ်ဘၣ်နတၢ်ဘၣ်သူၣ်ဘၣ်သးန့ၣ်လီၤ.

တၢ်ကတိၤဒိ. 16:15

စီၤပၤအကွၢ်မဲာ်တၢ်န့ၣ်မၤသးဒ်တၢ်အၢၣ်တဖၣ်လၢအဟဲစိာ်မူခိၣ် ထံလၢတၢ်စူၤလီၤသီအကတီၢ်န့ၣ်လီၤ. တၢ်မူအိၣ်ဖဲန့ၣ်, န့ၣ်လီၤ.

တၢ်ကတိၤဒိ. 17:8

ပှၤတနီၤဆိကမိၣ်ဝဲလၢတၢ်ဟ့ၣ်ခိၣ်ဖးလာ်ဆှိးမၤတၢ်ဒ်တၢ်မၤ ကဒါပှၤမဲာ်တခါအသိး, ဒီးဆိကမိၣ်ဝဲလၢတၢ်အံၤမၤတၢ်သ့ခဲလၢာ်လီၤ.

တၢ်ကတိၤဒိ. 18:16

နအဲၣ်ဒိးထံၣ်လိာ်ပှၤအကါဒိၣ်တဂၤဧါ. လဲၤစိာ်န့ၢ်အီၤတၢ်ဟ့ၣ် တမံၤဒီးကညီလၢနဂီၢ်လီၤ.

တၢ်ကတိၤဒိ. 19:12

စီၤပၤအတၢ်သးထီၣ်န့ၣ်လီၤဂာ်ဒ်ခ့ယုၢ်တဒုအကညီၤတၢ်အသိးလီၤ. မ့မ့ၢ်အတၢ်ဘၣ်အသးန့ၣ်မၤအသးဒ်ပစီၤထံလၢအလီၤဘၣ်လၢကပံာ် အဖီခိၣ်အသိးန့ၣ်လီၤ.

တၢ်ကတိၤဒိ. 21:14

ပှၤတဂၤဂၤမ့ၢ်သးဒိၣ်ဘၣ်နၤဒီး, တၢ်ဟ့ၣ်ဖိတမံၤလၢတၢ်ခူသူၣ် အပူၤန့ၣ်, ကမၤသးခုၣ်လီၤအသးန့ၣ်လီၤ.

တၢ်ကတိၤဒိ. 29:26

ပှၤကိးဂၤန့ၢ်ဘၣ်ပှၤပၢတၢ်အတၢ်ဘၣ်သူၣ်ဘၣ်သးန့ၣ်လီၤ. ဘၣ်ဆၣ်ဒီး, တၢ်စံၣ်ညီၣ်တီန့ၣ်နမၤန့ၢ်သ့ထဲဒၣ်လၢယွၤတဂၤဧိၤအအိၣ်လီၤ.

လံာ်မးသဲ 2:11

အဝဲသ့ၣ်လဲၤနုာ်ဆူဟံၣ်ပူၤဒီးတုၤအထံၣ်ဖိသၣ်ဒီးအမိၢ်နီၢ်မၤရံန့ၣ်, ချံးခီၣ်တီၤလီၤဒီးဘူၣ်ထီၣ်ဘါထီၣ်အီၤလီၤ. ဝံၤအိးထီၣ်အတၢ်လုၢ်ဒိၣ်ပှ့ၤဒိၣ်တဖၣ်ဒီးဟ့ၣ်အီၤလၢထူ, ဒီးတၢ်နၢမူလုၢ်ဒိၣ်ပှ့ၤဒိၣ်လၢအမ့ၢ်လီၢ်ဘၣ်, ဒီးမူရၣ်တဖၣ်လီၤ.

ရိမ့ၤ 6:23

အဂ့ၢ်ဒ်လဲၣ်န့ၣ်, တၢ်ဒဲးဘးအဘူးအလဲမ့ၢ်တၢ်သံလီၤ. မ့မ့ၢ်ကစၢ်ယွၤအတၢ်ဟ့ၣ်ကလီမ့ၢ်တၢ်မူအထူအယိာ် လၢပကစၢ်ယ့ၣ်ၡူးခရံာ်အပူၤန့ၣ်လီၤ.