တၢ်ကတိၤဒိ. 19:27 - Sgaw Karen Common Bible

²⁷ ဖိခွါဧၢ, ဖဲနဆိကတီၢ်တၢ်မၤလိန့ၢ်တၢ်န့ၣ်, တစိၢ်ဖိဒီးနကကွၢ်ကပာ်ကွံာ်တၢ်လၢနသ့ၣ်ညါတ့ၢ်လံအီၤန့ၣ်လီၤ.

တၢ်ကတိၤဒိ. 19:27 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 13:5

စီၤယိနဒာ်စံးဘၣ်အီၤ, “ပာ်မၤနသးဒ်နဆူးနဆါအသိးဒီးမံလီၤလၢလီၢ်မံဖီခိၣ်တက့ၢ်. ဖဲနပၢ်ဟဲဒ်သိးကကွၢ်နၤန့ၣ်တဲဘၣ်အီၤလၢ ဝံသးစူၤမၢယဒီပုၢ်ဝဲၢ်မုၣ်နီၢ်တၤမၢ်ဟဲဒီးဒုးအီၣ်ယၤတၢ်အီၣ်တက့ၢ်. ယအဲၣ်ဒိးလၢအဝဲကကတဲာ်ကတီၤတၢ်အီၣ်တၢ်အီဖဲအံၤ, ဖဲယထံၣ်ဘၣ်အီၤသ့ဒီးဒုးအီၣ်ယၤလၢအနီၢ်ကစၢ်ဒၣ်ဝဲန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 10:10

အဝဲသ့ၣ်စံးဆၢဝဲ, “တၢ်အံၤမ့ၢ်တၢ်လၢနကြၢးတဲဘၣ်အဝဲ သ့ၣ်န့ၣ်လီၤ. ယစုမုၢ်ဆၣ်အံၤတီၣ်န့ၢ်ဒံးယပၢ်အယီၢ်ဒ့တက့ၢ် လီၤ.

တၢ်ကတိၤဒိ. 14:7

အိၣ်ယံၤဒီးပှၤဟးဂီၤဖိတဖၣ်တက့ၢ်. အဝဲသ့ၣ်ကသိၣ်လိနၤအဂီၢ် တၢ်တအိၣ်နီတမံၤဘၣ်.

တၢ်ကတိၤဒိ. 19:26

ပှၤလၢအမၤဆူၣ်မၤစိးအပၢ်ဒီးဟီထီၣ်ကွံာ်အမိၢ်န့ၣ်, မ့ၢ်ဖိခွါတဂၤလၢအဒုးအိၣ်ထီၣ်တၢ်မဲာ်ဆှးဒီးဟဲစိာ်တၢ်ဒုၣ် ဒွဲၣ်န့ၣ်လီၤ.

တၢ်ကတိၤဒိ. 19:28

လၢအလီၢ်ဖဲပှၤအုၣ်အသးတဂၤပာ်လီၤအသးလၢကမၤဆါပှၤတဂၤဂၤ န့ၣ်, တၢ်စံၣ်ညီၣ်တီတအိၣ်ဘၣ်. ပှၤအအၢအသီ တဖၣ်အဲၣ်တၢ်အၢတၢ်သီအတၢ်ဝံၣ်သိဝံၣ်ဘဲးလီၤ.

လံာ်ယံးရမံယၤ 27:9

ဒိကနၣ်သုဝံတဖၣ် မ့တမ့ၢ်, ပှၤတဂၤဂ့ၤတဂၤဂ့ၤလၢ အစံးဝဲလၢ သါကတိၤဆိပာ်တၢ်ကမၤအသးဆူညါ သ့ဝဲခီဖျိလၢ တၢ်မံမီၢ်တဖၣ်မ့ၢ်ဂ့ၤ, ခီဖျိလၢ တၢ်ကိးထီၣ်ပှၤသံအလၤတဖၣ် မ့ၢ်ဂ့ၤ, ဒီးခီဖျိလၢ တၢ်မၤကဒါမဲာ်မ့ၢ်ဂ့ၤ အကလုၢ်န့ၣ်တဂ့ၤ. အဝဲသ့ၣ်ခဲလၢာ်တဲဘၣ် သုလၢသုတဘၣ်ဆီၣ်လီၤသုသးလၢ ကီၢ်ဘၤဘူၤလိၣ်အစီၤပၤအဖီလာ် တဂ့ၤန့ၣ်လီၤ.

လံာ်မးသဲ 16:12

တုၤနုၤတစုအပျဲၢ်အဘီၣ်တဖၣ်နၢ်ပၢၢ်ဝဲလၢ, တၢ်လၢယ့ၣ်ၡူးတဲပလီၢ်အဝဲသ့ၣ်လၢအကတဒီတဒါအသးန့ၣ်, တမ့ၢ်ဘၣ်ကိၣ်မံၣ်လၢတၢ်သူအီၤပှၤမၤကိၣ်န့ၣ်ဘၣ်. မ့မ့ၢ်, မ့ၢ်လၢပှၤဖၤရံၤၡဲဒီးပှၤစးဒူၤကဲတဖၣ်အတၢ်သိၣ်လီၤသီလီၤန့ၣ်လီၤ.

