တၢ်ကတိၤဒိ. 19:23 - Sgaw Karen Common Bible

²³ ပျံၤယွၤဒီးယူးယီၣ်အီၤတက့ၢ်. ဒီးနကအိၣ်မူအါနံၣ်အါလါ, သူၣ်မံသးမံဒီးပူၤဖျဲးလၢတၢ်မၤဆူးမၤဆါန့ၣ်လီၤ.

တၢ်ကတိၤဒိ. 19:23 Iomraidhean Croise

စံးထီၣ်ပတြၢၤ 103:17

မ့မ့ၢ်ယွၤအတၢ်အဲၣ်ဂၢၢ်ကျၢၤအိၣ်ဝဲလၢ ပှၤလၢအပျံၤအီၤတဖၣ်အလိၤလီၤစိၤလီၤထီ ဒီးအတၢ်ဂ့ၤတၢ်ဝါန့ၣ်အိၣ်ဂၢၢ်ဆိးကျၢၤကိးစိၤဒဲး,

စံးထီၣ်ပတြၢၤ 19:9

တၢ်ပျံၤယွၤန့ၣ်စီဝဲဆှံဝဲ, ဒီးအိၣ်ဝဲအစိၤစိၤအဃၣ်ဃၣ်လီၤ. ယွၤအတၢ်စံၣ်ညီၣ်တဖၣ်န့ၣ်မ့ၢ်အမ့ၢ်အတီ ဒီးလိၤဝဲတီဝဲခဲလၢာ်လီၤ.

စံးထီၣ်ပတြၢၤ 25:13

အဝဲသ့ၣ်ကဘီၣ်ထီၣ်ညီထီၣ်ထီဘိ ဒီးအဖိတဖၣ်ကဒိးန့ၢ်ဘၣ်ထံဧိၤကီၢ်ဧိၤန့ၣ်လီၤ.

စံးထီၣ်ပတြၢၤ 85:9

မ့ၢ်မးအတၢ်အုၣ်က့ၤခီၣ်က့ၤန့ၣ် အိၣ်ဘူးဒီးပှၤလၢအပျံၤအီၤ, ဒ်သိးတၢ်လၤတၢ်ကပီၤကအိၣ်ကဆိးလၢ ပကီၢ်အပူၤန့ၣ်လီၤ.

စံးထီၣ်ပတြၢၤ 90:14

မၤပှဲၤပှၤလၢနတၢ်အဲၣ်ဂၢၢ်ကျၢၤကိးမုၢ်ဂီၤဒဲး, ဒ်သိးပကသးဝံၣ်ထီၣ်တၢ်ဒီးသးခုလၢ ပတၢ်အိၣ်မူတစိၤဒၣ်ပှၤန့ၣ်တက့ၢ်.

စံးထီၣ်ပတြၢၤ 91:10

တၢ်အၢတလီၤဘၣ်လၢနလိၤနီတမံၤဘၣ်, ဒီးတၢ်သံသတြိာ်တဟဲဘူးဘၣ်ဒီးနၤဘၣ်.

စံးထီၣ်ပတြၢၤ 91:16

ယကဒုးမံသူၣ်မံသးအီၤလၢတၢ်အိၣ်ကၢအိၣ်ခိး, ဒီးဒုးနဲၣ်အီၤယတၢ်အုၣ်က့ၤခီၣ်က့ၤလီၤ.”

တၢ်ကတိၤဒိ. 10:27

တၢ်ပျံၤယွၤန့ၣ်ဒုးထီထီၣ်တၢ်အိၣ်မူလီၤ. မ့မ့ၢ်, ပှၤတတီတလိၤအနံၣ်အလါကဖုၣ်ဝဲလီၤ.

တၢ်ကတိၤဒိ. 11:19

ပှၤတဂၤလၢ်လၢ်လၢအပာ်လီၤအသးဒ်သိးကမၤတၢ်လၢအဘၣ်န့ၣ်ကမူဝဲ လီၤ. မ့မ့ၢ်, ပှၤတဂၤလၢ်လၢ်လၢအပာ်အသးဆၢဆူၣ်ဆၢမနၤလၢကမၤ အၢတၢ်န့ၣ်ကသံဝဲလီၤ.