လံာ်မးသဲ 16:6

ယ့ၣ်ၡူးစံးဘၣ်အဝဲသ့ၣ်, “ပလီၢ်ပဒီသုသးလၢ ပှၤဖၤရံၤၡဲဒီးပှၤစးဒူၤကဲအကိၣ်မံၣ်တက့ၢ်.”

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

လံာ်မၢ်ကူး 4:24

အဝဲဒၣ်စံးဘၣ်စ့ၢ်ကီးအဝဲသ့ၣ်, “တၢ်လၢသုနၢ်ဟူဘၣ်အံၤန့ၣ်ကနၣ်အီၤထံထံဆးဆးတက့ၢ်. သုအိၣ်ဒီးနီၣ်ထိၣ်တဖၣ်လၢသုကစံၣ်ညီၣ်ပှၤဂၤတဖၣ်အဂီၢ်လီၤ. ကစၢ်ယွၤကစံၣ်ညီၣ်သုဒ်သုနီၣ်ထိၣ်န့ၣ်အသိးဒီးကဆူၣ်န့ၢ်ဒံး အဝဲန့ၣ်တက့ၢ်လီၤ.

လံာ်ယိၤဟၣ် 10:5

အဝဲသ့ၣ်တပိာ်ပှၤဂၤအခံဘၣ်. အခိၣ်တလိာ်, အဝဲသ့ၣ်ကဃ့ၢ်ကွံာ်လၢပှၤဒ်န့ၣ်သိးတဖၣ်အအိၣ် မ့ၢ်လၢအတသ့ၣ်ညါအကလုၢ်အဃိလီၤ.”

အ့းဖ့းစူး 4:14

တုၤနုၤတစုပတမ့ၢ်လၢၤပှၤဖိသၣ်လၢအဘၣ်တၢ်ဆှၢကဒံ ဆှၢကဒါဒီးထုးဝ့ၤထုးဝီၤအီၤလၢပှၤလီန့ၢ်တၢ်ဖိအတၢ်သိၣ်လိ သီလိအကလံၤလၢအဆှၢကမၣ်ပှၤခီဖျိတၢ်လီတၢ်ဝ့ၤအတၢ် ကူၣ်သ့န့ၣ်လၢၤဘၣ်.

၁ တံၤမသ့း 4:7

ဘၣ်ဆၣ်ဒီး, ပဒ့ၣ်ဟးဆှဲးတၢ်တသ့ၣ်ညါထူတသ့ၣ်ညါယွၤအတၢ်စံၣ် ဃဲၤတဲဃဲၤလၢပျၢၤလၢအဘျုးအဖှိၣ်တအိၣ်ဘၣ်တဖၣ်န့ၣ် တက့ၢ်. သိၣ်လီၤဒၣ်နသးလၢတၢ်အိၣ်မူယူးယီၣ်ယွၤအဂီၢ် န့ၣ်တက့ၢ်.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.

၂ ယိၤဟၣ် 1:10

လၢတၢ်န့ၣ်အဃိ, ပှၤတဂၤဂၤမ့ၢ်ဟဲဆူသုအိၣ်ဒီး တဟဲစိာ်ဘၣ်တၢ်သိၣ်လိသီလိအံၤန့ၣ်, တဘၣ်တူၢ်လိာ် အီၤလၢသုဟံၣ်ပူၤတဂ့ၤ. တဘၣ်စံးဒၣ်လဲာ် “မ်တၢ်ဃူတၢ်ဖိးအိၣ်ဒီးနၤ” တဂ့ၤ.

လံာ်လီၣ်ဖျါ 2:2

ယသ့ၣ်ညါတၢ်လၢနမၤတ့ၢ်နဲတဖၣ်လီၤ. ယသ့ၣ်ညါဘၣ်ဃးနဖံးတၢ်မၤတၢ်ဆူၣ်ဆံးအါ, ဒီးနသူၣ်စူၤသးစူၤတ့ၢ်နဲဆံးအါအဂ့ၢ်လီၤ. ယသ့ၣ်ညါလၢနပျဲပှၤအၢပှၤသီတဖၣ်မၤဖဲအသးဒၣ်ဝဲန့ၣ် တကဲဘၣ်. ဒီးလၢနမၤကွၢ်တ့ၢ်နဲပှၤတဖၣ်လၢအစံးလၢ အမ့ၢ်ပှၤတၢ်မၢဖိတဖၣ်ဘၣ်ဆၣ်တမ့ၢ်ဘၣ်, ဒီးနသ့ၣ်ညါဘၣ်တ့ၢ်နဲလၢအဝဲသ့ၣ်မ့ၢ်ပှၤလီတၢ်ဖိတဖၣ် န့ၣ်လီၤ.