တၢ်ကတိၤဒိ. 12:21

တၢ်အၢတဘၣ်ဘၣ်ပှၤတီပှၤလိၤနီတမံၤဘၣ်. မ့မ့ၢ်ပှၤတတီတလိၤတဖၣ်ပှဲၤဝဲဒီးတၢ်ကီတၢ်ခဲန့ၣ်လီၤ.

တၢ်ကတိၤဒိ. 19:22

တၢ်လၢအလိၣ်ဝဲလၢပှၤကညီတဂၤအပူၤန့ၣ်မ့ၢ်တၢ်သးတီလီၤ. ဒီးပှၤအဖှီၣ်အယာ်တဂၤန့ၣ်ဂ့ၤဒိၣ်န့ၢ်ဒံးပှၤလီတၢ်တဂၤတက့ၢ် န့ၣ်လီၤ.

တၢ်ကတိၤဒိ. 22:4

အိၣ်ဒီးတၢ်ယူးယီၣ်ပာ်ကဲယွၤဒီးဆီၣ်လီၤနသးတက့ၢ်. ဒီးနကန့ၢ်ဘၣ်တၢ်ထူးတၢ်တီၤတဖၣ်, တၢ်လၤကပီၤ, ဒီးတၢ်အိၣ်မူအါနံၣ်အါလါန့ၣ်လီၤ.

တၢ်ကတိၤဒိ. 3:24

တုၤနမံလီၤလၢလီၢ်မံခိၣ်ဒီးနတပျံၤဘၣ်တၢ်ဘၣ်. ဒီးနကမံလၢတၢ်သူၣ်တုၤလီၤသးတုၤလီၤအပူၤသီတနၤကျၢၤလီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 5:6

ပှၤလၢအတၢ်ဆၢမိၣ်န့ၢ်သးလီတၢ်အဒိၣ်ကတၢၢ် မ့ၢ်တၢ်တီတၢ်လိၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤကမၤလၢပှဲၤအတၢ်မိၣ်န့ၢ် သးလီအံၤလၢလၢပှဲၤပှဲၤလီၤ.

မၤတၢ် 9:31

သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

ရိမ့ၤ 8:28

ဒီးပသ့ၣ်ညါလၢပှၤလၢအအဲၣ်ကစၢ်ယွၤ, ပှၤလၢအဘၣ်တၢ် ကိးထီၣ်အီၤဒ်အတၢ်ကူၣ်ပာ်အသိးန့ၣ်, ကစၢ်ယွၤမၤဃုာ်တၢ် ဒီးအီၤလၢတၢ်ခဲလၢာ်အပူၤလၢတၢ်ဂ့ၤအဂီၢ်လီၤ.

၁ တံၤမသ့း 4:8

နီၢ်ခိအတၢ်ဟူးတၢ်ဂဲၤအိၣ်ဒီးအဘျုးအဖှိၣ်တနီၤ, မ့မ့ၢ်သးအတၢ်ဟူးတၢ်ဂဲၤအဘျုးအဖှိၣ်အိၣ်ဝဲလၢကျဲခဲလၢာ်, မ့ၢ်လၢအအိၣ်ဒီးတၢ်အၢၣ်လီၤအီလီၤဘၣ်ဃးတၢ်မူလၢဆၢ ကတီၢ်ခဲအံၤအဂီၢ်မ့ၢ်ဂ့ၤ, တၢ်မူလၢခဲကိာ်တဃၣ်အဂီၢ်မ့ၢ်ဂ့ၤ အဃိန့ၣ်လီၤ.

၂ တံၤမသ့း 4:18

ဒီးကစၢ်ကမၤပူၤဖျဲးယၤလၢတၢ်အၢတၢ်သီခဲလၢာ်ဒီးကဟံးန့ၢ် ဒီးဆှၢယၤပူၤပူၤဖျဲးဖျဲး ဆူအမူခိၣ်ဘီမုၢ်အပူၤလီၤ. မ်တၢ်လၤကပီၤဘၣ်အီၤအစိၤစိၤအဃၣ်ဃၣ်န့ၣ်တက့ၢ်. အၤမ့ၣ်.